ប្រជាសហគមន៍បុរីកីឡាប្រមាណ៥០នាក់ បាននាំគ្នាបិទកំណាត់ផ្លូវលេខ២១១ ស្ថិតនៅសង្កាត់វាលវង់ ខណ្ឌ៧មករា ជាថ្នូរទាមទារឲ្យក្រុមហ៊ុនផានអ៊ីម៉ិច ដោះស្រាយសង់អគារឲ្យពួកគាត់សម្រាប់រស់តាមការសន្យា។
ការបិទផ្លូវធ្វើឡើងនៅព្រឹកថ្ងៃអង្គារនេះ បន្ទាប់ពីពួកគេធ្វើសន្និសីទសារព័ត៌មានទាមទារជាថ្មីទៀត ឲ្យក្រុមហ៊ុនផានអ៊ីម៉ិច សាងសង់ផ្ទះឲ្យពួកគាត់តាមការសន្យា។ ការបិទផ្លូវនេះ មិនបង្ករ ឲ្យមានការកកស្ទះដល់អ្នកធ្វើដំណើរច្រើនទេ ហើយខណៈនេះនគរបាលកំពុងឃ្លាំមើលការតវ៉ាបិទផ្លូវ របស់ប្រជាសហគមន៍ តែមិនមានអំពើហិង្សាកើតឡើងទេ។
បញ្ហាទំនាស់ដីធ្លីនៅបុរីកីឡារវាងប្រជាពលរដ្ឋ ជិត២ពាន់គ្រួសារ ជាមួយក្រុមហ៊ុនផានអ៊ីម៉ិច បានកើតឡើងតាំងពីឆ្នាំ២០០៤។ ក្រុមហ៊ុនបានទទួលសិទ្ធិអភិវឌ្ឍន៍លើផ្ទៃដីទំហំជាង៤ហិចតា ដោយសន្យាថា សាងសង់អាគារចំនួន១០នៅក្នុងតំបន់នោះ ជូនប្រជាពលរដ្ឋទាំងអស់ជាការដោះដូរ នឹងការវាយកំទេចសំណង់តួចៗចេញ។ ប៉ុន្តែផ្ទុយទៅវិញក្រុមហ៊ុននេះ សាងសង់ត្រឹមចំនួន៨អគារប៉ុណ្ណោះ ដោយហេតុផលថា ខាតបង់ថវិកា ។
No comments:
Post a Comment
yes