គណបក្ស សម រង្ស៊ី ហែរក្បួនធ្វើបាតុកម្មគាំទ្រ
លោក ហូរ វ៉ាន់ តំណាងរាស្រ្តគណបក្ស សម រង្ស៊ីសម រង្ស៊ី ឆ្ពោះទៅកាន់ទីលានប្រជាធិបតេយ្យ។
ប៉ុន្តែត្រូវបានសាលារាជធានីភ្នំពេញមិនអនុញ្ញាតអោយហែរក្បួនបាតុ
កម្មនោះទេ ដោយអោយធ្វើការប្រមូលផ្តុំគ្នានៅទីលានប្រជាធិបតេយ្យ
និងអោយមានអ្នកចូលរួមតែ២០០នាក់តែប៉ុណ្ណោះ។
សូមជម្រាបថា អ្នកតំណាងរាស្ត្រ និងសមាជិកក្រុមប្រឹក្សារាជធានីភ្នំពេញគណបក្ស សម រង្ស៊ី កាលពីថ្ងៃទី២៥ មេសា បានធ្វើលិខិតជូនដំណឹងទៅអភិបាល
សាលារាជធានីភ្នំពេញ ស្តីពីការធ្វើបាតុកម្មដោយសន្តិវិធី ដោយដង្ហែរក្បួន
ចេញពីទីស្នាក់ការកណ្តាលរបស់គណបក្ស សម រង្ស៊ី ឆ្ពោះទៅទីលានប្រជា
ធិបតេយ្យនៅថ្ងៃទី៣០ មេសា ក្នុងគោលបំណងដើម្បីគាំទ្រដល់ប្រជាពលរដ្ឋតំបន់បឹងកក់ដែលទាមទារដីទំហំ៤ម៉ែត្រ គុណ១៦ម៉ែត្រ សំរាប់គ្រួសារនីមួយៗ។
សាលារាជធានីភ្នំពេញបានធ្វើការប្រជុំពិភាក្សាជាមួយតំណាងគណ
បក្ស សម រង្ស៊ី និងតំណាងស្ថាប័នពាក់ព័ន្ធនៅព្រឹកថ្ងៃទី២៧ មេសា ពីបញ្ហាធ្វើ
បាតុកម្មរបស់គណបក្ស សម រង្ស៊ី នៅថ្ងៃទី៣០ មេសា ដោយហែរចេញពីទីស្នាក់ការគណបក្សឆ្ពោះទៅទីលានប្រជាធិបតេយ្យ។ ប៉ុន្តែសាលារាជធានីភ្នំពេញអនុញ្ញាតអោយធ្វើនៅទីលានប្រជាធិបតេយ្យ។
អ្នកតំណាងរាស្ត្រមណ្ឌលភ្នំពេញ និងជាប្រធានសមាជិកក្រុមប្រឹក្សា
រាជធានីភ្នំពេញ នៃគណបក្ស សម រង្ស៊ី លោកហូរវ៉ាន់បានបញ្ឆាក់ថា លោកនៅតែ
រក្សាជំហរដដែលក្នុងការហែរក្បួនធ្វើបាតុកម្មចេញពីទីស្នាក់ការកណ្តាលគណបក្សឆ្ពោះទៅទីលានប្រជាធិបតេយ្យ បើទោះបីជាសាលារាជធានីភ្នំពេញ
មិនអោយដើរហែរក្បួនក៏ដោយ។
ចំណែកនាយករដ្ឋបាលសាលារាជធានីភ្នំពេញលោក លី សាវេត សុំមិនធ្វើ
អត្ថាធិប្បាយទេ។
ប៉ុន្តែបើយោងតាមកំណត់ហេតុប្រជុំរបស់សាលារាជធានីភ្នំពេញនៅ
ថ្ងៃទី២៧ មេសា សាលារាជធានីភ្នំពេញនិងធ្វើរបាយការណ៏ទៅក្រសួង
មហាផ្ទៃដើម្បីសុំមតិដឹកនាំ ដោយអោយតំណាងគណបក្ស សម រង្ស៊ី រង់ចាំការសម្រេចពីក្រសួងមហាផ្ទៃជាមុនសិន៕
No comments:
Post a Comment
yes