ចលនាយុវជនគណបក្ស សម រង្ស៊ី បំផុសយុវជនចូលរួមចលនាការពារពលរដ្ឋ
ក្នុងវិវាទផ្សេងៗ
ក្នុងវិវាទផ្សេងៗ
សមាជិកគណៈអចិន្ត្រៃយ៍ចលនាយុវជនគណបក្សប្រឆាំង សម រង្ស៊ី ៨សង្កាត់ក្នុង
ខណ្ឌ៧មករា ដែលជាកំលាំងស្នូលប្រមាណ៥០នាក់បានជួបប្រជុំគ្នានៅព្រឹកថ្ងៃទី២៧ សីហា នេះក្នុងស្នាក់ការគណបក្សនៅបូរីកីឡាដឹកនាំដោយលោក សួងសោភ័ណ្ឌ ប្រធានចលនាគណបក្ស សម រង្ស៊ី ដោយបានផ្តោតទៅលើបញ្ហាយុវជន
ក្នុងសង្គម។
ប្រធានចលនាគណបក្ស សម រង្ស៊ី លោក សួង សោភ័ណ្ឌ ដែលដឹកនាំការប្រជុំបាន
អោយដឹងថា ការជួបជុំយុវជននៅក្នុងខណ្ឌ៧មករានេះគឺសុទ្ធតែជាកំលាំង
ស្នូល និងថ្នាក់ដឹកនាំយុវជនរបស់គណបក្ស សម រង្ស៊ី ដោយបានផ្តោតទៅលើ
បញ្ហាមួយចំនួនរបស់យុវជនក្នុងសកម្មភាពនយោបាយ សង្គម ។
ហើយបញ្ហាចម្បង
ផ្តោតទៅលើ កំលាំងចលនាយុវជនគណបក្ស សម រង្ស៊ី អោយមានសកម្មភាពផុស
ផុលចូលរួមក្នុងសកម្មភាពនយោបាយ ពង្រឹងពង្រីកចលនាយុវជន រួមកំលាំង
យុវជនដើម្បីចូលរួមសកម្មភាពចលនាការពារប្រជាពលរដ្ឋដែលមានវិវាទ
ផ្សេរងៗ។
លោក សួង សុភ័ណ្ឌ បានបន្តថា រាល់ការគាបសង្កត់ប្រជាពលរដ្ឋ បញ្ហាដីធ្លីសាំង
ឡើងថ្លៃ ទំនិញឡើងថ្លៃហួសកំរិត បញ្ហាអត់ការងារធ្វើ បញ្ហាសុខភាព អនាម័យ និង
បញ្ហាផ្សេងៗទៀត គឺនិងយកចលនាយុវជនគណបក្ស សម រង្ស៊ី ទៅដោះស្រាយ
បញ្ហាអស់ទាំងហ្នឹងគឺដោះស្រាយដោយអហិង្សា ។ ហើយសកម្មភាពទាំងនេះ
ដើរលើមាគ៌ាត្រឹមត្រូវមិនអនុញ្ញាតអោយមន្ត្រីកាន់អំណាចធ្វើអ្វីស្រេចតែចិត្តទេជំទាស់និងការរំលោភបំពានច្បាប់ដើម្បីអោយគោរពច្បាប់ ហើយសកម្ម
នេះនិងចាប់ផ្តើមពីពេលនេះតទៅ និងធ្វើសកម្មភាពខ្លាំងនៅពេលធ្វើសមាជយុវ
ជនរួចនៅចុងឆ្នាំ២០១១នេះ។
លោក សួង សោភ័ណ្ឌ បានបន្តថា លោកនិងធ្វើការជួបជុំយុវជនគណបក្ស សម
រង្ស៊ី ទាំងអស់នៅតាមបណ្តាខណ្ឌទាំងអស់ក្នុងរាជធានីភ្នំពេញដើម្បីបំផុសចលនាយុវជនអោយចូលរួមក្នុងចលនាសកម្មភាពការពារប្រជាពលរដ្ឋដែលជួបបញ្ហារំលោភបំពានច្បាប់។
លោក សួង សោភ័ណ្ឌ បានបញ្ឆាក់ថា "អោយតែទង្វើអាក្រក់ទាំងឡាយណាដែលជះឥទ្ធិពលដល់សង្គមនិងប្រជាពលរដ្ឋ រំលោភច្បាប់គឺចលនាយុវជន
និងចេញ ហើយពិបាកថាដែររឿងថាអាចដូចប្រទេសផ្សេងៗពីព្រោះអោយ
តែនៅអ្នកកាន់អំណាចមិនគោរពច្បាប់ ទង្វើបែបហ្នឹងពិបាកសម្រេចណាស់
ពីព្រោះគោលបំណងរបស់ខ្ញុំចង់អោយប្រទេសមួយល្អ គោរពច្បាប់ស្រលាញ់
ប្រជាពលរដ្ឋហើយបើប្រាសចាកបែបហ្នឹង ខ្ញុំពិបាកថាណាស់វាអាចដូច
ទុយណេស៊ី ប៉ុន្តែខ្ញុំថា មិនថានិងធ្វើចឹងទេ ប៉ុន្តែបើនៅតែទង្វើអាក្រក់បែប
ហ្នឹងពិបាកថាដែរ ខ្ញុំនិងសម្រេចគោលបំណងរបស់ខ្ញុំ" ។
សូមជម្រាបថា លោក សួង សោភ័ណ្ឌ ប្រធានចលនាយុវជនគណបក្ស សម រង្ស៊ី
ធា្លប់បានដឹកនាំចលនាយុវជនចូលរួមក្នុងការតវ៉ាទាមទាររបស់ប្រជាពលរដ្ឋក្នុងរឿងជម្លោះដីធ្លីក្នុងរាជធានីភ្នំពេញហើយក៍ធ្លាប់បានទទួលរងការវាយ
ទាត់ធាក់និងចាប់ឃាត់ខ្លួនផងដែរពីសំណាក់អាជ្ញាធរមានសមត្ថកិច្ច ដោយសារតែលោកហ៊ានចេញមុខការពារប្រជាពលរដ្ឋ៕
No comments:
Post a Comment
yes