រូបថតពីgoogle.com
រដ្ឋលេខាធិការក្រសួងទេសចរណ៍ លោក គោស៊ុំ សារឿត នឹងត្រូវតែងតាំងជាអភិបាលខេត្តបន្ទាយ មានជ័យ ជំនួស លោក ទ្រី ណារិន ដែលបានទទួលមរណភាពកាលពីកន្លងទៅ។
អ្នកនាំពាក្យក្រសួងមហាផ្ទៃ លោក ខៀវ សុភ័គ ប្រាប់VODថា ពិធីបំពាក់តំណែងអភិបាលខេត្តនេះ នឹងត្រូវធ្វើឡើងនៅថ្ងៃទី២៣ ខែវិច្ឆិកា ក្រោមអធិបតីភាពរបស់ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាតំណាងរាស្ត្រខេត្តបន្ទាយមានជ័យ លោក កែ គឹមយ៉ាន។លោកបញ្ជាក់ថា លោក គោស៊ុំ សារឿត ជារដ្ឋលេខាធិការក្រសួងទេសចរណ៍ សម្រាប់នីតិកាលទី៥នេះ។
កន្លងទៅ លោក គោស៊ុំ សារឿត បានចូលរួមចំណែកជាមួយលោក កែ គឹមយ៉ាន ក្នុងការជួយកសាងសមិទ្ធិផលនានាក្នុងខេត្តបន្ទាយមានជ័យ។
កាលពីថ្ងៃទី១៣ខែវិច្ឆិកា អតីតអភិបាលខេត្តបន្ទាយមានជ័យ លោក ទ្រី ណារិន បានស្លាប់ ដោយសារជួបគ្រោះថ្នាក់ចរាចរណ៍ ដែលកើតឡើងនៅលើកំណាត់ផ្លូវជាតិលេខ៥ ក្នុងស្រុកមោងឬស្សី ខេត្តបាត់ដំបង៕
No comments:
Post a Comment
yes