បដិវត្តន៍ក្នុងពិភពអារ៉ាប ក៏ប៉ះពាល់ដល់ផលប្រយោជន៍រុស្ស៊ី
ដូចប្រទេសឯទៀតដែរ រុស្ស៊ីក៏បង្ខំចិត្ត ធ្វើអន្តរាគមន៍យ៉ាងលឿន ដោយ បាន បញ្ជូនយន្ត ហោះខ្លួន ដល់ទៅ៤គ្រឿង ទៅដឹកពលរដ្ឋខ្លួនចេញពីប្រទេស Libye ជាទីដែលកំពុង បោកកញ្ជ្រោក ដោយព្រឹត្តិការណ៍បដិវត្ត។ គឺព្រឹកមិញតែម្តង ដែលយន្តហោះធុនធ្ងន់ IL-76 មួយគ្រឿងដំបូង ផ្ទុកទៅដោយអ្នកដែលត្រូវជម្លៀសចេញចំនួន ១១៨នាក់ បានហោះចេញ ពី ទីក្រុង Tripoli មកដល់ Moscouទៅហើយ។ គិតជាសុប យន្តហោះទាំង៤គ្រឿងនោះ ត្រូវដឹក ចេញពី Libye គឺ ១.២៦៣នាក់ ពីក្នុងនោះ ជាតិរុស្ស៊ីសុទ្ធ ៥៦៣នាក់ និង ៧០០នាក់ទៀត ជាជាតិ Turquie និង Serbie ដែលធ្វើការតាមកុងត្រាចុះជាមួយ” ក្រុមហ៊ុនអាយស្ម័យយានរដ្ឋរុស្ស៊ី “ ខាងសង់ផ្លូវដែកប្រវែង ៥៥០គ.ម. ភ្ជាប់ក្រុង Syrte ទៅក្រុង Benghazi តម្លៃ២.២០០លាន ដុល្លារអាមេរិក។ ក្នុងការសាងសង់ផ្លូវដែកនេះ ជាតិរុស្ស៊ីសុទ្ធ មានតែ ២០៤នាក់ប៉ុណ្ណោះ។ ហើយ ជាតិរុស្ស៊ី ប្រមាណ ៣០០នាក់ទៀត ធ្វើការតាមកុងត្រាចុះជាមួយ ក្រុមហ៊ុនយក្សរុស្ស៊ី ខាងឧស្ម័ន GazProm ខាងជីកបូមឧស្ម័ននិងប្រេងកាតនៅ Libye។ ជាមួយ រដ្ឋាភិបាល លីប៊ីបច្ចុប្បន្ន រុស្ស៊ី បានចុះកុងត្រាសំរាប់លក់អាវុធទៅ ក្នុងតម្លៃ២.០០០ លានដុល្លារអាមេរិក។ គិតជាសរុប កុងត្រាដែលរុស្ស៊ីបានចុះជាមួយបណ្តាប្រទេសនៅ ប៉ែកខាងជើងទ្វីបអាហ្រ្វិក និងតំបន់ដើមបូព៌ា គឺមានតម្លៃដល់ ១២.០០០លានដុល្លារអាមេរិក ឬស្មើនឹង២៥% នៃរាល់តែកុងត្រាសម្រាប់រុស្ស៊ីលក់អាវុធខ្លួនទៅក្រៅប្រទេស ក្នុងប៉ុន្មានឆ្នាំចំពោះមុខ។ រលកបះបោរ បានផ្តួលទៅហើយ របបកាន់អំណាចនៅ Tunisie និង Egypte ចលាចលកំពុងបន្តទៅនៅ Libye Bahrain Yemen បាតុកម្មប្រឆាំងរដ្ឋាភិបាល បាន ប្រព្រឹត្តទៅ នៅ Algerie Jordanie Maroc។ ល។ ថ្លែងម្សិលមិញ ក្នុងអង្គប្រជុំ នៃ “ គណៈ កម្មា ធិការជាតិខាងប្រឆាំងភេរវនិយម “ លោកប្រធានាធិបតី Medvedev ដោយថ្កោលទោស ដល់រលកបដិវត្ត នៅតាមប្រទេសអារ៉ាប បាន ទស្សន៍ទាយថា ៖- រលកបដិវត្តនេះ អាច នាំ ឲ្យរដ្ឋអារ៉ាបខ្លះ បែកខ្ញែកទៅ លុះទាល់តែពួកជ្រុលនិយមអ៊ីស្លាមឡើងកាន់អំណាច ហេតុ ដែលមានន័យថា ភ្លើងអគ្គិភ័យនឹងឆាបឆេះ រាប់សិបឆ្នាំទៅមុខ ដើម្បីសាយភាយលទ្ធិជ្រុលនិយម មកដល់ដីប្រទេសរុស្ស៊ី។ Scenario បែបនេះ ធ្លាប់បានគ្រោងទុក ដោយ ពួក អ្នក នយោ បាយមួយចំនួន បែបយ៉ាង ព្រឺទ្ធសមាជិកអាមេរិកាំង លោក John McCain អតីតរាជ ទូត អង់ គ្លេស នៅរុស្ស៊ី លោក Tony Brenton ដែលព្យាករថា វិមានក្រេមឡាំង នឹងធ្លាក់ក្នុងវាសនាដូច ប្រទេស Egypte។ ប៉ុន្តែ លោក Medvedev បានអះអាងថា គាត់មិនបណ្តោយ ឲ្យរឿងបែបនេះ កើត ឡើងនៅប្រទេសរុស្ស៊ីសោះឡើយ៕ ពីវិទ្យុ បារាំង អន្តរជាតិ RFI
tags: រុស្ស៊ី
tags: រុស្ស៊ី
No comments:
Post a Comment
yes