ក្រុងយាំងហ្គោន៖ ទូរស័ព្ទ Black Berrys និង iPhones មិនត្រូវបានគេប្រើប្រាស់ច្រើនក្នុងប្រទេស មីយ៉ាន់ម៉ា ដែលសេវាទូរស័ព្ទរអាក់រអួល សេវាកម្មក៏មានតិច តម្លៃថ្លៃ បណ្តេញខ្សែមិនល្អ និងគ្មានប្រព័ន្ធទូរស័ព្ទឆ្លងប្រទេស។ ជាងមួយទសវត្សរ៍ហើយ ឧស្សាហកម្មទូរគមនាគមន៍របស់ប្រទេសមួយនេះ គឺដំណើរការដោយយឺតយ៉ាវបំផុត។
វាមិនគួរឲ្យភ្ញាក់ផ្អើលទេ ដែលប្រទេសនេះមានចំនួនប្រជាជន ៦០លាននាក់ គឺជាប្រទេសអន់លំដាប់ទីពីរក្នុងពិភពលោក បន្ទាប់ពីប្រទេសកូរ៉េខាងជើងក្នុងបច្ចេកវិទ្យាទូរស័ព្ទដៃ ដូចជា ស៊ីមកាត ធ្វើដោយតម្លៃថ្លៃនិងរឹតបន្តឹង សម្រាប់ទប់ស្កាត់ការប្រើប្រាស់ច្រើនលើប្រព័ន្ធតូចចង្អៀត ខណៈពេលការផ្ញើសារអ៊ីឡិចត្រូនិក និង ស្វែងរកក្នុងប្រព័ន្ធអ៊ិនធឺណិតលើទូរស័ព្ទដៃគឺកម្រមាន។
សូម្បីតែចង់កាន់និយាយតាមទូរស័ព្ទ ក៏មានការទើសទែងដែរ។ អ្នកទេសចរណ៍ ពេលមកដល់ ត្រូវជួល ស៊ីមកាតនៅឯព្រលានយន្តហោះ ខណៈពេលជនជាតិមីយ៉ាន់ម៉ាជាច្រើនអាចប្រើស៊ីមកាតបានតែមួយដង ដែលមានសុពលភាពត្រឹមតែ ២-៣ ថ្ងៃ រាល់ពេលបញ្ចូលទឹកប្រាក់ ២០ដុល្លារម្តងៗ។
ប៉ុន្តែខណៈពេល ប្រទេសមីយ៉ាន់ម៉ាកំពុងធ្វើដំណើរលើផ្លូវកំណែទម្រង់សេដ្ឋកិច្ច វិស័យទូរគមនាគមន៍ មានការពុករលួយ និងគ្រប់គ្រងខុសបែបបទ ដែលជាហេតុធ្វើប្រទេសនេះដើរពីក្រោយប្រទេសមួយចំនួនដែលក្រីក្រក្នុងទ្វីបអាស៊ី។
No comments:
Post a Comment
yes