លោកជង់ឡឹម ប្រធានមន្ទីរទេសចរណ៍ខេត្តបន្ទាយមានជ័យឲ្យដឹងនៅពេលថ្មីៗនេះថា នៅក្នុងខែ មករាឆ្នាំ២០១២នេះភ្ញៀវទេសចរបរទេសដែលបានចូលតាមច្រក ប៉ោយប៉ែតមានចំនួន៥៤.០៤៨នាក់ កើន ជាងខែធ្នូឆ្នាំ២០១១ ដែលមានតែ៤៤.៤០៣នាក់។
ភ្ញៀវទេសចរនៃជនជាតិរុស្ស៊ីបាន ឈរនៅលំដាប់ទីមួយដោយនៅក្នុងខែមករាឆ្នាំ២០១២ មាន១០ ៨២២នាក់ ហើយនៅខែធ្នូឆ្នាំ២០១១មានតែ៧០៣៨នាក់។
លំដាប់ទីពីរភ្ញៀវជនជាតិថៃលំដាប់លេខ២ ស្ថិតនៅចំនួន៥៨៥៤នាក់ រីឯលំដាប់ទី៣ភ្ញៀវជនជាតិកូរ៉េខាងត្បូងដែលក្នុងខែមករាឆ្នាំ២០១២នេះមាន ចំនួន៣៣៧៤នាក់ កើនចំនួន ច្រើនជាងខែធ្នូ ឆ្នាំ២០១១ មានតែ២៤៦២នាក់។
ប្រធានមន្ទីរទេសចរណ៍ខេត្តបន្ទាយមានជ័យលោកជង់ឡឹមឲ្យដឹងទៀតថា បើធៀបទៅនឹងខែមករាឆ្នាំ២០១១ចំនួនភ្ញៀវទេសចរបរទេសដែលបានចូលមកនៅក្នុងខែមករា ឆ្នាំ២០១២នេះ មានការកើន ឡើងប្រមាណជិត២៤ភាគរយ ដោយនៅខែមករាឆ្នាំ២០១១មានភ្ញៀវតែចំនួនជាង៤៣.០០០នាក់ប៉ុណ្ណោះ។
លោកបានប្រាប់ឲ្យដឹងដែរថា ភ្ញៀវទេសចរបរទេសដែលចេញចូលតាមច្រកទ្វារអន្តរជាតិប៉ោយ ប៉ែតក្នុង មួយថ្ងៃៗជាមធ្យមមានប្រមាណ១២០០នាក់ ហើយដែលពួកគេភាគច្រើនធ្វើដំណើរទៅទស្សនា តំបន់ អង្គរវត្តខេត្តសៀមរាប។
មូលហេតុសម្រាប់ណែនាំឲ្យចំនួនភ្ញៀវបរទេសចេះតែកើនឡើងនេះនេះដោយសារតែសេវា និង សុវត្ថិភាព សន្តិសុខ ភ្ញៀវកាន់តែមានភាពល្អប្រសើរឡើងទាំងនៅមាត់ច្រកចេញចូលនិងតាមដងផ្លូវ។
យោងតាមរបាយការណ៌មន្ទីរទេសចរណ៍ខេត្តបន្ទាយមានជ័យឲ្យដឹងដែរថា នៅក្នុងឆ្នាំ២០១១កន្លង មកនេះភ្ញៀវទេសចរបរទេសចូលតាមច្រកប៉ោយប៉ែតនេះ មានចំនួន៤១៧.៧៦១នាក់ មានការកើនឡើង ចំនួន២០,១៥ភាគរយ។
No comments:
Post a Comment
yes