ក្រុងលីម៉ា: អាជ្ញាធរប៉េរូបាននិយាយថា កម្មកររ៉ែដែលជាប់នៅក្រោមដី៩នាក់ កំពុងត្រូវគេផ្តល់ភេសជ្ជប៉ូវកម្លាំង ស៊ុបនិងម្ហូបអាហារ ខណៈប៉ូលិស ក្រុមពន្លត់អគ្គិភ័យ និងកម្មករច្រើនទៀត ធ្វើការដើម្បីរំដោះពួកគេចេញ។
ស្នងការប៉ូលិសក្នុងតំបន់អ៊ីកា នៅភាគត្បូងប្រទេសប៉េរូលោកចូសេ សាវ៉េត្រា បាន និយាយថា បុរសទាំងនោះបានជាប់គាំងនៅក្នុងអណ្ដូងរ៉ែរាងជាបន្ទាត់ដេក មិនសូវជ្រៅក្រោមផ្ទៃដីខាងលើ ដែលបានបាក់រលំ កាលពីថ្ងៃព្រហស្បតិ៍។
ក្រុមបុគ្គលិកសង្គ្រោះបានខិតខំបន្តការងាររបស់ពួកគេកាលពីព្រឹកថ្ងៃអង្គារដើម្បីជួយសង្គ្រោះកម្មការរ៉ែ ដែលបានជាប់នៅក្រោមដីអស់ពេល៥ថ្ងៃទាំងនោះ។
លោក សាវ៉េត្រា បាននិយាយថា គ្រឿងកំប៉ុងត្រូវបានរុញចូលទៅឲ្យក្រុមកម្មកររ៉ែតាមបំពង់ទុយោកៅស៊ូមួយ។
លោកបានថ្លែងថា កម្មកររ៉ែទាំងនោះ នៅក្រោយកម្ទេចកម្ទីបាក់បែកដែលមានទំហំប្រមាណជា៦ម៉ែត្រ ដែលបានបាក់រលំ នៅពេលពួកគេចាប់ផ្តើមដាក់បំផ្ទុះដើម្បីយកករ៉ែទង់ដែង។
No comments:
Post a Comment
yes