យោងតាមកាសែតបាងកកប៉ុស្តិ៍ដែលដកស្រង់សម្តីរបស់អ្នកនាំពាក្យរដ្ឋា ភិបាលថៃលោក ប៉ានីតាន វ៉ាតណាយ៉ាកន មកចុះផ្សាយនៅថ្ងៃនេះថា រដ្ឋមន្រ្តីក្រសួងធនធានធម្មជាតិ និងបរិស្ថានថៃ សូវីត ឃុនគិទិ នឹងជួបប្រជុំជាលក្ខណៈក្រៅផ្លូវការមួយជាមួយភាគីកម្ពុជា ដើម្បីពិភាក្សាអំពីផែនការអភិវឌ្ឍន៍ និងអភិរក្សប្រាសាទព្រះវិហារ។ ហើយកិច្ចពិភាក្សានេះនឹងធ្វើឡើងមានរយៈពេលពីរថ្ងៃដែលចាប់ផ្តើម នៅថ្ងៃស្អែកនេះ។
អ្នកនាំពាក្យរដ្ឋាភិបាលថៃបានបញ្ជាក់ថា នេះគឺជាការព្យាយាមស្វែងរកចំណុចរួមរវាងកម្ពុជា និងថៃលើផែនការអភិវឌ្ឍន៍ និងអភិរក្សប្រាសាទព្រះវិហារ។
គួរបញ្ជាក់ថា កិច្ចពិភាក្សារវាងមន្រ្តីកម្ពុជា និងថៃអំពីប្រាសាទព្រះវិហារនេះ គឺធ្វើឡើងមុនកិច្ចប្រជុំរយៈពេល១០ថ្ងៃ របស់គណកម្មការបេតិកភណ្ឌពិភពលោក នៃអង្គការយូណេស្កូ ដើម្បីពិចារណាលើផែនការអភិវឌ្ឍន៍ និងអភិរក្សប្រាសាទព្រះវិហារដែលស្នើឡើងដោយកម្ពុជានោះ៕
ពីសារព័ត៌មានសេរី
No comments:
Post a Comment
yes