សូមស្វាគមន៏ការចូលមកកាន់គេហទំព័ររបស់យើងខ្ញុំ​!!!​Welcome to ckn-media.blogspot.com Website !!!​គេហទំព័រ ckn-media.blogspot.com ផ្តល់ព័ត៌មានពិតឥតលំអៀង រហ័សទាន់ចិត្ត ដែលលោកអ្នកជឿទុកចិត្ត / លោកអ្នកអាចទាក់ទងមកកាន់គេហទំព័ររបស់យើងខ្ញុំបានតាមរយៈ Email: cknkhmer@gmail.com សូមអរគុណ !!!

Sunday, January 9, 2011


មន្រ្តីស្ថានទូតអាមេរិក ត្រូវបានអាជ្ញាធរ
វៀតតណាម ឃាត់ខ្លួន

ស្ថានទូតអាមេរិកប្រចាំប្រទេសវៀតណាម បានឲ្យដឹងថា មន្រ្តីទូតរបស់ខ្លួនម្នាក់ត្រូវប៉ូលិស​វៀតណាម ឃាត់ខ្លួនកាលពីថ្ងៃពុធ ក្រោយពីមន្រ្តីនេះព្យាយាមចូលទៅជួបបុព្វជិត កាតូលិក ម្នាក់ដែលត្រូវ តុលាការវៀតណាម កាត់ទោសពីបទឃោសនាប្រឆាំងរដ្ឋាភិបាល។ អាមេរិកបានផ្ញើ​លិខិតជាផ្លូវការ ទៅកាន់អាជ្ញាធរវៀតណាម ដើម្បីតវ៉ាចំពោះទង្វើនេះ។ លិខិតតវ៉ា ត្រូវបានផ្ញើទៅកាន់
រដ្ឋាភិបាលវៀតណាម នៅហាណូយផង និងទៅស្ថានទូតវៀតណាម នៅអាមេរិកផង។ រដ្ឋាភិបាល​អាមេរិកមិនបានបញ្ជាក់លម្អិតទេ អំពីអត្តសញ្ញាណមន្រ្តីទូត ដែលទទួលការបំពារបំពាន ពីសំណាក់​ប៉ូលិសវៀតណាមនេះ ដោយរង់ចាំការបំភ្លឺពីរដ្ឋាភិបាលវៀតណាមសិន។ ក៏ប៉ុន្តែ បណ្តាញផ្សព្វផ្សាយ​ព័ត៌មានមួយចំនួនបានឲ្យដឹងថា មន្រ្តីទូតនោះ គឺជាអ្នកទទួលខុសត្រូវផ្នែកសិទ្ធិមនុស្សប្រចាំស្ថានទូត​អាមេរិក។ ហេតុការណ៍បានកើតឡើង កាលពីថ្ងៃពុធ នៅទីក្រុងវ៉េ (Hue) នៅពេលដែលមន្រ្តី​ទូតអាមេរិកព្យាយាមចូលទៅជួបបុព្វជិតកាតូលិក ម្នាក់ឈ្មោះ ង្វៀន វ៉ាន់លី ក៏ប៉ុន្តែត្រូវប៉ូលិសរារាំង។ ការប្រឈមមុខដាក់គ្នាបានឈានទៅដល់ការប៉ះទង្គិចដល់រូបរាងកាយ ដោយប៉ូលិសវៀតណាម បានចាប់ផ្តួលមន្រ្តីទូតអាមេរិករូបនោះទៅដី រួចហើយចាប់បញ្ចូលទៅក្នុងឡាន ហើយបើកចេញពី​កន្លែងកើតហេតុ។ មន្រ្តីទូតរូបនោះត្រូវបានប៉ូលិសដោះលែងវិញភ្លាមៗ។ ក៏ប៉ុន្តែ អាមេរិកបានតវ៉ាទៅ​កាន់អាជ្ញាធរវៀតណាម ថាការបំពារបំពានដល់រូបរាងកាយមន្រ្តីទូតនេះ គឺជាការរំលោភលើ​អនុសញ្ញាទីក្រុងវីយែន ស្តីពី អភ័យឯកសិទ្ធិការទូត។ រហូតមកទល់ពេលនេះ ទាំងប៉ូលិស និងទាំង​ក្រសួងការបរទេសវៀតណាម សុទ្ធតែបានបដិសេធមិនធ្វើអត្ថាធិប្បាយ ចំពោះហេតុការណ៍នេះទេ។
គួរបញ្ជាក់ថា បុព្វជិត ង្វៀន វ៉ាន់លី ត្រូវបានតុលាការវៀតណាមកាត់ទោសដាក់ពន្ធនាគាររយៈពេល
៨ឆ្នាំ កាលពីឆ្នាំ២០០៧ ពីបទថាបានឃោសនាប្រឆាំងនឹងរដ្ឋាភិបាល។ បុព្វជិត ង្វៀន វ៉ាន់លី ត្រូវបានអាជ្ញាធរបានដោះលែងឲ្យនៅក្រៅឃុំបណ្ដោះអាសន្ន រយៈពេល ១ឆ្នាំ ដើម្បីព្យាបាលជំងឺ​មហារីក។ សូមជំរាបថា កាលពីខែធ្នូ កន្លងទៅនេះ ឯកអគ្គរដ្ឋទូតអាមេរិកប្រចាំក្រុងហាណូយ បាន​​អះអាងថា នៅឆ្នាំ២០១០ កន្លងទៅនេះ សេរីភាពសារព័ត៌មាន ត្រូវបានអាជ្ញាធរវៀតណាមបាន​រឹតបន្តឹងកាន់តែខ្លាំងឡើង ដោយមានមនុស្សជិត ៤០នាក់ ត្រូវអាជ្ញាធរចាប់ខ្លួន និងកាត់ទោសដោយ
សារតែការបញ្ចេញមតិ។ សភាអាមេរិកក៏បានទាមទារផងដែរ ឲ្យរដ្ឋាភិបាលអាមេរិកបញ្ចូលប្រទេស​វៀតណាមក្នុងបញ្ជីខ្មៅ នៃប្រទេសរំលោភលើសិទ្ធិសេរីភាពផ្នែកជំនឿសាសនា ៕

2 comments:

  1. Hi, I back often with great interest publications. I am an educator in Santa Marta, Colombia and I am determined to develop a list of authors and literary works by country. If you can help, I appreciate it. The blog address is:
    http://alvarogomezcastro.over-bog.es
    Thank you very much

    ReplyDelete
  2. Actually i can not help anything, but if you know something about this issue, please give us more info. We will appreciate any information from you.

    ReplyDelete

yes