ការវិនាសអន្តរាយព្រៃឡង់
ព្រៃឡុង គឺជាព្រៃធំបំផុតដែលនៅសេសសុលចុងក្រោយក្នុងប្រទេសកម្ពុជា កំពុងតែទទួលរងនូវការហិនហោច តាមរយៈការផ្តល់ដីសម្បទានសេដ្ឋកិច្ចទៅឲ្យក្រុមហ៊ុនយួន សម្រាប់ដាំដើមកៅស៊ូដែលបញ្ហានេះបានបង្ករជាការព្រួយបារម្ភ ដល់មជ្ឈដ្ឋាននានា ថានិងធ្វើឲ្យបាត់បង់មុខរបរកសិករខ្មែរ បាត់បង់ជំរកសត្វព្រៃ ហើយក៏និងធ្វើឲ្យប៉ះពាល់ទៅដល់បញ្ហាបរិស្ថានយ៉ាងធ្ងន់ធ្ងរផងដែរ។
ព្រៃឡុង ដែលមានទំហំចំនួន ៣៦០០ គីឡូម៉ែត្រក្រឡា រួមទាំងតំបន់ស្នូលប្រមាណជា ១០ម៉ឺនហិចតា ដែលលាតសន្ធឹងជាប់ព្រំប្រទល់ចំនួន៤ខេត្ត នៅក្នុងប្រទេសកម្ពុជា ត្រូវបានរដ្ឋាភិបាល
ផ្តល់សម្បទាន ទៅឲ្យក្រុមហ៊ុន CRCK ប្រមាណជា ៦០៤៤ ហិចតា និង ផ្តល់ទៅឲ្យក្រុមហ៊ុន PNT របស់ជនជាតិយួនជាច្រើនពាន់ហិចតាផ្សេងទៀតសំរាប់ដាំដើមកៅស៊ូ ។
ដោយសារតែការព្រួយបារម្ភតំណាងរាស្រ្តមកពីគណបក្ស នយោបាយចំនួន៤ នៅក្នុងប្រទេសកម្ពុជា មន្រ្តីអង្គការសង្គមស៊ីវិលជាតិ-អន្តរជាតិ រួមនិងតំណាង
ប្រជាសហគមន៏ចំនួន៤ខេត្ត ដែលរស់នៅអាស្រយ័ផលជុំវិញតំបន់ព្រៃឡង់មាន
ដូចជាខេត្តក្រចេះស្ទឹងត្រែងព្រះវិហារនិងកំពង់ធំដែលមានគ្នាប្រមាណជិត
៤០០នាក់ បានមកជួបជុំគ្នានៅក្នុងវិទិការសារធារណៈ នៅក្នុងភូមិត្បូងទឹក
ឃុំមានរិទ្ធស្រុកសណ្តាន់ខេត្តកំពង់ធំបំណងជំរុញឲ្យរដ្ឋាភិបាល រួមទាំងអាជ្ញាធរដែលពាក់ព័ន្ធទាំងអស់ ឲ្យចាត់វិធានការទប់ស្កាត់ការកាប់បំផ្លាញ ព្រៃឡង់ យ៉ាងអាណាធិបតេយ្យ ពីសំណាក់ក្រុមហ៊ុន យួន ។
នៅក្នុងវេទិការសាធារណៈដែលរៀបចំឡើងដោយ មជ្ឈមណ្ឌលសិទ្ធិមនុស្ស កាលពីថ្ងៃទី១១ មិនា តំណាងប្រជាសហគមន៏ចំនួន៤ខេត្តខាងលើ សុទ្ធតែបានសម្តែងក្តីព្រួយបារម្ភយ៉ាងខ្លាំងទៅលើសកម្មភាពការកាប់បំផ្លាញ ព្រៃឡង់ នេះថា កំពុងតែធ្វើឲ្យបាត់បង់មុខរបរប្រជាសហគមន៏ ជាពិសេសមុខរបរ
ជនជាតិដើមភាគតិចចំនួន២០ម៉ឺននាក់ ដែលមុខរបរមានដូចជា៖ ដងជ័រ បោចវ័របោចផ្តៅ ជាដើម ដែលធ្លាប់តែអាស្រ័យផលតាំងពីដើមរៀងមក ។
ការកាប់បំផ្លាញ ព្រៃឡង់ ខាងលើនេះដែរ ក៏និងធ្វើឲ្យបាត់បង់ជំរកសត្វព្រៃ ប៉ះពាល់បរិស្ថាននានានៅក្នុងប្រទេសកម្ពុជា ក៏ដូចជាបរិស្ថាននៅលើពិភពលោក ។
កញ្ញា សេក ដានី នាយកអង្គការអប់រំសុខភាព និង បរិស្ថាន ដែលមានមូលដ្ឋានក្នុងខេត្តកំពង់ធំក៏បានលើកឡើងដែលថា ការបាត់បង់ព្រៃឡង់ ឬ ព្រៃស្រោង បានធ្វើឲ្យសត្វព្រៃមួយចំនួនដូចជាប្រើស ក្តាន់ ជ្រូកព្រៃ ខ្លា ដំរី កំពុងតែភៀសខ្លួនចេញពីព្រៃ ហើយសត្វព្រៃមួយចំនួនទៀត ក៏កំពុងរងការបាញ់សម្លាប់
យកមកធ្វើជាម្ហូបអាហារ ពីសំណាក់អាជ្ញាធរការពារក្រុមហ៊ុន ។ ហើយការបាត់បង់ព្រៃធម្មជាតិ ដែលមានតម្លៃមហាសាលនេះ ក៏និងបង្កនូវគ្រោះរាំងស្ងួត បង្ករព្យុះភ្លៀងឬ បង្ករនូវគ្រោះទឹកជំនន់ជាដើម ។
ដោយសារតែរងនូវការរិះគន់ទាំងនេះ ក្រុមអាជ្ញាធរខេត្តកំពង់ធំ រួមមានថ្នាក់ដឹកនាំខេត្ត ស្រុក មន្រ្តីកសិកម្ម និង មន្រ្តីបរិស្ថានផងនោះ បានខិតខំ
ពន្យល់តបទៅពលរដ្ឋវិញថា ការកាប់បំផ្លាញព្រៃឡង់ ទាំងនេះមិនបាន
ធ្វើឲ្យប៉ះពាល់ទៅលើបរិស្ថាននោះទេដោយហេតុថាបើទោះបីជាមានការបាត់បង់ព្រៃធម្មជាតិ ក៏វាជំនួសមកវិញនូវចំការកៅស៊ូ របស់យួនដែលមានគំរបពណ៌ខៀវដូចគ្នា។ក្រុមមន្ត្រីទាំងនោះបានអះអាងទៀតថា ការជំនួសដោយកៅស៊ូរបស់ជនជាតិយួន គឺនិងផ្តល់ការងារជាច្រើនដល់ពលរដ្ឋរស់នៅតំបន់នោះផងដែរ។
ប៉ុន្តែការលើកឡើងរបស់មន្រ្តីខេត្តកំពង់ធំ ខាងលើត្រូវបានមជ្ឈដ្ឋាននានារិះគន់ថា ការជំនួសដោយដើមកៅស៊ូរបស់ជនជាតិយួន គឺមិនបានផ្តល់ផលដូចព្រៃធម្មជាតិនោះទេ ការលួងលូមផ្តល់ការងារដល់ពលរដ្ឋខ្មែរតាមរយៈការដាំកៅស៊ូរបស់យួននេះគឺមិនខុសនិងការជំរុញឲ្យពលរដ្ឋខ្មែរក្លាយទៅជាខ្ញុំកញ្ជះយួននោះឡើយ។
លោក ម៉ែន សុថាវរិន្ទ្រ តំណាងរាស្រ្តគណបក្ស សម រង្ស៊ី មណ្ឌលកំពង់ធំ ដែលបានអញ្ជើញទៅចូលរួមក្នុងវេទិការសាធារណៈដែលរៀបចំដោយ មជ្ឈមណ្ឌល
សិទ្ធិមនុស្ស នៅក្នុងភូមិត្បូងទឹក ឃុំមានរិទ្ធ ស្រុកសណ្តាន់ ខេត្តកំពង់ធំ នោះ បានលើកឡើងថា ក្រៅពីស្រូបយកផលចំណេញ ពីការធ្វើវិនិយោគដាំដើមកៅស៊ូ
របស់ក្រុមហ៊ុនយួន CRCK និងក្រុមហ៊ុន PNT គឺក្រុមហ៊ុននេះបានមើលឃើញផលចំណេញដ៏ច្រើនលើសលប់មួយទៀតគឺការកាប់បំផ្លាញព្រៃឈើរបស់ខ្មែរ យកទៅលក់នៅក្រៅប្រទេស។លោក ម៉ែន សុថាវរិន្ទ្រ ក៏បានធ្វើការ
រិះគន់រដ្ឋាភិបាលដែលបានផ្តល់ដីសម្បទានទៅឲ្យក្រុមហ៊ុនយួនថា បាន
កំពុងធ្វើឲ្យព្រៃឈើបាត់បង់កាន់តែច្រើនឡើងៗ ដែលផ្ទុយទៅនិងយុទ្ធសាស្រ្ត
ការការពារព្រៃឈើរបស់រដ្ឋាភិបាលខ្លួនឯង ។ លោក ម៉ែន សុថាវរិន្ទ្រ ក៏មានប្រសាសន៏
ដោយគាំទ្រទៅនិងប្រជាពលរដ្ឋ ដែលបានទាមទារឲ្យរដ្ឋាភិបាលចាត់វិធានការទប់ស្កាត់ការកាប់បំផ្លាញព្រៃឈើពីសំណាក់ក្រុមហ៊ុនយួននេះ ។
សូមរំលឹកផងដែរថា កាលពីថ្ងៃទី៧ ខែមិនា ប្រធានក្រុមអ្នកតំណាងរាស្រ្តគណបក្ស សម រង្ស៊ី លោក សុន ឆ័យ បានសរសេរលិខិតមួយច្បាប់ជូនលោក
ហេង សំរិន ប្រធានរដ្ឋសភា ដើម្បីស្នើឲ្យចាត់វិធានការទប់ស្កាត់ការកាប់
បំផ្លាញ ព្រៃឡង់ ។ នៅក្នុងលិខិតរបស់លោក សុន ឆ័យ ក៏បានបញ្ជាក់ថា មានតែ
រដ្ឋសភាមួយប៉ុណ្ណោះដែលជាក្តីសង្ឃឹមចុងក្រោយរបស់ប្រជាពលរដ្ឋក្នុងការជួយទប់ស្កាត់ការកាប់បំផ្លាញ ព្រៃឡង់ នៅខណះដែលរដ្ឋាភិបាលមិនយកចិត្តទុកដាក់ក្នុងកិច្ចការការពារព្រៃឈើ ។
បើយោងតាមលិខិតរបស់ទីស្តីការគណរដ្ឋមន្រ្តី លេខ១៣៣៥ ស.ជ.ណ ចុះថ្ងៃទី២៨ ខែកញ្ញា ឆ្នាំ២០០៩ បានឲ្យដឹងថា រដ្ឋាភិបាលបានយល់ព្រមផ្តល់សម្បទានដីសេដ្ឋកិច្ចចំនួន ៦០៤៤ហិតាឲ្យទៅក្រុមហ៊ុន CRCK សម្រាប់ដាំដើមកៅស៊ូ។ បន្ទាប់ពីបានគោលការណ៏អនុញ្ញាតិពីរដ្ឋាភិបាលក្រុមហ៊ុនត្រូវសហការ
ជាមូយក្រសួងកសិកម្ម និង អាជ្ញាធរមានសមត្ថកិច្ចចំរុះ សិក្សាលំអិតនិងចុះ
ពិនិត្យនូវផ្ទៃដីពាក់ព័ន្ធជាមួយប្រជាពលរដ្ឋ ផ្ទៃដីព្រៃឈើក្រាសៗ ដែលត្រូវរក្សាទុកបន្ថែមទៀតដើម្បីជៀសវាងការប៉ះពាល់ផ្ទៃដីប្រើប្រាស់របស់ប្រជាពលរដ្ឋនិង តំបន់ការពារព្រៃឈើ ។
នៅក្នុងចំនុចទី៤នៃ ស.ជ.ណ ដដែលនេះបានបញ្ជាក់យ៉ាងច្បាស់ថា ចំពោះផ្ទៃដីព្រៃការពារប្រភពទឹក ព្រៃស្រោង ព្រៃពាក់កណ្តាលស្រោង និង ព្រៃល្បោះដែល
ត្រូវរក្សាទុក ត្រូវប្រគល់ឲ្យក្រុមហ៊ុនទទួលថែរក្សា ការពារមិនឲ្យខូចខាតបាត់បង់ព្រៃឈើ ដោយត្រូវទទួលខុសត្រូវចំពោះមុខច្បាប់ និង ត្រូវត្រួតពិនិត្យ
ពីលើដោយរដ្ឋបាលព្រៃឈើ ។ ក្នុងករណីព្រៃឈើ ត្រូវបាត់បង់ខូចខាតរាជ
រដ្ឋាភិបាលនិងលុបគោលការណ៏ កិច្ចសន្យាចោលភ្លាម ។
ដោយព្យាយាមលាក់បាំងនូវឯកសារខាងលើ់ ក្រុមមន្រ្តីដែលពាក់ព័ន្ធមិនបានបង្ហាញលិខិត ស.ជ.ណ ឲ្យពលរដ្ឋបាលឃើញតាមការស្នើសុំរបស់ពួកគេនោះឡើយ។ គួរជំរាបថា នៅក្នុងវេទិការសាធារណៈកាលពីថ្ងៃទី១១ មិនា ដោយសារតែបញ្ហានេះក្រុមពលរដ្ឋ បានធ្វើការចោទប្រកាន់
ទៅកាន់ក្រុមមន្រ្តីទាំងនោះថា កំពុងតែធ្វើការលាក់បាំងពីភ្លែកច្រមុះរបស់ប្រជាពលរដ្ឋ ។
សូមបញ្ជាក់ផងដែរថា ក្រោយពីបញ្ចប់វេទិការសាធារណៈ តំណាងសហគមន៏តំណាងរាស្រ្តគណបក្ស សម រង្ស៊ី រួមជាមួយនិងអ្នកសារព័ត៌មានជាតិ និង អន្តរជាតិ បាននាំគ្នាបន្តរដំណើរទៅ
ពិនិត្យសកម្មភាពនៃការកាប់បំផ្លាញ ព្រៃឡង់ ពីសំណាក់ក្រុមហ៊ុនយួន ប៉ុន្តែត្រូវបានរារាំងដោយ ក្រុមសម្ថកិច្ចចំរុះស៊ីឈ្នួលឲ្យក្រុមហ៊ុនយួន ដែលមាន
លោកអធិការស្រុកសណ្តាន់ អ៊ួង ម៉ូលី ធ្វើការរារាំងមិនឲ្យចូលទៅពិនិត្យសកម្ម
ភាពក្នុងក្រុមហ៊ុននោះទេ ។ ប៉ុន្តេទោះជាបែបនេះក្តីនៅ តាមដងផ្លូវ
ចូលទៅក្រុមហ៊ុនយួននោះ គេបានប្រទះឃើញឈើប្រណិតធំៗដែលមានអាយុកាល រាប់រយឆ្នាំហើយនោះ ត្រូវរងការកាប់បំផ្លាញយ៉ាងអាណាធិបតេយ្យ ។
គួររំលឹកផងដែរថា កាលពីឆ្នាំ២០០៧ កន្លងទៅ នៅខណៈដែលរដ្ឋសភាបានបើកសម័យប្រជុំពេញអង្គពិភាក្សាលើសេចក្តីព្រាងច្បាប់ស្តីពីការ
សម្បទានដីធ្លី នៅគ្រានោះលោក សម រង្ស៊ី
ប្រធានគណបក្ស សម រង្ស៊ី បានធ្វើការតវ៉ាទាមទារយ៉ាងពេញទំហឹង ឲ្យធ្វើការកែប្រែនូវមាត្រាមួយចំនួន ដែលលោកមើលឃើញថា ច្បាប់នេះបានធ្វើឲ្យបាត់បង់ផលប្រយោជន៏របស់ប្រជាពលរដ្ឋ និង បាត់បង់ព្រៃឈើ
ដ៏មានតម្លៃមហាសាលរបស់កម្ពុជា ក៏ប៉ុន្តែការតវ៉ារបស់លោក សម រង្ស៊ី
គឺជាការអត់ប្រយោជន៏ ៕
No comments:
Post a Comment
yes