នៅព្រឹកថ្ងៃព្រហស្បតិ៍ ទី៣ ខែវិច្ឆិកា ឆ្នាំ ២០១១ នេះតុលាការយោធាបានប្រកាសសាលក្រម ដើម្បីសម្រេចផ្ដន្ទាទោសឧត្ដមសេនីយ៍យោធា សាមិត្ត វីរៈ និង បក្ខពួកដែលពាក់ព័ន្ធទៅនឹងការជ្រើសរើសកងទ័ព ខុសច្បាប់ដើម្បីផ្ដួលរលំរដ្ឋាភិបាល ។
ក្នុងពេលប្រកាសសាលក្រមសម្រេចដោយអង្គចៅក្រមជំនុំជម្រះលោក នូ សាម៉ីឌី បានផ្ដន្ទាទោសជន ជាប់ចោទចំនួន៥ នាក់ ដែលមានឈ្មោះ សាមិត្ត វីរៈ អាយុ ៤៨ ឆ្នាំ ឲ្យជាប់ពន្ធនាគាររយៈពេល ៤ ឆ្នាំនិង ពិន័យជាប្រាក់ ៨ លានរៀល ទី ២ គឺ លោក ពើយ ប៉ែល អាយុ៦៤ ឆ្នាំជាយោធា ឲ្យជាប់ពន្ធនាគារ ៣ ឆ្នាំ ពិន័យប្រាក់ចំនួន ៦ លានរៀល និង ទី ៣ ឈ្មោះ ចៅ សុខុន មិនមានវត្តមានក្នុងសវនាការដោយសារមានជំងឺ ត្រូវជាប់ពន្ធនាគាររយៈពេល ២ ឆ្នាំ ពិន័យជាប្រាក់ ៤ លានរៀល និង ២ នាក់ទៀតដែលមានឈ្មោះ ជា តុល ភេទ ប្រុស អាយុ ៥០ ឆ្នាំជាយោធា និង ឈ្មោះអ៊ិម ឆាយ អាយុ ៥៣ ឆ្នាំ ជាកសិករ នៅស្រុកត្រាំកក់ ខេត្ត តាកែវ ត្រូវ ជាប់ពន្ធនាគាររយៈពេល ១ ឆ្នាំ តែត្រូវព្យួរទោស ។
ជនជាប់ចោទទាំង ៥ នាក់នោះ ត្រូវបានចោទប្រកាន់ពីបទលាក់អាវុធ និង ញុះញង់ឲ្យប្រជាពលរដ្ឋកាន់អាវុធដើម្បីប្រឆាំងផ្ដួលរលំរដ្ឋាភិបាល ត្រូវផ្ដន្ទាទោសយោងតាមមាត្រា ២០ នៃច្បាប់ស្ដីពីការគ្រប់គ្រងអាវុធជាតិ ផ្ទុះនិង គ្រាប់រំសេវ និង មាត្រា ៣៨០ តាមក្រមព្រហ្មទណ្ឌ ឆ្នាំ ២០១០ ។
សូមជម្រាបថា វត្ថុតាងដែលត្រូវបានតុលាការយោធាយកមកបង្ហាញ និង ទុកជាភស្តុតាងបន្ទាប់ពីចាប់ខ្លួនជនជាប់ចោទទាំង ៥ នាក់ កាលពីខែមករា ឆ្នាំ ២០១១ រួមមានដូចជា រថយន្តឡង់គ្រីស័រ ១ គ្រឿង អ៊ីស៊ុយស៊ុយ ១ គ្រឿង ពាក់ស្លាកលេខ ខ.ម. និង អាវុធ គ្រប់ប្រភេទមានចំនួន ៣២ ដើម គ្រាប់គ្រប់ប្រភេទចំនួន ៣.៣៣២ គ្រាប់ឯកសណ្ឋានយោធា ៤៨ សម្រាប់ ម៉ាស៊ីនរាប់លុយ ១ គ្រឿង មិនតែប៉ុណ្ណោះ មានរូបិយប័ណ្ណខុសប្រក្រតីជាច្រើនសន្លឹករួមទាំងឯកសារនិងសក្ដិផ្កាយ ៣.២.១. ជាច្រើនបន្ទះ ៕
ពីគេហទំព័រ៖ វរជនខ្មែរ
No comments:
Post a Comment
yes