លោក សម រង្ស៊ី ជួបជាមួយសមាជិកសភា
និងមន្រ្តីការបរទេសនៃប្រទេសនៅអឺរ៉ុប
លោក សម រង្ស៊ី ប្រធានគណបក្ស សម រង្ស៊ី ដែលជាគណបក្សប្រឆាំងដ៏ធំនៅកម្ពុជា និងមានប្រជាប្រិយភាពទទួលបានការគាំទ្រយ៉ាងច្រើនពីសំណាក់ប្រជាពលរដ្ឋនោះ លោកមានគម្រោងនឹងជួបជាមួយសមាជិក សភា និងមន្រ្តីការបរទេស នៃសហភាពអឺរ៉ុប នៅទីក្រុងហ្វូតគែនទីហ្សែន ប្រទេសដាណឺម៉ាកនៅថ្ងៃនេះ។ បើយោងតាមប្រភពព័ត៌មានបានឲ្យដឹងថា លោក សម រង្ស៊ី ត្រូវបានផ្តល់ការអនុញ្ញាតិដោយគណៈកម្មាធិការមជ្ឈមណ្ឌលសន្តិភាព និងសិទ្ធិមនុស្សនៅទីក្រុងអូស្លូ ឲ្យលោកមានវត្តមាននៅក្នុងកិច្ចប្រជុំ ដើម្បីគាំទ្រ និងវិនិច្ឆ័យទៅលើសកម្មភាពរបស់លោកស្រី អ៊ុងសាន ស៊ូជី មេដឹកនាំបក្សប្រឆាំងនៅប្រទេសភូមា។ ហើយនៅថ្ងៃទី១២ និងទី១៣ ខែមេសា លោកត្រូវបានអនុញ្ញាតិដោយក្រសួងការបរទេសប្រទេសស្វីស ឲ្យលោកថ្លែងអំពីចំណាប់អារម្មណ៏របស់លោកជុំវិញបញ្ហាអន្តរជាតិ និងកម្ពុជា។ សូមជំរាបថា ការជួបជាមួយសមាជិកសភា និងមន្រ្តីការបរទេសនៃប្រទេស នៅអឺរ៉ុបលើកនេះ គឺធ្វើឡើងខណៈដែលលោក សម រង្ស៊ី បានអញ្ជើញទៅចូលរួមពីធីអបអរសាទរបុណ្យចូលឆ្នាំខ្មែរ ជាមួយនឹងសហគមន៏ខ្មែរនៅទីក្រុងកូបេនហាត៕
No comments:
Post a Comment
yes