ឈ្មោះ បោង ពុទ្ធារិទ្ធ ជាប៉េអឹម ប្រចាំនៅខេត្តពោធិ៍សាត់ ត្រូវបានអង្គភាព
ប្រឆាំងអំពើពុករលួយ ចាប់ខ្លួន ក្នុងរឿងកាងឡានដឹកឈើគ្រញូង នៅខេត្តពោធិ៍សាត់
ភ្នំពេញ: បុរសម្នាក់ ជាប៉េអឹម ប្រចាំនៅខេត្តពោធិ៍សាត់ ត្រូវបានអង្គភាពប្រឆាំងអំពើពុករលួយ ចាប់ខ្លួន កាលពីព្រឹកថ្ងៃទី៣ ខែវិច្ឆិកា ឆ្នាំ២០១២ នៅភ្នំពេញ។ បុរសនោះ ត្រូវបានបញ្ជូនទៅកាន់តុលាការ ចាត់ការតាមច្បាប់ ក្នុងរឿងកាងឡានដឹកឈើគ្រញូង នៅខេត្តពោធិ៍សាត់ កាលពីយប់ថ្ងៃទី១១ ខែមិថុនា ឆ្នាំ២០១២។
ឯកសាររបស់អង្គភាពប្រឆាំងអំពើពុករលួយ ដែលបានចែកចាយដល់អ្នកកាសែត នាព្រឹកថ្ងៃសៅរ៍ ទី៣ ខែវិច្ឆិកា ឆ្នាំ២០១២ បង្ហាញថា បុរសជាប់ចោទនោះ មានឈ្មោះ បោង ពុទ្ធារិទ្ធ ត្រូវបានចាប់ខ្លួននៅថ្ងៃទី៣ ខែវិច្ឆិកា ឆ្នាំ២០១២ នៅរាជធានីភ្នំពេញ។ បុរសនោះ ក៏ត្រូវបានបញ្ជូនទៅកាន់តុលាការខេត្តពោធិ៍សាត់ភ្លាមៗផងដែរ។
ឯកសាររបស់អង្គភាពប្រឆាំងអំពើពុករលួយ ដែលបានចែកចាយដល់អ្នកកាសែត នាព្រឹកថ្ងៃសៅរ៍ ទី៣ ខែវិច្ឆិកា ឆ្នាំ២០១២ បង្ហាញថា បុរសជាប់ចោទនោះ មានឈ្មោះ បោង ពុទ្ធារិទ្ធ ត្រូវបានចាប់ខ្លួននៅថ្ងៃទី៣ ខែវិច្ឆិកា ឆ្នាំ២០១២ នៅរាជធានីភ្នំពេញ។ បុរសនោះ ក៏ត្រូវបានបញ្ជូនទៅកាន់តុលាការខេត្តពោធិ៍សាត់ភ្លាមៗផងដែរ។
ឯកសារបង្ហាញថា កាលពីយប់ម៉ោង ២២ និង ១៥ នាទី ថ្ងៃទី១១ ខែមិថុនា ឆ្នាំ២០១២ មានក្បួនរថយន្ត លុចស៊ីស ៤ គ្រឿង ដឹកឈើគ្រញូង តាមផ្លូវជាតិលេខ ៥ នៅក្នុងទឹកដីខេត្តពោធិ៍សាត់ ហើយព្រះរាជអាជ្ញាតុលាការ និងរដ្ឋបាលព្រៃឈើ ខេត្តពោធិ៍សាត់ បានសហការគ្នា ទប់ស្កាត់បទល្មើសនោះ។ តែត្រូវបានឈ្មោះ បោង ពុទ្ធារិទ្ធ ទៅរំដោះយកឡានដឹកឈើទាំងនោះ។
ឯកសារបន្តថា ឈ្មោះ បោង ពុទ្ធារិទ្ធ បានទទួលលុយកាក់ពីក្រុមឈ្មួញដឹកឈើទាំងនោះ ហើយតែងតែបង្កើតជាឧបស័គ្គដល់សមត្ថកិច្ច ក្នុងការចាប់បង្ក្រាបបទល្មើសដឹកឈើគ្រញូង តាមផ្លូវជាតិលេខ ៥។ ដូច្នេះឆ្លងតាមសាក្សី ៧ រូប និងចម្លើយសារភាពរបស់ជនសង្ស័យ បោង ពុទ្ធារិទ្ធ អង្គភាពប្រឆាំងអំពើពុករលួយ បានសម្រេចចោទប្រកាន់ បុរស បោង ពុទ្ធារិទ្ធ ២ បទល្មើស រួមមាន៖
១-បទគំរាមមន្ត្រីរដ្ឋាភិបាលព្រៃ និងរារាំងសមត្ថកិច្ច មិនឲ្យអនុវត្តការងារបង្ក្រាបបទល្មើសព្រៃឈើ
២-ចាត់វិធានការរារាំងការអនុវត្តច្បាប់ ដើម្បីទទួលបានផលប្រយោជន៍ផ្ទាល់ខ្លួន
ក្រោយពីកសាងសំណុំរឿងរួចរាល់ នៅថ្ងៃទី៣វិច្ឆិកា ឆ្នាំ២០១២នេះ អង្គភាពប្រឆាំងអំពើពុករលួយ បានបញ្ជូនបុរស បោង ពុទ្ធារិទ្ធ ទៅកាន់តុលាការ ខេត្តពោធិ៍សាត់ ដើម្បីចាត់ការតាមច្បាប់៕
No comments:
Post a Comment
yes