ជំនួយសប្បុរសជនរបស់ពលរដ្ឋខ្មែររស់នៅខេត្តអនធារីយ៉ូប្រទេសកាណាដាបានមកដល់គណបក្សសង្គ្រោះជាតិហើយ

រាត្រីសង្គ្រោះជាតិ នៅខេត្តអនធារីយ៉ូ ប្រទេសកាណាដា កាលពីយប់​

ថ្ងៃ​ទី១២ តុលា ២០១៣

ស្តាប់សម្លេង

រាត្រីសង្គ្រោះជាតិ របស់ពលរដ្ឋខ្មែររស់នៅខេត្តអនធារីយ៉ូ ប្រទេសកាណាដា ដែលបានប្រារព្វធ្វើ​កាលពីយប់ថ្ងៃទី១២ តុលា ដើម្បីប្រមូលថវិការជួយដល់ពលរដ្ឋក្រីក្រ រងគ្រោះដោយទឹក​ជំនន់ និង​សម្រាប់ទ្រទ្រង់មហាបាតុកម្មអហិង្សារបស់គណបក្សសង្គ្រោះ ដែលនិងប្រារព្វធ្វើចាប់ពី​ថ្ងៃទី២៣ តុលាតទៅ គឺរាយអង្គាសបានថវិការចំនួន១២.៦៣២ដុល្លា ហើយថវិការទាំង នោះគណបក្ស​សង្គ្រោះ​ជាតិ បានទទួលហើយ ព្រមទាំងបាននិងកំពុងតែបែងចែកសម្រាប់ ជួយ​ដល់ពលរដ្ឋក្រីក្រ​រងគ្រោះដោយទឹកជំនន់នៅតាមបណ្តាខេត្ត-ក្រុង និងរាជធានី ។

សកម្មភាពរាត្រីសង្គ្រោះជាតិ

អ្នកចូលរួមបរិច្ចាកថវិការជួយពលរដ្ឋក្រីក្ររងគ្រោះដោយទឹកជំនន់ និងសម្រាប់ទ្រទ្រង់មហាបាតុកម្មអហិង្សារបស់គណបក្សសង្គ្រោះជាតិ

 ចាប់ពីថ្ងៃទី២៣ តុលា តទៅ

គួរជំរាបជូនផងដែរថា អ្នកផ្តួចផ្តើមគំនិត រៀបចំកម្មវិធីរាត្រីសង្គ្រោះជាតិ ដើម្បីប្រមូលថវិការ​ជួយ​ពល​រដ្ឋក្រីក្រ រងគ្រោះដោយទឹកជំនន់ និងសម្រាប់ទ្រទ្រង់មហាបាតុកម្មអហិង្សា​របស់​គណ​​បក្ស​សង្គ្រោះជាតិ នៅឯNewmarket ខេត្តអន​ធារីយ៉ូ ប្រទេសកាណាដា រួមមាន Mr. Huy Kim horn, Mr. Bon Youk, Mr. Soung Kimsong, Mr. Phat Mat, Mr. Yim Krypheng, Mr. Saram Choun, Mr. Vann   Lun, Mr. Som Kosal,Mr. Keo Money, Mr. Seth Sareth, Mr:Vannda Sok, Mr. Den Neang, Mr. Johnathan Tan, Mr. Pen Pourin , Mrs.Voleak Phay, Mrs.Annie Souk,  Mrs. Hang Sannary.​និងមានការអញ្ជើញចូលរួមពីសំ​ណាក់គណៈកម្មាធិការវត្ត​អនធារី​យ៉ូ, វត្តខ្មែរ​​កម្ពុជា​​​ក្រោម​

នៅក្រុងហាមីនតុន, សមាគមខ្មែរកម្ពុជាក្រោម ខេត្តអនធារីយ៉ូ, ខ្មែរកម្ពុជា​ក្រោម​រស់នៅក្រុងហា​មីន​តុន មរណៈសង្គ្រោះជាតិក្រុងតូរ៉ុនតូ តំណាងមូលនីធិសង្គ្រោះជាតិ និងថ្នាក់ដឹកនាំរបស់គណបក្សសង្គ្រោះជាតិ ខេត្តអនធារីយ៉ូ,ព្រមទាំងប្រជាពលរដ្ឋខ្មែររស់នៅខេត្តអនធារីយ៉ូ ចូលរួមជាង៥០០នាក់ 

ដែល​ធ្វើឲ្យកម្មវិធីរាត្រី សង្គ្រោះជាតិ ប្រព្រឹត្តទៅដោយរលូន និង​ជោគជ័យ​បំផុត ។

លោក កឹម សុខា នាំយកជំនួយសប្បុរងជន ជូនពលរដ្ឋរងគ្រោះដោយសារទឹកជំនន់

ជាមួយគ្នានោះផងដែរ នៅថ្ងៃទី១៨ តុលា ២០១៣ លោកអនុប្រធាន កឹម សុខា​ព្រមទាំង​ថ្នាក់​ដឹកនាំ​របស់​គណបក្សសង្គ្រោះជាតិ ខេត្តកំពង់ចាម រួមមានលោក គួយ ប៊ុនរឿន លោក ម៉ៅ មុន្នីវណ្ណ លោក គឹម សួរភីរិទ្ធ លោក កង កឹមហាក់ លោក សួន វណ្ណឡេង ព្រមទាំងក្រុមការ​ងារ​ខេត្ត និងស្រុក​ជា​ច្រើន​រូបទៀ បាននាំយកជំនួយសប្បុរសជនទាំងក្នុងប្រទេស និងក្រៅ​ប្រទេស ដែលរួមមាន​អង្ករ ត្រីខ មី ទឹកត្រី និងទឹកស៊ីអ៊ាវ ជូនដល់ពលរដ្ឋចំនួន២៣០គ្រួសារ នៅ​ភូមិ​កោះតូច ឃុំពាមជីកង ស្រុក​កងមាស រួចលោកអនុប្រធាន កឹម សុខា និងបន្តដឹកនាំ​ក្រុម​ការ​ងារយក​ជំនួយសង្គ្រោះ ប​ន្ទាន់ ដែល​ទទួលបានពីសប្បុរសជន ជូនដល់ពលរដ្ឋក្រី​ក្រ​រង​គ្រោះ​ដោយ​ទឹក​ជំនន់ចំនួន​២០០គ្រួសារ នៅភូមិ​កោះអណ្តែត ឃុំកោះ​អណ្តែតស្រុក​ស្រីសន្ធរ ។

 កញ្ញា ស៊ិន ចាន់ពៅរ៉ូហ្សេត លោក ជា ជាវ រួមជាមួយនិងថ្នាក់ដឹកនាំគណបក្ស

សង្គ្រោះជាតិ ខេត្តបាត់ដំបង នាំយកជំនួយសង្គ្រោះបន្ទាន់ជូនពលរដ្ឋក្រីក្រ

រងគ្រោះដោយទឹកជំនន់

រីឯនៅខេត្តបាត់ដំបងនៅរសៀលថ្ងៃទី១៨ តុលា ២០១៣ លោក ជា ជាវ មាជិកក្រុមប្រឹក្សាខេត្ត កញ្ញា ស៊ិន ចាន់ពៅរ៉ូហ្សេត ចៅសង្កាត់រងទី២ សង្កាត់អូរចា ព្រមទាំងថ្នាក់ដឹកនាំគណបក្ស​សង្គ្រោះជាតិ​ខេត្តមួយចំនួនទៀត បាននាំយកជំនួយសប្បុរស​ជនជូនដល់ពលរដ្ឋក្រីក្ររង​គ្រោះ​ដោយ ទឹកជំនន់​ចំនួន៦០គ្រួសារ នៅឃុំមុខរា ស្រុករុក្ខគិរី រួចបន្តយកជំនួយសង្គ្រោះ​បន្ទាន់​ទៅចែក​ជូនពលរដ្ឋក្រីក្រ​រងគ្រោះដោយទឹកជំនន់ ចំនួន៤០គ្រួសារទៀត នៅឃុំព្រែកជីក ស្ថិតនៅក្នុង​ស្រុករុក្ខគិរី ដដែល ៕