សៀមរាប៖ កាលពីថ្ងៃទី04ខែសីហាឆ្នាំ2012វេលាម៉ោង9ព្រឹកលោកសេនលនជានាយរងសង្កាត់រដ្ឋបាលព្រៃឈើកន្ទួតខ្នាក្រៅបានបញ្ជារឲ្យកូនចៅទៅចាប់រថយន្នកូរ៉េដែលមានផ្ទុកឈើមួយគ្រឿងយកមកកាន់ស្នាក់ការរដ្ឋបាលព្រៃឈើកន្តួតខ្នាក្រៅ លុះរយៈពេលពីរថ្ងៃក្រោយមកក៍ស្រាប់តែមានការលួចដោះលែងរថយន្នដែលដឹកឈើនោះទៅវិញដោយស្ងាត់ៗ។ តាមប្រភពព័ត៌មានបានបញ្ជាក់ថារថយន្នដឹកឈើគឺជាកម្មសិទ្ធរបស់ឈ្មោះយិនថាវដែលជាឈ្មួញឈើប្រចាំខេត្តសៀមរាប ប្រភពបានបន្តរថាឈ្មោះយិនថាវគេមានច្បាប់ឈើលេខពីរ ប្រហែលជា១២មែត្រគូបតែដឹករាប់រយម៉ែត្រគូបហើយនៅតែមិនទាន់អស់សុពលភាពទៀតមិនដឹងច្បាប់នោះត្រូវដឹកបន្តរប៉ុន្មានខែប៉ុន្មានឆ្នាំទៅទៀតទេទើបអស់សុពលភាពនោះ សព្វថ្ងៃនេះឈ្មោះយិនថាវនេះកំពុងតែទាក់ទងទិញឈើដូចជាសុក្រំ បេង គគី ដោយយកច្បាប់ដែលជាច្បាប់ទេវត្តានេះទៅអះអាងថាស្របច្បាប់ ពីពួកចោរដែលលួចកាប់ព្រៃឈើរបស់រដ្ឋយ៉ាងរំភើយដោយមិនមានការព្រួយបារម្ភអ្វីបន្តិច
ឈ្មោះយិនថាវ ជាអ្នកផ្គត់ផ្គង់ឈើនៅក្នុងខេត្តសៀមរាបស្ទើគ្រប់ដេប៉ូឈើទាំងអស់ ដោយមិនអនុញ្ញាតិឲ្យអ្នកផ្សេងយកឈើមកចែកចាយនៅតាមដេប៉ូក្រៅពីខ្លួននោះទេប្រភពបន្តរទៀតថា យិនថាវគឺជាអ្នកជំនាញក្នុងការរត់ការបង់លុយទៅតាមស្ថាបន័នៅក្នុងខេត្តទាំងអស់ ហើយគេតែងតែនិយាយថាបើអ្នកសារព័ត៌មានណាម្នាក់ហ៊ានចុះផ្សាយពីគេនោះគេនិងទាក់ទងទៅចាងហ្វាងកាសែត ទស្សនាវត្តី នោះឲ្យដកអ្នកយកព័ត៌មាននោះចេញដូចដកកូនស្ពៃអញ្ចឹង ក្នុងករណីខាងលើមជ្ឈមណ្ឌលអ្នកសារព័ត៌មានកម្ពុជាពុំអាចទាក់ទងសុំការបំភ្លឺពីបន្ត្រីរដ្ឋបាលព្រៃឈើក្នុងខេត្តសៀមរាបបានទេ យើងនិងព្យាយាមទំនាក់ទំនងដើម្បីស្តាប់ការបកស្រាយក្នុងករណីដោះលែងរថយន្នល្មើសច្បាប់ខាងលើ៕
No comments:
Post a Comment
yes