ទីភ្នាក់ងារសារព័ត៌មានស៊ីនហួរបានរាយការណ៍ថាចិនកាលពីថ្ងៃអាទិត្យបានអំពាវនាវអោយរដ្ឋាភិបាលស៊ីរីនិងភាគីពាក់ព័ន្ធដទៃទៀតបញ្ឈប់រាល់អំពើហិង្សានិងស្វះស្វែងរកដំណោះស្រាយសន្តិភាពមួយសំរាប់វិបត្តិនេះ។
ទីភ្នាក់ងាររដ្ឋនេះបាននិយាយថាក្រសួងការបរទេសបានចេញសេចក្តីថ្លែងការណ៍មួយ ដោយអំពាវនាវអោយមានការចរចារវាងរបបគ្រប់គ្រងអំណាចនិងអ្នកដែលសម្តែងបំណងប្រថ្នានយោបាយ។"ក្នុងសេចក្តីថ្លែងការណ៍ មន្ត្រីចិនបានទទូចអោយភាគីស៊ីរីនិងភាគីពាក់ព័ន្ធបញ្ឈប់ជាបន្ទាន់និងទាំងស្រុងរាល់អំពើហិង្សា ជាពិសេសអំពើហិង្សាលើជនស៊ីវិល។ក្រុមបក្ខពួកនៅស៊ីរីគួសម្តែងបំណងនយោបាយរបស់គេតាមមធ្យោបាយអហិង្សា"។
កាលពីថ្ងៃព្រហស្បតិ៍ប្រទេសចិននិងរុស្ស៊ីបានចុះហត្ថលេខាលើសេចក្តីថ្លែងការណ៍របស់ក្រុមប្រឹក្សាសន្តិសុខអង្គការ សហប្រជាជាតិដោយស្នើស៊ីរីអោយអនុញ្ញាតក្រុមមនុស្សធម៌ចូលទៅកាន់បណ្តាទីក្រុងប្រឆាំងតវ៉ាជាបន្ទាន់។
តែទោះជាយ៉ាងណា រដ្ឋាភិបាលស៊ីរីចាប់តាំងពីនោះមកត្រូវបានចោទប្រកាន់ថារារាំងមន្ត្រីកាកបាទក្រហមមិនអោយនាំជំនួយចាំបាច់ទៅកាន់មូលដ្ឋានឧទ្ទាមនៅក្រុងបាបា អាម ចំពេលមានរបាយការណ៍អំពីការវាយប្រហារដោយកងកម្លាំងនៅទីនោះ៕
CEN
No comments:
Post a Comment
yes