ខាត់ សុឃីម និងគូដណ្តឹងជួបគ្រោះថ្នាក់ចរាចរណ៍
នៅខេត្តស្ទឹងត្រែង
ដោយ៖ សេត គឹមសឿនរតនគិរី៖ តារាចម្រៀងកំប្លែងដ៏មានប្រជាប្រិយ អ្នកនាង ខាត់ សុឃីម និងលោក អ៊ិន សុផាណូ ជាគូដណ្តឹងវ័យក្មេងដែលទើបតែភ្ជាប់ពាក្យកាលពីពេលថ្មីៗ បានជួបប្រទះនឹងគ្រោះថ្នាក់ក្រឡាប់រថយន្តយ៉ាងធ្ងន់ធ្ងរ នៅក្នុងពេលធ្វើដំណើរពីភ្នំពេញ ទៅកាន់ខេត្តរតនគិរី ប៉ុន្តែ ពុំមាននរណាម្នាក់រងរបួសធ្ងន់ធ្ងរឡើយនៅក្នុងឧប្បទ្ទវហេតុនោះ។
គ្រោះថ្នាក់ចរាចរណ៍នេះ បានកើតឡើងនៅវេលាម៉ោង ១:១០នាទិរំលងអាធាត្រឈានចូលថ្ងៃទី២៨ ខែឧសភា នៅតាមបណ្តោយផ្លូវជាតិលេខ ៧A នៅត្រង់ចំណុចភូមិរាជនុកូល សង្កាត់អូរពងមាន់ ក្រុងស្ទឹងត្រែង ខេត្តស្ទឹងត្រែង ស្ថិននៅចម្ងាយប្រមាណ ១៥០ម៉ែត្រ ពីបន្ទាយទាហានលេខ ៤២។
បើយោងតាមការអះអាងរបស់មន្ត្រីកងរាជអាវុធហត្ថប្រចាំភ្នំក្រហម បានឲ្យដឹងថា រថយន្តម៉ាកតូយ៉ូតាវីហ្គោ ពណ៌ខ្មៅ ពាក់ស្លាកលេខ 2J-2967 បើកបរដោយលោក អ៊ិន សុផាណូ និងមានសិល្បករសិល្បការិនីចំនួន ៣នាក់ទៀតនៅក្នុងរថយន្តនោះ បានធ្លាក់ចូលប្រឡាយ និងក្រឡាប់នៅទីនោះ នៅអំឡុងពេលធ្វើដំណើរក្នុងទិសដៅពីភ្នំពេញ ទៅរតនគិរី។
ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes