សពរបស់អាកាសយានិកកម្ពុជាដែលបានស្លាប់នៅក្នុងការធ្លាក់យន្តហោះនៅប្រទេសឡាវ ត្រូវបានរកឃើញហើយនៅព្រឹកនេះ។ សពនោះត្រូវរំពឹងថានឹងនាំមកកម្ពុជានៅរសៀលថ្ងៃសៅរ៍នេះតាមជើងយន្តហោះពិសេសរបស់ឡាវ។ នេះជាការអះអាងរបស់ លោក សយ សុខាន់ អនុរដ្ឋលេខាធិការនៃរដ្ឋលេខាធិការដ្ឋានអាកាសចរណ៍ស៊ីវិល។
លោក បាននិយាយថា សពលោក យុង សំ ប្រធានក្រុមហោះហើរយន្តហោះ ATR 72 របស់ក្រុមហ៊ុន Lao Airlinesនឹងត្រូវបញ្ជូនមកដល់កម្ពុជានៅរសៀលម៉ោង ១និង១០នាទីថ្ងៃនេះ។
លោក និយាយថា មនុស្ស ៤៩នាក់បានស្លាប់នៅក្នុងការធ្លាក់យន្តហោះកាលពីថ្ងៃពុធ ទី១៦ ខែតុលា ឆ្នាំ២០១៣ កន្លងមក។ តាមការសន្និដ្ឋានជំហានដំបូង អាកាសធាតុត្រូវបានគេចាត់ទុកជាមូលហេតុដែលនាំដល់ការធ្លាក់យន្តហោះនៅប្រទេសឡាវនោះ។ ប៉ុន្តែការសន្និដ្ឋានផ្លូវការត្រូវរង់ចាំការវិភាគទៅលើទិន្ន័យប្រអប់ខ្មៅសិន៕
No comments:
Post a Comment
yes