អ្នកនាំពាក្យម្នាក់របស់ប៉ូលិសចរាចរណ៍ប្រេស៊ីលរាយការណ៍ប្រាប់ AFP ថា ការបុកគ្នារវាងរថយន្តកាំមីញ៉ុងមួយគ្រឿង និងរថយន្តបឺសមួយគ្រឿងដែលដឹកពលករកសិកម្ម បណ្តាលឱ្យមនុស្សស្លាប់យ៉ាងតិច៣៦នាក់ កាលពីថ្ងៃទី៣ ធ្នូ ក្នុងរដ្ឋបាហ៊ីយ៉ា ភាគឦសានប្រេស៊ីល។ ការស៊ើបអង្កេតមួយត្រូវ បាន បើកធ្វើលើគ្រោះថ្នាក់នេះដែលក៏បណ្តាលឱ្យមនុស្ស១៣នាក់ត្រូវរបួសដែរ នៅមីឡាហ្គ្រេន ចម្ងាយប្រមាណ ជា២៥០គីឡូម៉ែត្រ ពីទីក្រុងសាល់វ៉ាឌ័រ ដឺបាហ៊ីយ៉ា រដ្ឋធានីរបស់រដ្ឋបាហ៊ីយ៉ា។
រថយន្តបឺសនោះជារថយន្តលួចលាក់ដឹកអ្នកដំណើរដោយពុំមានឯកសារធ្វើអាជីវកម្មឡើយ។ វាដឹកពលករកសិកម្ម ជាអ្នកស៊ីឈ្នួលកាប់អំពៅចេញពីរដ្ឋម៉ាតូ ហ្គ្រោសូ ឆ្ពោះទៅកាន់រដ្ឋព័រណាមប៊ូកូ(ភាគឦសាន) ។ ការបុកគ្នានេះកើតមានកាលពីយប់ថ្ងៃទី២ មកទី៣ ធ្នូ ។ ដោយសារនេះជាការដឹក ជញ្ជូនមនុស្សលួចលាក់ ប៉ូលិសពុំមានបញ្ជីឈ្មោះពួកអ្នកដំណើរជិះក្នុងរថយន្តបឺសនេះឡើយ ជា ហេតុ ញ៉ាំងឱ្យមានការលំបាកក្នុងការកំណត់អត្តសញ្ញាណជនរងគ្រោះ៕
No comments:
Post a Comment
yes