លោកស៊ូថេប ឌឿកស៊ូបាន អតីតអគ្គលេខាធិការបក្សប្រជាធិបតេយ្យ
ក្រុង បាងកក: សមាជិកសភាលោក ស៊ូថេបធឿកស៊ូបានបានថ្លែងពីថ្ងៃចន្ទថា នាយករដ្ឋមន្ត្រីលោកស្រីយីងឡាក់ស៊ីណាវ៉ាត់ នឹងត្រូវបានបង្ខំឲ្យចេញពីប្រទេសនេះបើសិនលោកស្រីមិនអាចរលាស់ខ្លួនពីបងប្រុសលោកថាក់ស៊ីន ស៊ីណាវ៉ាត់បានទេ។
អតីតអគ្គលេខាធិការរបស់គណបក្សប្រជាធិបតេយ្យរូបនេះបានថ្លែងថាលោកស្រីយីងឡាក់នឹងបញ្ចប់ដោយចែករំលែកជោគវាសនាជាមួយបងប្រុសលោកស្រីបើសិនលោកស្រីនៅតែបន្តដើរតួជាបាវបម្រើរបស់លោក។
លោកបានថ្លែងថា ទោះយ៉ាងណាក្ដីក៏លោកស្រីនៅតែមានឱកាសរក្សាទំនុកចិត្តរបស់សាធារណជនបើសិនលោកស្រីរៀនប្រើប្រាស់ភាពជាអ្នកដឹកនាំរបស់ខ្លួនជំនួសវិញ។
លោកស៊ូថេប បានបញ្ជាក់ថា៖ «បើសិនជាលោកស្រីបន្តដើរតាមការបញ្ជារបស់លោកថាក់ស៊ីនហើយការពារផលប្រយោជន៍ក្រុមគ្រួសារលោកនិងរបស់ពួកគេលោកស្រីនឹងប្រឈមមុខនឹងប្រតិកម្មតបរបស់សាធារណជនហើយនឹងមិនអាចស្ថិតនៅក្នុងប្រទេសនេះបានឡើយ»។
លោកស៊ូថេបបាននិយាយថាគណបក្សប្រជាធិបតេយ្យបាននិងកំពុងធ្វើការយ៉ាងខ្លាំងនៅក្រៅសភាដើម្បីប្រឆាំងនឹងលោក ថាក់ស៊ីន ដែលលោកនិយាយថា លោកបាននិងកំពុងឈរឈ្មោះ ដើម្បីបង្ហាញពីបរទេស។
លោកបានថ្លែងថា យុទ្ធនាការទូទាំងប្រទេសរបស់គណបក្សប្រជាធិបតេយ្យដើម្បី«ប្រាប់ការពិត»អំពីរបៀបវារៈលាក់បាំងរបស់រដ្ឋាភិបាលនិងគោលនយោបាយប្រជាជននិយមរបស់គេបានចាប់ផ្ដើមចេញផ្លែផ្កាហើយ។
សាធារណជនជាពិសេសប្រជាកសិករអ្នកដាំដើមកៅស៊ូ និងអ្នកដាំដើមដូងប្រេងកំពុងយល់ដឹងកាន់តែច្រើនអំពីថាតើប្រជានិយមតាមបែបលោកថាក់ស៊ីន ដ៏គ្រោះថ្នាក់នេះមានមហន្តរាយយ៉ាងដូចម្តេច។
លោកបានថ្លែងថា លោកសង្ឃឹមថា សាធារណជននឹងកាន់តែឈ្លាសវៃចំពោះរបៀបវារៈរបស់លោកថាក់ស៊ីននិងរណសិរ្សបង្រួបបង្រួមដើម្បីប្រជាធិបតេយ្យប្រឆាំងនឹងភាពផ្ដាច់ការរបស់ក្រុមអាវក្រហមនេះ៕
No comments:
Post a Comment
yes