សួស ចន្ថា ត្រូវបានតុលាការសម្រេចកាត់ទោស
ឲ្យជាប់ពន្ធនាគារ១០ខែ
លោក សួន ចន្ថា ពេលនាំមកកាន់តុលាការ (រូប៖ DAP)
លោក សួន ចន្ថា តំណាងសហជីពប្រចាំរោងចក្រយូណាយធីតអាផារែលដែលជាប់ចោទពីបទជួញដូរ និងចែកចាយគ្រឿងញៀននៅព្រឹកថ្ងៃសុក្រនេះ ត្រូវបានតុលាការក្រុងភ្នំពេញកាត់ឲ្យជាប់ទោស១០ខែ។ ក្នុងនោះបំពេញទោសជាប់ពន្ធនាគារ៧ខែ៥ថ្ងៃ ហើយទោសដែលនៅសល់ត្រូវព្យួរ។ ប៉ុន្ដែដោយជនជាប់ចោទត្រូវបានចាប់ខ្លួន និងបំពេញទោសក្នុងពន្ធនាគារអស់រយៈពេលជាង៧ខែមកហើយនោះ នៅពេលនេះតាមរយៈសាលក្រមរបស់តុលាការក្រុងភ្នំពេញ មានន័យថា ជនសង្ស័យនឹងត្រូវបានទទួលការដោះលែងឲ្យមានសេរីភាពឡើងវិញ។ សវនាការដែលដឹកនាំដោយចៅក្រម ឌីនស៊ីវុទ្ធី និងព្រះរាជអាជ្ញា តុប ឈុនឡុង នាព្រឹកមិញក៏មានការចូលរួមពីជនជាប់ចោទ និងមេធាវីរបស់គេផងដែរ។
ការផ្ដន្ទាទោសនេះធ្វើឡើងបន្ទាប់ពីមានការទាមទារពីអង្គការអន្ដរ ជាតិចំនួន៦កាលពីថ្ងៃព្រហស្បតិ៍ម្សិលមិញឲ្យរដ្ឋាភិបាលកម្ពុជា ដោះលែងលោក សួន ចន្ថា។ អង្គការទាំងនោះបាននិយាយនៅក្នុងសាររបស់ខ្លួនជាមួយការសង្ស័យថា លោក សួន ចន្ថា ត្រូវបានមួលបង្កាច់ឲ្យមានទោសលើសំណុំរឿងនេះ ខណៈដែលលោកជាតំណាងសហជីពមួយដែលស្និតនឹងរដ្ឋាភិបាល ហើយប្រុងនាំកម្មករប្រមាណជាង១ពាន់នាក់ចាកចេញពីសហជីពនោះ។ លោក សួស ចន្ថា ត្រូវបានចាប់ខ្លួនកាលពីថ្ងៃទី១៨ ខែវិច្ឆិកា ឆ្នាំ២០១០៕
No comments:
Post a Comment
yes