ក្រុមឈ្មួញកំពុងតែសំរុកដឹកជញ្ជូនឈើធ្នុងបេងតាមទូកចេញពីចំណុចភូមិអាចេន ឃុំ កំពង់ចាមដែលស្ថិតនៅក្នុងស្រុកសំបូរខេត្តក្រចេះយ៉ាងពពាក់ពពូនដើម្បីយកមកកែចាយនៅតាមសិប្បកម្មនានានៅក្នុងខេត្តក្រចេះតែលោក សេង ស៊ីដារុន នាយសង្កាត់រដ្ឋបាលព្រៃឈើសណ្តាន់មិនបានយកចិត្តទុកដាក់ចុះបង្រាបឬចាប់ការដឹកជញ្ជូនឈើល្មើសច្បាប់របស់ក្រុមឈ្មួញទាំងនោះទាល់តែសោះ។
បើតាមប្រភពព័ត៌មានដែលទទួលបានពីប្រជាពលរដ្ឋបានប្រាប់ឱ្យដឹងថាបច្ចុប្បន្ននេះគេឃើញតែក្រុមឈ្មួញកំពុងតែបានដៃយ៉ាងពេញទំហឹងក្នុងការដឹកជញ្ជូនឈើបេងធ្នុងចេញពីច្រកអាចេនដែលស្ថិតនៅក្នុងទឹកដីនៃស្រុកសំបូរតែប្រជាពលរដ្ឋមិនដែលឃើញលោកនាយសង្កាត់រដ្ឋបាលព្រៃឈើសណ្តាន់ចុះបង្ក្រាបឬចាប់ក្រុមឈ្មួញទាំងនោះឡើយហើយនៅក្នុងចំណោមក្រុមឈ្មួញទាំងគឺគេបានស្គាល់ឈ្មោះឈ្មួញម្នាក់យ៉ាងច្បាស់ថាឈ្មោះ សិទ្ធី ហើយលោក សិទ្ធិ នេះរកស៊ីឈើល្មើសច្បាប់យូរយាណាស់មកហើយ។
បើតាមសេចក្តីរាយការណ៍មួយទៀតដែលប្រជាពលរដ្ឋបានប្រាប់ឱ្យដឹងទៀតថា មូលហេតុដែលលោក សិទ្ធិ នេះអាចដឹកជញ្ជូនឈើល្មើលច្បាប់នេះបានគឺបណ្តាលមកពីការបើកភ្លើងខៀវពីសំណាក់លោក សេង ស៊ីដារុន នាយសង្កាត់រដ្ឋបាលព្រៃឈើសណ្តាន់ទើបលោក សិទ្ធិ អាចដឹកជញ្ជូនឈើល្មើសច្បាប់តាមទូកនេះបាន ហើយក្នុងមួយទូកលោក សិទ្ធិ ត្រូវបង់លុយឱ្យលោក សេង ស៊ីដារុន ពី៥០០ដុល្លារទៅ១០០០ដុល្លារតាមទូកតូចឬទូកធំទើបលោក សិទ្ធ អាចដឹកឈើចេញពីចំណុចដែលរៀបរាប់ជូនខាងលើនោះបានបើមិនដូច្នោះទេលោក សិទ្ធិ មិនអាចដឹកឈើបេងនិងធ្នុងចេញពីចំណុចនោះបានមួយកំណាត់ណាឡើយហើយក្នុងទូកនិមួយៗគឺពួកគេអាចផ្ទុកឈើបានពី៥ម៉ែត្រគូបទៅ១០ម៉ែត្រគូប។
ជុំវិញបញ្ហាការរិះគន់យ៉ាងចំទៅលើលោក សេង ស៊ីដារុន នាយសង្កាត់រដ្ឋបាលព្រៃឈើសណ្តាន់អ្នកយកព័ត៌មានយើងបានធ្វើការទំនាក់ទំនងតាមទូរស័ព្ទជាច្រើនដងដែរតែគាត់មិនបានលើកទូរស័ព្ទសោះ៕
កម្ពុជាថ្មី
No comments:
Post a Comment
yes