យុវជនរងគ្រោះឈ្មោះសុខ ផល អាយុ២០ឆ្នាំ មានស្រុកកំណើតនៅខេត្តកំពង់ចាម បានឱ្យដឹងថា រូបគេជាកូនកំព្រាឪពុកម្តាយស្លាប់ចោលតាំងពីនៅតូចមកម៉្លេះ ដោយរូបគេក៏បានស្នាក់នៅជាមួយម្តាយមីង បន្ទាប់មកក៏បានចេញមកស៊ីឈ្នួលឱ្យថៅកែសេះហោះ ដែលតែងតែដើរទៅលេងតាមបណ្តាខេត្តនានា នៅទីប្រជុំជន និងក្នុងវត្តអារាមជាដើម ។ នៅថ្ងៃកើតហេតុរូបគេ បានដឹកសេះហោះជាមួយថៅកែទៅលេងនៅវត្ដទួលសុភីដែលគេធ្វើបុណ្យកឋិនទានបាន២យប់ លុះនៅវេលាម៉ោង១១យប់ ថ្ងៃទី១៧ តុលា អស់មានអ្នកជិះទៀត រូបគេនិងមិត្ដភក្ដិឈ្មោះចយ អាយុ២១ឆ្នាំ បានរៀបចំរបស់របរទុកដាក់រួចរាល់អស់ហើយ ក៏យកដែកថ្នាំងអំពៅបោះបង្គោលជាប់រថយន្ដដឹកសេះហោះទុកចងមុង រួចក៏ឡើងទៅចងអង្រឹងនៅលើរថយន្ដដេក ។
ប្រភពព័ត៌មានពីជនរងគ្រោះបានបន្ដទៀតថា ពេលចងអង្រឹងរួចរាល់ហើយស្រាប់តែមេឃភ្លៀង រូបគេក៏លោតចុះពីលើរថយន្ដដោយមើល មិនឃើញដែកដោតធ្វើបង្គោលទេ ព្រោះយប់ងងឹត បណ្ដាលឱ្យបុករន្ធគូទជាប់ដែកថ្នាំងអំពៅហូរឈាមរហាម។ បន្ទាប់មក ឈ្មោះចយ បានជូនរូបគេទៅមន្ទីរពេទ្យខេត្ដកំពង់ស្ពឺ ប៉ុន្ដែមន្ទីរពេទ្យគ្មានឧបករណ៍គ្រប់គ្រាន់ក៏បានបញ្ជូនទៅព្យាបាលនៅមន្ទីរពេទ្យព្រះកុសុមៈបន្ដទៀត។ មកដល់មន្ទីរពេទ្យជនរងគ្រោះចេះតែចុកពោះ គ្រូពេទ្យបានប្រាប់ថា ដោយសារខ្យល់ចូលពោះតាមរន្ធគូទ ទើបបណ្ដាលឱ្យចុកពោះដូច្នេះ៕
ពីគេហទំព័រ៖ កោះសន្តិភាព
No comments:
Post a Comment
yes