កម្លាំងចំរុះបានឃាត់ខ្លួនជនសង្ស័យម្នាក់ពាក់ព័ន្ធនិងករណីចាប់ជំរិតកូនប្រុសលោក សូ ផន រដ្ឋលេខាធិការក្រសួងមហាផ្ទៃនូវទឹកប្រាក់ប្រមាណ៥០ម៉ឺនដុល្លារកាលពីថ្ងៃទី៨ខែតុលាឆ្នាំ២០១១និងបន្តតាមស្វែងរកចាប់ខ្លួនអ្នកពាក់ព័ន្ធ៥នាក់ផ្សេងទៀត។
កម្លាំងសមត្ថកិច្ចនៅរសៀលថ្ងៃទី២៣ខែវិច្ឆិកាឆ្នាំ២០១១នេះបាននាំខ្លួនជនសង្ស័យឈ្មោះ ស៊ុត សុភី ភេទប្រុសអាយុ៤១ឆ្នាំពីខេត្តមណ្ឌលគិរីដែលសមត្ថកិច្ចឃាត់ខ្លួនកាលពីយប់ថ្ងៃទី២២ខែវិច្ឆិកាឆ្នាម២០១១ដើម្បីមកចង្អុលបង្ហាញទីតាំងដែលបាននាំជនរងគ្រោះមករក្សាលាក់ទុកក្នុងផ្ទះជួលមួយ កន្លែងស្ថិតនៅផ្ទះលេខ២២៤ ផ្លូវ១៣២ សង្កាត់ទឹកល្អក់មួយខណ្ឌទួលគោក។
ជនសង្ស័យបានសារភាពប្រាប់សមត្ថកិច្ចថាពួកគេមានបក្ខពួកចំនួន៦នាក់ក្នុងនោះមានស្ត្រីម្នាក់ផងដែរ។ សមត្ថកិច្ចមិនទាន់បង្ហាញព័ត៌មានលំអិតពាក់ព័ន្ធនិងករណីចាប់ជំរិតកូនប្រុសលោក សូ ផន នៅឡើយទេដោយរង់ចាំការស៊ើបអង្កេតចាប់ខ្លួនអ្នកពាក់ព័ន្ធ៥នាក់ផ្សេងទៀត៕
កម្ពុជាថ្មី
No comments:
Post a Comment
yes