ខ្មែរកម្ពុជាក្រោមការ ក្រោមការគ្រប់គ្រងរបស់វៀតណាម គ្មានសិទ្ធិសេរីភាពក្នុងការសិក្សារៀនសូត្រអក្សសាស្រ្តខ្មែរ

ភ្នំពេញ ៖ វិស័យអប់រំគឺជាកត្តាមួយដ៏សំខាន់សម្រាប់ការអភិវឌ្ឍន៏មនុស្សជាតិ ព្រោះ​ថា​វិស័យ អប់រំនេះ​គឺជាមាគ៌ាមួយដ៏សំខាន់របស់មនុស្សគ្រប់រូប និងគ្រប់ជាតិសាស្រ្ត​ដែលគេតែង​តែ​យក​ចិត្ត​ 

ទុកដាក់ជា​ទីបំផុតសម្រាប់វិស័យមួយនេះ ។ប្រទេសជាតិមានការរីកចំរើនទៅ​បានគឺអាស្រ័យ​ទៅ 

លើធនធានមនុស្សដែលមានសមត្ថភាពនិងចំណេះដឹងពិតប្រាកដ ។

             ដោយឡែកខ្មែរកម្ពុជាក្រោមដែលរស់នៅក្រោមការត្រួតត្រារបស់វៀតណាម គឺពុំមាន​សិទ្ធ សេរីភាពក្នុងការសិក្សារៀនសូត្រនោះទេ ហើយក៏ពុំមានការយកចិត្តទុកដាក់​ពីប្រមុខ​រដ្ឋាភិ​បាល ចប្ចុប្បន្ននេះថែមទៀតផង ។ គឺវាផ្ទុយស្រឡះពីសម័យដែលបារាំងធ្វើអាណានិគម គឺបារាំងបាន 

ផ្តល់សិទ្ធសេរីភាពដល់ពលរដ្ឋខ្មែរក្រោមឲ្យមានសិទ្ធគ្រប់ៗគ្នាបានសិក្សារៀនសូត្រ ។

ក្រោមការ

គ្រប់គ្រងរបស់វៀតណាម នាពេលបច្ចប្បន្ននេះ សាលារៀននៅគ្រប់ទិសទីនៅលើទឹកដីកម្ពុជាក្រោម

ត្រូវបានបិទនិងរំលាយចោលទាំងស្រុង ហើយប្រសិនបើខ្មែរណាម្នាក់ហ៊ាន​សិក្សារៀន​សូត្រនិងអាន

អក្សខ្មែរនិងត្រួវអាជ្ញាធរវៀតណាម​ចាប់​ជាក់ជាមិនខានដោយ​ពួកគេយកលេស​គ្រប់បែបយ៉ាងក្នុងរូប

ភាពយួនូបនីយកម្មកម្ពុជាក្រោម សរុបសេចក្តីមកនៅពេលដែលវៀតណាមបាននិងកំពុងធ្វើអាណា

និគមលើខ្មែរកម្ពុជាក្រោម ពួកគេមិនត្រឹមតែមិនលើកស្ទួយនិងយកចិត្តទុកដាក់មកលើខ្មែរប៉ុណ្ណោះ

ទេ ថែមទាំងមានផែនការនិងអនុវត្តជាក់ស្តែងនៃការរំលាយអក្សសាស្រ្តរបស់ខ្មែរយើងតាំងពីអតីត

កាលរហូតមកដល់បច្ចប្បន្ននេះ ។ ជាក់ស្តែងនៅខេត្តកំពង់ឬស្សី ដែល​វៀតណាម បានប្រែទៅជា

 បេនត្រែ ដែលមានសាលាជាភាសាខ្មែរនិងវត្តព្រះពុទ្ធសាសនាខ្មែរចំនួន២៥វត្ត ត្រូវបានអាជ្ញាធរ

វៀតណាមរំលាយឲ្យខ្ទេចខ្ទីរាបដល់ដីដោយគ្មានសល់អ្វីទាំងអស់ជាពិសេសទៅទៀតនោះសាលា

វិទ្យាល័យសុរិយាព្រះត្រពាំងក៏ត្រូវបានអាជ្ញាធរវៀតណាមរំលាយអស់ទាំងស្រុងផងដែរ ។

          លោក យន្ត ថារូ ធានមជ្ឈមណ្ឌលវប្បធម៌ខ្មែរកម្ពុជាក្រោម និងជាតំណាងរាស្រ្តរបស់​

គណបក្ស សម រង្ស៊ី មណ្ឌល បន្ទាយមានជ័យ លោកបានលើកឡើងថា លោកមានការព្រួបារម្ភ

ចំពោះអានាគតកូនចៅខ្មែរជំនាន់ក្រោយដែររស់នៅលើទឹកដីកម្ពុជាក្រោមហើយលោកក៏សូមអំពាវ

នាវឲ្យមូលនិធិអង្គការសហប្រជាជាតិសម្រាប់កុមាដែលហៅកាត់ថា យូនីសេសហ៏ សូម​មេត្តា​ជួយ

គិតគូដល់ជោគវាសនារបស់កុមារកម្ពុជាក្រោមផង ។

          សូមជំរាបផងដែរថា ទឹកដីខ្មែរកម្ពុជាក្រោមដែលបារាំង បានកាត់ឲ្យអាជ្ញាធរវៀតណាមធ្វើ

អាណានិគមបន្ត គឺនៅថ្ងៃទី៤ មិថុនា ឆ្នាំ១៩៤៩ ដែលមានចំនួន ៦៨,៩៦៥ គីឡូម៉ែត្រក្រឡាភូមិ

ចំនួន ១៤,៧៧៨ ភូមិ ឃុំចំនួន ១,៣៦៨ ឃុំ ១៧១ស្រុក និង២១ខេត្ត ដែល​មានប្រជា​ពលរដ្ឋ​ខ្មែរ

ជាង ១២,៥៤៧,២៥០ នាក់ វត្តព្រះពុទ្ធសាសនាខ្មែរជាង ៥៦៧ វត្ត រួមជាមួយព្រះសង្ឃជាង១ម៉ឺនអង្គ ៕