សកម្មភាពនៃការប្រមូលស្នាមមេដៃរបស់គណបក្សសង្គ្រោះជាតិ
(រូបភាពដោយ តាំង វិដា)
ប្រធានស្តីទីគណបក្សសង្គ្រោះជាតិ អះអាងថា គិតត្រឹមថ្ងៃទី២០ ខែតុលា សកម្មជនរបស់ខ្លួន ប្រមូលស្នាមមេដៃរបស់ប្រជាពលរដ្ឋបានជាង២លាន សម្រាប់ជាក់ជូនអង្គការសហប្រជាជាតិ និងសហគមន៍អន្តរជាតិ ឲ្យជួយដោះស្រាយវិបត្តិនយោបាយនៅកម្ពុជា។
ក្នុងពិធីសាកសួរសុខទុក្ខប្រជាជនដែលលិចលង់ ដោយទឹកជំនន់នៅស្រុកពួក ខេត្តសៀមរាប នៅព្រឹកថ្ងៃអាទិត្យនេះ ប្រធានស្តីទីគណបក្សសង្គ្រោះជាតិ លោក កឹម សុខា ថ្លែងថា គិតត្រឹមថ្ងៃទី២០ ខែតុលានេះ ស្នាមមេដៃប្រមូលបានជាង២លាននាក់។
តាមគម្រោងគណបក្សសង្គ្រោះជាតិ បញ្ចប់ការប្រមូលស្នាមមេដៃ នៅថ្ងៃទី២៣ ខែតុលាហើយរំពឹងថា នឹងទទួលបានស្នាមមេដៃជាងបីលាន ដើម្បីដាក់ជូនអង្គការសហប្រជាជាតិ និង ប្រទេសជាភាគីហត្ថលេខី នៃកិច្ចព្រមព្រៀងទីក្រុងបារីស ២៣តុលាឆ្នាំ១៩៩១៕
No comments:
Post a Comment
yes