លោក អាភីស៊ីត នឹងលាលែងពីប្រធានបក្សបើឈ្នះ
បានតិចជាង១៦៥កៅអី
នៅក្នុងបទសម្ភាសមួយជាមួយរ៉យទ័រកាលពីថ្ងៃអង្គារ លោក អាភីស៊ីត បាននិយាយថា ខ្លួននៅតែអាចធ្វើទៅបានថា គណបក្សប្រជាធិបេតយ្យអាចនឹងឈ្នះច្រើនរហូតដល់២០០អាសនៈ នៅសភាដែលមាន៥០០អាសនៈ ប៉ុន្តែថា ប្រសិនបើខ្លួនឈ្នះបានតិចជាងអ្វីដែលគណបក្សរបស់លោកធ្លាប់ទទួល នៅក្នុងការបោះឆ្នោតចុងក្រោយកាលពីឆ្នាំ២០០៧ នោះលោកនឹងលាលែងពីប្រធានគណបក្ស។
លោកអាភីស៊ីត បាននិយាយថា ការបោះឆ្នោតនៅថៃ ជាការប្រកួតប្រជែងដ៏ស្វិតស្វាញមួយ ប៉ុន្តែបក្សរបស់លោកនៅតែអាចឈ្នះ ទោះបីការស្ទង់មតិបង្ហាញថា ខ្លួនចាញ់ឆ្ងាយក៏ដោយ ហើយលោក បានព្យាករពីរលកថ្មីនៃអស្ថិរភាពខាងនយោបាយ ប្រសិនបើបក្សប្រឆាំងបង្កើតរដ្ឋាភិបាលអាណត្តិក្រោយ។
លោកបានទទួលស្គាល់ថា គណបក្សរបស់លោក កំពុងតែធ្លាក់នៅពីក្រោយការប្រកួតជាមួយនឹងគណបក្សភឿថៃ ដែលដឹកនាំដោយលោកស្រី យីងឡាក់ ស៊ីណាវ៉ាត្រា វ័យ៤៣ឆ្នាំ ដែលត្រូវជាប្អូនស្រីរបស់អតីតនាយករដ្ឋមន្រ្តីនិរទេសខ្លួន ថាក់ស៊ីន ដែលត្រូវបានទម្លាក់ពីអំណាចក្នុងរដ្ឋប្រហារយោធាកាលពីឆ្នាំ២០០៦ ។
លោកបានបញ្ជាក់ថា៖ «វានៅតែជាការប្រកួតប្រជែងដ៏តានតឹងមួយ។ យើង នៅពីក្រោយពួកគេតែបន្តិចទេ»។
បក្សប្រឆាំងភឿថៃ កំពុងតែបង្ហាញភាពអស្ចារ្យដែលគេមិននឹកស្មានដល់ ដោយលោកស្រី យីងឡាក់ ដែលមានសម្រស់ ស៊ីកាមេរ៉ាទូរទស្សន៍។
ការឡើងយីអ៊ុនដ៏ឆាប់រហ័សរបស់ប្អូនស្រីរបស់លោកថាក់ស៊ីន ក្នុងនាមជាប្រធានគណបក្សភឿថៃ បានធ្វើឲ្យយុទ្ធនាការរបស់បក្សប្រឆាំងប្រកបដោយថាមពលភ្លឺចិញ្ចាច មិនត្រឹមតែនៅជនបទភាគឦសាន ដែលជាឆ្អឹងខ្នងនៃការគាំទ្រសម្រាប់លោកថាក់ស៊ីនប៉ុណ្ណោះទេ ប៉ុន្តែថែមទាំងនៅក្រុងបាងកកជាក្រុងមួយដែលមានពលរដ្ឋ១៥លាន នាក់ដែលធ្លាប់ជាមូលដ្ឋាននៃការគាំទ្រដល់គណបក្សប្រជាធិបតេយ្យ ផងដែរ។
លោក អាភីស៊ីត បានថ្លែងថា៖«លោកស្រី យីងឡាក់ ជាមនុស្សថ្មីនៅលើឆាក។
ជានិច្ចកាលអ្នកតែងតែទទួលបានភាព ខ្លាំងក្លាបន្តិចហើយ..ហើយប្រព័ន្ធឃោសនា តែងតែឆ្លើយតបទៅនឹងមនុស្សថ្មី។ លោក បាននិយាយថា នាងចាំបាច់ត្រូវតែរៀនសូត្រអំពីរដ្ឋាភិបាលព្រោះនាងមិនមានបទ ពិសោធ ហើយចំណុចនោះអាចជារឿងពិបាកគួរសមដែរ។ វាតែងតែមានសំណួរថាតើលោកស្រី អាចជាមនុស្សផ្ទាល់ខ្លួនដែរឬទេ»?
ក្នុងពេលជាមួយគ្នានេះដែរ គណបក្សប្រជាធិបតេយ្យបានប្រើយុទ្ធនាការឃោសនាបោះឆ្នោតថ្មីមួយ ដែលគេហៅថា«មូលហេតុទាំង១០ ដើម្បីបោះឆ្នោតជូនគណបក្សប្រជាធិបតេយ្យ»។
អ្នកនាំពាក្យរងឲ្យគណបក្សប្រជាធិបតេយ្យលោកប៊ុនយ៉ុត សុកធីនថៃ បាននិយាយកាលពីថ្ងៃអង្គារថា ប្រសិនបើគណបក្សប្រជាធិបតេយ្យវិលមកកាន់អំណាចម្តងទៀតផែនការធានា រ៉ាប់រងប្រាក់ចំណូលរបស់បក្សសម្រាប់កសិករ នឹងបន្តប៉ុន្តែប្រសិនបើគណបក្សភឿថៃ ទទួលខុសត្រូវផែនការនេះ នឹងត្រូវជំនួសដោយកម្មវិធីប្រាក់កម្ចីសម្រាប់ដំណាំកសិកម្ម។
លោក បានបញ្ជាក់ថា អ្នកទាំងឡាយណាដែលចង់បង្កើនប្រាក់ខែជាអតិប្បរមា២៥ភាគរយ ក្នុងរយៈពេលត្រឹមពីរឆ្នាំជាជាងរង់ចាំពាក្យសន្យា ដើម្បីបង្កើនប្រាក់ខែប្រចាំថ្ងៃ ជាអតិបរមា៣០០បាត ក៏គួរតែបោះឆ្នោតឲ្យបក្សប្រជាធិបតេយ្យ។
លោក បានអះអាងថា ប្រសិនបើបក្សប្រជាធិបតេយ្យឈ្នះឆ្នោត ខ្លួននឹងផ្តល់កម្មវិធីអប់រំ១៥ឆ្នាំដោយមិនបង់ថ្លៃ ប៉ុន្តែបើបក្សភឿថៃឈ្នះ និស្សិតត្រូវគេសន្យាផ្តល់សៀវភៅសិក្សាឬកុំព្យូទ័រ៕ NR
ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes