នៅថ្ងៃទី ១៥ ខែមិនា
Facebook នឹងត្រូវបិទលែងដំណើរការនៅថ្ងៃទី ១៥ ខែមិនា បើតាមប្រភពពី Weekly World News។ រឿងដែលគួរឲ្យអស់សំណើចកំពុងតែរាលដាលហាក់បីដូចជាហួសហេតុ។ លោក Mark Zuckerberg ដែលជាអ្នកគ្រប់គ្រងលើសេវាកម្មទំនាក់ទំនង Facebook បានប្រកាសនៅក្នុងការប្រជុំបន្ទាន់មួយនៅក្រៅ ការិយាល័យ Palo Alto ថា៖ “ Facebook” នឹងត្រូវបានបិទឲ្យលែងប្រើប្រាស់នៅក្នុងខែមិនាខាងមុននេះ ដែល “ Facebook បានលែងស្ថិតនៅក្នុងការត្រួតត្រាទៅទៀត” ហើយនឹងការដាក់ទម្ងន់នៃការគ្រប់គ្រងក្រុមហ៊ុននេះបានធ្វើឲ្យ ជីវិតរបស់ខ្ញុំស្ថិតទៅរកភាពវិនាសខ្ញុំត្រូវតែបញ្ចប់នូវរាល់ ដំណើរការឆ្កួតនេះតទៅទៀត” ។ លោក Zuckerberg បានបានបន្តទៀតថាវានឹងត្រូវបញ្ចប់ឲ្យលែងដំណើរការនៅថ្ងៃទី ១៥ ខែមិនាដូច្នេះរាល់អ្នកប្រើប្រាស់សេវាកម្ម Facebook ទាំងឡាយនឹងត្រូវលែងបានចូលទៅប្រើប្រាស់នូវគណនីរបស់ពួកគេតទៅ ទៀតឡើយ។ ការបិទឲ្យលែងប្រើប្រាស់នូវសេវាកម្មនេះហាក់ដូចជាខ្លាំងក្លានិង ជាមេរោគមួយនៃពាក្យចចាមអារាម។ មូលហេតុផ្សេងៗនៃបញ្ហានេះនៅតែមានការយល់ច្រឡំទៅដល់អ្នកដែល ប្រើប្រាស់បណ្ដាញទំនាក់ទំនងសង្គមទាំងឡាយប៉ុន្តែយើងមិនទាន់មាន ភស្តុតាងពិតប្រាកដណាមួយដើម្បីបញ្ជាក់ឲ្យបានច្បាស់លាស់នោះឡើយ ។មានការភ្ញាក់ផ្អើលមួយកាលពីព្រឹកមិញជុំវិញព័ត៌មានដែលថា Website Facebook.com នឹង បញ្ឈប់ដំណើរការរបស់ខ្លួននៅថ្ងៃទី១៥-មីនា-២០១១ខាងមុខនេះ។ បើតាមសារព័ត៌មាន WeeklyWorldNews.com លោក Mark Zuckerberg ដែលជាអ្នកបង្កើត Facebook បានមានប្រសាសន៍ថា Facebook នឹងបិទប្រតិបត្តិការរបស់ខ្លួននៅថ្ងៃTI 15-មីនា-2011 ខាងមុខនេះ។ លោកបានមានប្រសាសន៍ថា “ Facebook បានធ្លាក់ដល់ស្ថានភាពមិនអាចគ្រប់គ្រងបានហើយបង្កអោយមានការ ឈឺក្បាលយ៉ាងខ្លាំងក្នុងការគ្រប់គ្រងក្រុមហ៊ុនមួយនេះថែមទាំងកំពុង បំផ្លាញជីវិតរបស់ខ្ញុំទៀតផង។ ដូច្នេះខ្ញុំត្រូវតែបញ្ចប់វា។ គឺថាមកពីខាងណាទៅខាងហ្នឹងវិញទៅ” លោក Avrat Humarthi នាយករងខាងផ្នែកបច្ចេកទេសបានមានប្រសាសន៍ថា “ ចាប់ពី ១៥-មីនា-២០១១ នេះតទៅអ្នកប្រើប្រាស់ Facebook មិនអាចប្រើប្រាស់គណនេយ្យរបស់ខ្លួននៅលើ Facebook បានទេ។ ដូច្នេះសូមអ្នកប្រើប្រាស់ទាំងអស់ដកយករូបភាពនិង Video ទាំងអស់ចេញពីFacebook អោយបានមុនថ្ងៃទី 15-មីនា-២០១១ខាងមុខនេះ។” លោក ZuckerBerg បានមានប្រសាសន៍ថា “ មើលទៅដូចជាមិនមានបញ្ហាធំដុំនេះទេ។ បើអត់មាន Facebook គឺពូកគេអាចទៅក្រៅជួបជុំគ្នាហើយអាចបង្កើតមិត្តភាពពិតប្រាកដ” ។ នៅពេលសួរថា អាជីវកម្មមួយនេះ កំពុងតែរកប្រាក់ចំណេញយ៉ាងខ្លាំង តើលោកមិនគិតពីប្រាក់ដែលនឹងត្រូវបាត់ទៅទេឬ? លោក ZuckerBerg និយាយថា ៖ ខ្ញុំលែងខ្វល់ពីបញ្ហាលុយហើយគឺខ្ញុំចង់បានជីវិតសាមញ្ញរបស់ ខ្ញុំមិនពេលមានFacebookកើតឡើង។ លោក ស៊ីវ សុខឃឿន មកពី SSK Promotion ដែលជាសកម្មជន Facebook នៅស្រុកខ្មែរ ដែលធ្លាប់រៀបចំកម្មវិធីជួបកម្សាន្តនិងសម្រាប់អ្នកដែលចូលរួម ក្នុងFacebook បានមានប្រសាសន៍ថា ៖ “ លោកមិនជឿថាព័ត៌មាននេះពិតទេ។ ពីព្រោះសព្វថ្ងៃមានភាគទ្រព្យសម្បត្តជាត ១២០០លាន ដុល្លា។ ព័ត៌មាននេះ កើតឡើងក្រោយពេលដែលមានម្នាក់ជានៅអាមេរិក បានផ្ញើសារតាម Facebook ជាលក្ខណៈរំខាន (Spam Text) ជាច្រើន។ ដូច្នេះ វាមិនអាចក្លាយការពិតទេ។ គឺគ្រាន់តែមនុស្សម្នាក់ផ្ញើសាររំខានសោះអាចបង្ខំអោយ Facebook បិទបាន។” សូមបញ្ជាក់ថាសព្វថ្ងៃនេះយុវវ័យកំពុងតែប្រើប្រាស់ Facebook ជាប្រព័ន្ធទំនាក់ទំនងគ្នាយ៉ាងមានប្រសិទ្ធភាព។ ហើយនៅស្រុកខ្មែរ គឺមានរហូតដល់ជាង16ម៉ឺននាក់ ដែលកំពុងប្រើ Facebook។ ចំនួននេះធ្វើអោយក្រុមហ៊ុនមួយចំនួនបានប្រើប្រាស់ Facebook ជាប្រព័ន្ធផ្សាយពាណិជ្ជកម្ម ដ៍មានប្រសិទ្ធភាព និង មានតម្លៃតិចបំផុត។ ចំនួនអ្នកប្រើប្រាស់ Facebook ត្រូវបានគេរំពឹងគិតថាមានកំណើនជាង 10% ជារៀងរាល់ខែ។ លោក សុខឿន បានមានប្រសាសន៍ថា ៖ កុំបាច់ភ័យអី ខ្ញុំមិនជឿថា នឹងមានថ្ងៃ ហ្នឹងសម្រាប់ Facebook ទេ។ លោក និយាយ បែបកំប្លែងលេងថា ៖ បើលោក ZuckerBerg មានការធុញទ្រាន់ នឹង Facebook លោកអាចអោយអ្នកផ្សេងធ្វើជំនួសលោកបាន។ ខ្ញុំមិនជឿថាលោក ZuckerBerg មិនអាចប្រឈមមុខនឹងបញ្ហាតូចមួយនេះបានទេ។ ប្រភព៖ CM
No comments:
Post a Comment
yes