មេធាវីលោក អ៊ឹង គឹមថៃ ដាក់ពាក្យប្តឹងឧទ្ធរណ៍ទៅតុលាការថៃនៅថ្ងៃទី៣០ កញ្ញា

​​មេធាវីការពារក្តីអោយលោក អ៊ឹង គឹមថៃ ប្រជាពលរដ្ឋខ្មែរដែលអាជ្ញាធរមានសមត្ថកិច្ចថៃបានធ្វើការ​​ចាប់ខ្លួន

ហើយត្រូវបានតុលាការសាលាដំបូងខេត្តស៊ីសាកេត បើកសវនាការជំនុំជម្រះអោយជាប់ពន្ធនាគាររយៈពេល

២ឆ្នាំ ៣ខែ កាលពីថ្ងៃទី០៦ កញ្ញា ឆ្នាំ២០១១ កន្លងមកនេះពីបទរួមដំណើរជាមួយបុរសជាចារកម្មឈ្មោះ

យ៉ា ពៅ បានយកពាក្យបណ្តឹងដាក់ប្តឹងទៅតុលាការឧទ្ធរណ៍ខេត្តស៊ីសាកេត នៅព្រឹកថ្ងៃទី៣០ កញ្ញា នេះ

ហើយ។ នេះបើតាមការអោយដឹងរបស់លោក នេត សេរី អគ្គកុងស៊ុលខ្មែរប្រចាំនៅប្រទេសថៃ។

​សូមជម្រាបថា លោក អ៊ឹង គឹមថៃ អាយុ៤៦ឆ្នាំ មានស្រុកកំណើតនៅស្រុកលើកដែក ខេត្តកណ្តាល ត្រូវបាន

អាជ្ញាធរមានសមត្ថកិច្ចថៃ នៅខេត្តស៊ីសាកេត បានចាប់ឃាត់ខ្លួនកាលពីថ្ងៃទី០៧ មិថុនា ឆ្នាំ២០១១ ជាមួយ

ជនជាតិថៃកាត់មូស្លីម និងជនជាតិវៀតណាម ដោយសង្ស័យពីការធ្វើចារកម្ម យកព័ត៍មាននៅទីតាំងយោធា

របស់ថៃ។

​គួរបញ្ឆាក់ថា លោក អ៊ឹង គឹមថៃ ត្រូវបានតុលាការសាលាដំបូងខេត្ត ស៊ីសាកេត របស់ថៃសម្រេចផ្តន្ទាទោស

អោយជាប់ពន្ធនាគាររយៈពេល២ឆ្នាំ ៣ខែ ដោយចោទពីបទ រួមដំណើរជាមួយបុរសជាចារកម្មឈ្មោះ យ៉ា ពៅ ៕