កម្មករ សំណង់បង្គោលភ្លើងអគ្គិសនី តវ៉ាសុំបើកលុយ ដែលក្រុមហ៊ុនជំពាក់

ព្រះសីហនុ: កម្មករ តំណាង​ពលរដ្ឋ និង​តំណាង​គ្រឿងចក្រ ប្រមាណ​៥០​នាក់​ដែល​ធ្វើការ​ឲ្យ​ក្រុមហ៊ុន Kam Lang កូរ៉េ ផ្នែក​សំណង់​បង្គោល​ភ្លើងអគ្គិសនីនៅ​ស្រុក​ព្រៃនប់ ខេត្ត​ព្រះសីហនុ បាននាំគ្នា​មក​តវ៉ា​ឲ្យ​ក្រុមហ៊ុនបើក​លុយ​ថ្លៃឈ្នួល​ដែល​ក្រុមហ៊ុន​បាន​ជំពាក់​។​
 ការតវ៉ា​នេះ បានធ្វើ​ឡើង​នៅ​ព្រឹក​ថ្ងៃទី​២ ខែកុម្ភៈ ឆ្នាំ​២០១៣ នៅ​សាលាឃុំ​វាលរេញ ស្រុក​ព្រៃនប់ ខេត្ត​ព្រះសីហនុ​។​
​មកទល់​ម៉ោង​១០​ព្រឹក​នេះ ភាគី​ទាំងសងខាង​កំពុងធ្វើការ​ចរចា​គ្នា​នៅ​សាលាឃុំ​វាលរេញ ប៉ុន្តែ​គេ​ពុំទាន់​ដឹង​ពី​លទ្ធផល​យ៉ាងណា​នោះទេ​៕