សិស្សបឋមសិក្សា អនុវិទ្យាល័យ និងវិទ្យាល័យ ចាប់ចុះឈ្មោះចូលរៀនពីថ្ងៃទី០១ កញ្ញា
ទៅដល់ថ្ងៃទី៣០ កញ្ញាដោយមិនបង់លុយ
សិស្សបឋមសិក្សា អនុវិទ្យាល័យ និងវិទ្យាល័យ ចាប់ចុះឈ្មោះចូលរៀនពីថ្ងៃទី០១ កញ្ញា ទៅដល់ថ្ងៃ
ទី៣០ កញ្ញា ឆ្នាំ២០១១ ដោយមិនមានការបង់លុយនោះទេ។ហើយនៅថ្ងៃដំបូងនៃការចុះឈ្មោះចូល
រៀនមានមាតា បិតាសិស្ស អាណាព្យាបាលសិស្ស និងសិស្សានុសិស្សបាននាំគ្នាទៅចុះឈ្មោះចូល
រៀន ។
នាយកវិទ្យាល័យសន្ធរម៉ុកលោក មាឃ ឆរស្មី បានមានប្រសាសន៍អោយដឹងថា ចាប់ពីថ្ងៃទី០១
កញ្ញា រហូតដល់ថ្ងៃទី៣០ កញ្ញា ឆ្នាំ២០១១ សិស្សានុសិស្សអនុវិទ្យាល័យ និងវិទ្យាល័យមកចុះ
ឈ្មោះចូលរៀន។ហើយនៅថ្ងៃទី២៥ដល់ថ្ងៃទី៣០ កញ្ញា សិស្សចូលរៀនរៀបចំសាលាដូចជារៀប
ចំតុ កៅអីអង្គុយរៀន និងសំអាតទីធ្លីសាលារៀន ហើយនិងរៀនសូត្រពីបទបញ្ឆាផ្ទៃក្នុង ច្បាប់
ហើយនៅថ្ងៃទី០៣ តុលា ចាប់ផ្តើមដំណើរការចូលរៀនតែម្តង។លោក មាឃ ឆរស្មី នាយកវិទ្យា
ល័យសន្ធរម៉ុកបានបញ្ឆាក់ថា នៅថ្ងៃទី០១ កញ្ញា មានសិស្សានុសិស្សជាច្រើនមកចុះឈ្មោះចូល
រៀន ចំពោះពាក្យសុំចូលរៀន(ឌឺម៉ង)មិនមានការយកលុយពីសិស្សនោះទេ។
អ្នកស្រី សោម សុផល នាយិកាសាលាបឋមសិក្សា ហ៊ុន នាង បឹងត្របែកខាងកើតបានមាន
ប្រសាសន៍អោយដឹងថា ចំពោះសិស្សបឋមត្រូវចុះឈ្មោះចូលរៀនពីថ្ងៃទី០១ ដល់៣០ កញ្ញា
ចំពោះសិស្សគ្រប់អាយុចូលរៀនថ្នាក់ទី១ ត្រូវមានអាយុ៦ឆ្នាំ ហើយបើអាយុ៥ឆ្នាំចូលរៀនថ្នាក់
មត្តេយ្យ ដោយមានភ្ឆាប់មកជាមួយឯកសារដូចជា សំបុត្រកំណើត សំបុត្រពេទ្យ និងសៀវភៅ
ស្នាក់នៅ ដោយខាងសាលាបង្កលក្ខណៈដល់មាតា បិតា និងអាណាព្យាបាលសិស្សហើយការ
ចុះឈ្មោះចូលរៀនមិនយកលុយទេ។
ចំណែកលោក អ៊ូ អេង អគ្គនាយកអប់រំ នៃអគ្គនាយកដ្ឋានក្រសួងអប់រំ យុវជននិងកីឡាបានបញ្ឆាក់
ថា ចំពោះការចុះឈ្មោះចូលរៀនមិនមានការយកលុយទេ និងជាពិសេសជម្រុញការចុះឈ្មោះកុមារ
អោយចូលរៀន។
លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យបានអោយដឹងថា សមាគមរបស់លោក
នៅមិនទាន់ទទួលព័ត៍មានតាមសាលាថា មានការយកលុយពីសិស្សក្នុងការចុះឈ្មោះចូលរៀន
នៅឡើយទេ៕
No comments:
Post a Comment
yes