លោក ថាច់ សេដ្ឋា គំរាមដឹកនាំធ្វើបាតុកម្មនៅមុខ
ស្ថានទូតវៀតណាម បើនៅតែកាប់សម្លាប់
និងបន្តធ្វើទុក្ខបុកម្នេញខ្មែរក្រោម
អង្គការ សមាគមខ្មែរកម្ពុជាក្រោមចំនួន៩ ធ្វើសន្និសីទកាសែតនៅថ្ងៃទី១៥ មករានៅក្នុងភោជនីយ៏ដ្ឋាន វិនន័រ ផ្ទះលេខ៥២ ផ្លូវ២១៧ តាមបណ្តោយផ្លូវមុនីរ៉េត
នៅ (ទល់មុខវត្ត នន្ទមុនី) ស្តីពី ប្រជាពលរដ្ឋខ្មែរកម្ពុជាក្រោម២នាក់ឈ្មោះ ថាច់ វ៉ាង និងឈ្មោះ ថាច់ ថន ត្រូវបានវៀតណាមវាយសម្លាប់ នៅទីក្រុងព្រៃនគរ។
ប្រធានអង្គការ សមាគមខ្មែរកម្ពុជាក្រោម ដែលចូលរួមសន្និសីទកាសែតមានដូចជា
១-លោក យន្ត ថារូ អ្នកតំណាងរាស្ត្រគណបក្ស សម រង្ស៊ី មណ្ឌលបន្ទាយមានជ័យ
២ -លោក ថាច់ សេដ្ឋា សមាជិកក្រុមប្រឹក្សារាជធានីភ្នំពេញគណបក្ស សម រង្ស៊ី និងជាប្រធានសហគមន៏ខ្មែរកម្ពុជាក្រោម
៣ -លោក សឺន យឿង ប្រធានសមាគមខ្មែរកម្ពុជាក្រោមដើម្បីសិទ្ធិមនុស្ស និង
អភិវឌ្ឍន៏
៤ -ព្រះតេជគុណ ថាច់ សុវណ្ណារ៉ា តំណាងសមាគមព្រះសង្ឃខ្មែរកម្ពុជាក្រោម
៥ -លោក ថាច់ សាង ប្រធានមិត្តសមាគមខ្មែរកម្ពុជាក្រោម
៦ -លោក ថាច់ សុវណ្ណ តំណាងសមាគមខ្មែរកម្ពុជាក្រោម និងអភិវឌ្ឍន៏
៧-លោក នន្ទ ភឿន តំណាងមូលនិធិសំរាប់អ្នកក្រីក្រ
៨ -ព្រះតេជគុណ រិន្ទ ភិរម្យ តំណាងសម្ព័ន្ធសមណនិស្សិតខ្មែរកម្ពុជាក្រោម
៩ -អ្នកស្រី ព្រំ យ៉ាង ប្រធានអង្គការស្ត្រីកម្ពុជាក្រោម
១០-លោក ថាច់ ភឿន តំណាងមជ្ឈមណ្ឌលវប្បធម៌ខ្មែរកម្ពុជាក្រោម
លោក ថាច់ សេដ្ឋា ប្រធានសហគមន៏ខ្មែរកម្ពុជាក្រោម បាននិយាយថា ការសម្លាប់ខ្មែរកម្ពុជាក្រោម អាជ្ញាធរវៀតណាមមិនដែលរកឃើញជនល្មើសទេ ហើយនេះជាការរើសអើងពូជសាសន៏ អង្គការ សមាគមខ្មែរកម្ពុជាក្រោមមិនអាចទទួលយកបានទេ។ អាជ្ញាធរវៀតណាមគាបសង្កត់ខ្មែរកម្ពុជាក្រោមគ្រប់
បែបយ៉ាង ដូចជារឹបអូសដីធ្លី មិនអោយមើលអក្សរខ្មែរ មិនអោយរៀនសូត្រភាសាខ្មែរ អ្នកណាហ៊ានងើបឈរតវ៉ាត្រូវចាប់ខ្លួន។
លោក ថាច់ សេដ្ឋា បានបន្តថា សូមអំពាវនាវអោយអង្គការសហប្រជាជាតិទទួលបន្ទុកជនភៀសខ្លួនមេត្តាពិនិត្យមើលអោយបានច្បាស់លាស់
ចំពោះព្រះសង្ឃ និងប្រជាពលរដ្ឋខ្មែរកម្ពុជាក្រោម ដែលទៅដល់ថៃហើយត្រូវបានបញ្ឆូនមកវិញ។អំពាវនាវដល់រដ្ឋាភិបាលកម្ពុជា ប្រើសិទ្ធិ
ការពារប្រជាពលរដ្ឋខ្មែរកម្ពុជាក្រោមដូចដែលជួយប្រជាពលរដ្ឋ
ខ្មែរដទៃទៀតដែលរងការរំលោភបំពាននៅតាមប្រទេសដទៃ។ ការឈឺចាប់របស់ខ្មែរកម្ពុជាក្រោម គឺធំធេងណាស់។
លោក ថាច់ សេដ្ឋា បានព្រមានថា បើនៅតែមានការកាប់សម្លាប់ និងធ្វើទុក្ខបុកម្នេញមកលើខ្មែរកម្ពុជាក្រោម បន្តទៀត ខ្មែរកម្ពុជាក្រោមនៅក្នុងប្រទេសកម្ពុជាមិនអាចនៅស្ងៀមបានទេ និងធ្វើបាតុកម្មតវ៉ា ទាមទារ
អោយបញ្ឈប់ការធ្វើបាបនិងកាប់សម្លាប់ប្រជាពលរដ្ឋខ្មែរកម្ពុជាក្រោម
នៅមុខស្ថានទូតវៀតណាមប្រចាំនៅកម្ពុជា។ (មិនទាន់បញ្ឆាក់ពីពេលវេលាធ្វើនៅឡើយទេ)លោក ថាច់ សេដ្ឋា បានបន្តទៀតថា សុខចិត្ត
ស្លាប់ដើម្បីអោយពិភពលោកបានដឹងលឺទាំងអស់គ្នា ពីការតវ៉ា
របស់ខ្មែរកម្ពុជាក្រោមប្រឆាំងអាជ្ញាធរវៀតណាម តែការធ្វើនេះមិនមែនប្រឆាំងជាមួយរដ្ឋាភិបាលកម្ពុជាទេ។
លោក យន្ត ថារូ បានលើកឡើងថា បើបញ្ហារំលោភបំពានខ្មែរកម្ពុជាក្រោមពីជាតិសាសន៏ដទៃ យើងមិនអាចអត់ធ្មត់បានទេ ៕
No comments:
Post a Comment
yes