រតនគីរី៖ ឈើប្រណិតប្រភេទធ្នង់ជាង៩០០សន្លឹកដែលក្រុមពួកឈ្មួញដឹកជញ្ជូនតាមទូកទន្លេសាសាន្ត យកមកលាក់ទុកនៅកោះកាំឃុំសេសាន្ត ស្រុកអូយ៉ាដាវ ត្រូវបានប្រជាពលរដ្ឋរាយការណ៍ឲ្យក្រុមអ្នកកាសែតចុះផ្សាយព័ត៌មាននេះ ប៉ុន្តែក្រុមអ្នកកាសែតបានរាយការណ៍មកអាជ្ញាធរខេត្តនៅថ្ងៃទី២៦ ខែសីហា ឆ្នាំ២០១២ ប៉ុន្តែអាជ្ញាធរមិនហ៊ានបង្ក្រាប បណ្ដាលឲ្យក្រុមឈ្មួញដឹកជញ្ជូនទៅលក់នៅប្រទេសវៀតណាមដោយសុវត្ថិភាព។ ឈើប្រណិតប្រភេទធ្នង់ដែលយកមកលាក់ទុកត្រូវបានគេបង្ហើបឲ្យដឹងថា មានក្រុមឈ្មួញដឹកតាមទូកក្នុងទន្លេសាសាន្ត និងតាមម៉ូតូចេញពីស្រុកអណ្ដូងមាស យកមកលាក់ទុកលក់បន្តឲ្យក្រុមឈ្មួញចាំទទួលទិញស្តុកនៅលើកោះគាំ ដើម្បីនាំចេញទៅលក់បន្តទៀតនៅប្រទេសវៀតណាមតាមដងទន្លេសេសាន្តដាក់ចូលទូកប្រភេទធំយកទៅលក់ដោយសេរី។
ប្រភពដដែលបានបន្តទៀតថា ទម្រាំបាននាំចេញទៅលក់នៅប្រទេសវៀតណាមត្រូវក្រុមឈ្មួញបង់លុយជូនសមត្ថកិច្ច ទាហាន និង ប៉េអិម ដែលប្រចាំការនៅតាមដងទន្លេដែលប្រចាំការក្នុងមួយស្ថាប័នត្រូវបង់លុយជូនចាប់ពី៥០ម៉ឺនរៀលទៅ១លានរៀលទើបអាចចេញយកទៅលក់បាន។
គួរបញ្ជាក់ផងដែរថា នៅចំណុចដែលក្រុមឈ្មួញដឹកជញ្ជូនគឺនៅឆ្ងាយហើយការធ្វើដំណើរនោះទៀតពិបាកព្រោះផ្លូវព្រៃឆ្ងាយងាយស្រួល និងបិទបាំងពីភ្នែកមហាជនរយៈពេល៤ទៅ៥ឆ្នាំទៅហើយដែល មិនមានជំនាញរដ្ឋបាលព្រៃឈើណាបង្ក្រាបឡើយ។
ប្រភពពីប្រជាពលរដ្ឋបានឲ្យដឹងថា នៅរសៀលថ្ងៃទី២៧ ខែសីហា ឆ្នាំ២០១២ពួកគាត់បានជិះម៉ូតូ នៅតំបន់ខាងលើដោយមានសេចក្ដីរាយការណ៍សម្ងាត់មកថាឈើប្រណិតប្រភេទធ្នង់រាប់រយសន្លឹកក៏បានរាយការណ៍ជូនឯកឧត្ដមអភិបាលខេត្ត ប៉ាវ ហមផាន តាមរយៈទូរស័ព្ទរួចលោកអភិបាលបានបញ្ជាកម្លាំងជំនាញចុះទៅបង្ក្រាប ប៉ុន្តែនៅពេលនោះក៏បានឃើញកម្លាំងទាហានប៉ូលិស និងកម្លាំងជំនាញរដ្ឋបាលព្រៃឈើចុះទៅមាត់ទន្លេមុខប៉ុស្តិ៍រដ្ឋបាលឃុំសេសាន្ត ស្រុកអូយ៉ាដាវ ហើយក៏មានអមដំណើរដោយក្រុមអ្នកកាសែតយកទូកមកចំលង នៅពេលកម្លាំងជំនាញបានទៅដល់និយាយថាពួកគាត់មិនហ៊ានបង្ក្រាបឡើយ ព្រោះទឹកទន្លេឡើងខ្ពស់ព្រួយបារម្ភពីសុវត្ថិភាពក៏ត្រឡប់មកស្រុកអូយ៉ាដាវកាន់កន្លែងរៀងខ្លួនៗវិញ។ ហើយក្រុមអ្នកកាសែតក៏ បានថតរូបឈើជាច្រើនសន្លឹកក៏ត្រលប់មកវិញហើយក្រុមឈ្មួញមានឱកាសបានជម្លៀសចេញយកទៅលក់នៅប្រទេសវៀតណាមដោយសុវត្ថិភាព៕
No comments:
Post a Comment
yes