លំនៅដ្ឋានប្រជាពលរដ្ឋភូមិ២៤ជាង២០គ្រួសារ
ត្រូវបានសមត្ថកិច្ចស៊ីឈ្នួលក្រុមហ៊ុន ស៊ូកាគូអ៊ីន
ធ្វើការរុះរើ
កាលពីព្រឹកថ្ងៃទី១៤ខែមករានេះលំនៅដ្ឋានប្រជាពលរដ្ឋជាង២០គ្រួសារត្រូវបានកំលាំងមានសម្ថកិច្ចដែលស៊ីឈ្នួលឲ្យក្រុមហ៊ុនស៊ូកាគូអ៊ីនធ្វើសកម្មភាពរុះរើបំផ្លាញចោលស្ទើរតែទាំងស្រុងដោយកំលាំងមានសម្ថកិច្ចដែលប្រដាប់ដោយអាវុធបានការពារក្រុមកម្មករឲ្យធ្វើសកម្មភាពរុះផ្ទះសំបែងរបស់ប្រជាពលរដ្ឋនៅតំបន់បឹងកក់នៅភូមិ២៤។
ជាមួយគ្នានោះអ្នកកាសែតភ្នំពេញប៉ុស្តិ៏ម្នាក់ឈ្មោះឃីឡុងត្រូវបានកំលាំងមានសម្ថកិច្ចដែលស៊ីឈ្នួលឲ្យក្រុមហ៊ុនស៊ូកាគូអ៊ីនបានប្រើអំពើហិង្សានិងដកហូតម៉ាស៊ីនថតរបស់គាត់ការប្រើអំពើហិង្សានិងដកហូតម៉ាស៊ីនថតនេះធ្វើឡើងបន្ទាប់ពីអ្នកកាសែតរូបនេះរួមជាមួយនិងអ្នក សារព័ត៌មានជាតិ និង អន្តរជាតិជាច្រើនអ្នកទៀត បានចូលទៅថតយកព័ត៌មាន ស្តីពីការរុះរើលំនៅដ្ឋាន របស់ប្រជាពលរដ្ឋរស់នៅក្នុងតំបន់បឹងកក់ នោះ។ហើយបន្ទាប់មកទើបមានកិច្ចសន្យាប្រគល់ម៉ាស៊ីមថតឲ្យទៅអ្នកកាសែតភ្នំពេញប៉ុស្តិ៏នោះវិញ។
សូមបញ្ជាក់ថា តំបន់បឹងកក់ត្រូវបានរដ្ឋាភិបាលប្រគល់សិទ្ធិឲ្យក្រុម ហ៊ុន
ស៊ូ កា គូអ៊ីន ដែលមានភាគហ៊ុនខ្មែរនិងចិន ដើម្បីអភិវឌ្ឍន៍ជាមជ្ឈមណ្ឌលពាណិជ្ជកម្មទំនើបមួយ ។ ប៉ុន្តែ ពលរដ្ឋមួយចំនួនដែលរស់នៅទីនោះមិនព្រមទទួលយកគោលនយោបាយរបស់ក្រុមហ៊ុន និងសាលាក្រុង ហើយបន្តការតវ៉ារហូតមកទល់សព្វថ្ងៃ ៕
No comments:
Post a Comment
yes