គណបក្សប្រជាជនកំពុងតែកាន់ អំណាចសព្វថ្ងៃមិនបានអនុវត្ដន៍ការ ដឹកនាំប្រទេសតាមបែបប្រជាធិប តេយ្យឡើយបើទោះបីជាប្រទេសកម្ពុជាប្រកាន់យករបបប្រជាធិប តេយ្យសេរីពហុបក្សយ៉ាងណាក៏ ដោយនោះ ។ អ្នកកាន់អំណាច សព្វថ្ងៃបានបំភ្លៃការពិតសឱ្យទៅ ជាខ្មៅខ្មៅមកជាសក្នុងន័យបំបែកបំបាក់ដើម្បីពង្រឹងអំណាចរបស់ខ្លួនដែលទាំងនេះគឺជាកលល្បិច របស់យួនហាណូយហើយចំហាយនេះបានតោងជាប់ទៅនឹងផ្នត់គំនិត របស់មេដឹកនាំប្រទេសកម្ពុជាសព្វ ថ្ងៃដែលមិនអាចលាងជម្រះបាន ឡើយ បើទោះបីជាគណបក្ស ប្រឆាំងសង្គមស៊ីវិលខំប្រឹងស្រែក យ៉ាងណាក៏ដោយ ។ ជាពិសេស រឹតតែអាម៉ាស់ទៀតនៅក្នុងជំនួបជា មួយលោក អូបាម៉ា លោក ហ៊ុន សែន ក៏បានលើកឡើងថា នៅក្នុង ប្រទេសកម្ពុជាមានការគោរពសិទ្ធិ មនុស្ស និងលទ្ធិប្រជាធិបតេយ្យ បានយ៉ាងខ្ជាប់ខ្ជួនដូចជាប្រទេស ជិតខាងកម្ពុជា ។
ចំពោះការលើកឡើងរបស់ លោក ហ៊ុន សែន ខាងលើនេះគេ មិនដឹងថា លោក ហ៊ុន សែន ចង់ ប្រៀបធៀបប្រទេសកម្ពុជាទៅនឹងប្រទេសណាមួយនោះទេ? តើចង់ ប្រៀបធៀបទៅនឹងប្រទេសយួន ឬមួយប្រទេសឡាវ ឬក៏ប្រទេស ចិន ? ត្រង់ចំណុចនេះលោក ហ៊ុន សែនត្រូវទទួលរងការរិះគន់យ៉ាងចាស់ដៃពីគ្រប់មជ្ឈដ្ឋានដោយមិន ព្រមទទួលយកសារធាតុពិតរបស់ខ្លួនហើយធ្វើការកែប្រែដើម្បីជា ប្រយោជន៍ជាតិនិងពលរដ្ឋនោះ ។
សរុបសេចក្ដីមកគេអាចធ្វើការវិនិច្ឆ័យបានថាប្រទេសកម្ពុជាបើ ទោះបីជាបានទទួលឯករាជ្យហើយ ក៏ដោយក៏ដូចជាការព្រមទទួល យកនូវសន្ធិសញ្ញាសន្ដិភាពទីក្រុង ប៉ារីសថ្ងៃទី២៣ ខែតុលាឆ្នាំ១៩៩៣ ហើយក៏ដោយក៏ប៉ុន្ដែប្រទេសមួយ នេះនៅតែគ្មានការគោរពសិទ្ធិ មនុស្សដដែលរីឯបូរណភាពទឹកដី ក៏នៅតែត្រូវបានប្រទេសជិតខាង រំលោភយកជានិច្ចគ្មានការគោរពអធិបតេយ្យភាពជាតិខ្មែរឡើយ ។ អ្វីទាំងអស់នេះគឺបណ្ដាលមកពីអ្នក ដឹកនាំប្រទេសអសមត្ថភាពក្នុងការការពារបូរណភាពទឹកដីនិងគ្មាន ឧត្ដមគតិជាតិក្នុងការគោរពសិទ្ធិ មនុស្សនិងលទ្ធិប្រជាធិបតេយ្យ ។
លោក កឹម សុខា អនុប្រធាន គណបក្សសង្គ្រោះជាតិលោកបានមានប្រសាសន៍ឱ្យដឹងថាបញ្ហាលទ្ធិប្រជាធិបតេយ្យនៅកម្ពុជាគឺយើង មានកិច្ចព្រមព្រៀងទីក្រុងប៉ារីស ដើម្បីបញ្ចប់សង្គ្រាមមានការបោះឆ្នោតនៅឆ្នាំ១៩៩៣ យើងសង្ឃឹម ថា ប្រទេសជាតិរបស់យើងនឹង មានលទ្ធិប្រជាធិបតេយ្យពិតប្រាកដ ប៉ុន្ដែពីមួយអាណត្ដិទៅមួយអា ណត្ដិប្រទេសយើងនៅតែកុម្មុយ និស្ដដដែល ។
ជាមួយគ្នានោះលោក កឹម សុខា ក៏បានលើកឡើងថា មូល ហេតុដែលប្រទេសរបស់យើងនៅ តែកុម្មុយនិស្ដដដែលនេះមកពីគណ បក្សប្រជាជននៅតែកាន់អំណាច ដែលគណបក្សប្រជាជន គឺជាគណ បក្សដែលត្រូវបានយួនជាអ្នកបង្កើត ឡើង ។ លោក កឹម សុខា បន្ដ ថា នេះមិនមែនលោកជាអ្នកថា ដោយផ្ទាល់នោះឡើយគឺគណបក្ស ប្រជាជនបានស្ដែងចេញនិងបង្ហាញ ឱ្យយើងឃើញគ្រប់គ្នាហើយគណបក្សប្រជាជនដែលកើតដោយមានយួនជាឆ្មបនេះ គឺកើតនៅថ្ងៃទី ២៨ ខែមិថុនា ឆ្នាំ១៩៥១ ។ ជា មួយគ្នានោះអ្នកដែលបង្កើតខ្មែរ ឱ្យសម្លាប់ខ្មែរគ្នាឯងក៏ជាយួននេះ ហើយគឺនយោបាយរបស់យួនបំបែក បំបាក់ដើម្បីដណ្ដើមយកនិងពង្រឹង អំណាចដែលកេរតំណែលទាំងនេះ គឺនៅជាប់ជារហូតក្នុងជួរគណបក្ស ប្រជាជនកម្ពុជា ដែលគេមិនអាច បំភ្លេចបានឡើយ ។
លោក កឹម សុខា មានប្រសាសន៍ បន្ដទៀតថាសូមបងប្អូនជនរួមជាតិ ទាំងអស់យល់ថាខ្មែរក្រហមដែលសម្លាប់ខ្មែរយើងអស់ជាងបីលាននាក់គឺខ្មែរក្រហមតែមួយដែលយួនជាអ្នកបង្កើតនោះឯង ។ លោក ថា នៅពេលដែលយួនបានខ្ចីដៃ ខ្មែរសម្លាប់ខ្មែរគ្នាឯងជិតអស់ហើយ គេប្រើល្បិចថ្មីមួយទៀតគឺប្រើខ្មែរ ក្រហមមួយក្រុមទៀតដែលគេបានបង្កើតដែរនោះឱ្យទៅផ្ដួលរលំខ្មែរដែលកំពុងតែគ្រប់គ្រងប្រទេស ដោយគេប្រើល្បិចឱ្យខ្មែរក្រហម ដែលដើរតួជាអ្នករំដោះនោះឱ្យទៅ ពឹងគេដើម្បីគេចូលមករំដោះប្រជា ពលរដ្ឋខ្មែរដែលកំពុងតែរងគ្រោះ ដើម្បីផលប្រយោជន៍របស់គេទៅ ថ្ងៃខាងមុខដូចអ្វីដែលគេកំពុងតែ ធ្វើសព្វថ្ងៃគឺគេមានសិទ្ធិអំណាច យ៉ាងពេញទីមកលើអ្នកកាន់អំណាច សព្វថ្ងៃដែលជាកូនអុករបស់គេគឺគេចង់ធ្វើអ្វីឬចង់បានអ្វីដែលជារបស់ ខ្មែរគេអាចបានទាំងអស់ ។
អនុប្រធានគណបក្សសង្គ្រោះ ជាតិបានបន្ដទៀតថា បងប្អូន ឃើញទេរបបកុម្មុយនិស្ដនិងការដឹក នាំផ្ដាច់ការទាំងនេះគឺកំពុងតែវាយ លុកយ៉ាងខ្លាំងនៅក្នុងសង្គមកម្ពុជា របស់យើងដូចសម័យខ្មែរក្រហម ដែរក្នុងនោះរួមមានការរំលោភ សិទ្ធិមនុស្សការជម្លៀសប្រជាពល រដ្ឋចេញពីដីធ្លីផ្ទះសម្បែងជាដើម រួមជាមួយបញ្ហាជាច្រើនទៀត ។ លោក កឹម សុខា ថ្លែងបន្ដទៀត ថា ក្នុងនោះល្បិចកលរបស់យួន ដែលសាហាវជាងនេះទៅទៀតគឺ ការធ្វើឱ្យខ្មែរមិនទុកចិត្ដគ្នាបំបែកបំបាក់ខ្មែរដើម្បីត្រួតត្រា ។ ដូច បងប្អូនឃើញហើយតាំងពីឆ្នាំ ១៩៩៣ មកគឺគេព្យាយាមបំបែក ខ្មែររហូតឱ្យតែខ្មែរណាលូតបន្ដិច គេបំបែកលូតបន្ដិចគេកម្ទេច គឺ កម្ទេចខ្មែរគ្នាឯងទុកបើកដៃឱ្យ យួនចូលទាំងនេះគឺជាល្បិចកល របស់ពួកកុម្មុយនិស្ដពួកផ្ដាច់ការ ពួកពុករលួយ ។
ជាមួយគ្នានោះលោក កឹម សុខា ក៏បានធ្វើការបង្ហាញអំពី ការដឹកនាំរបស់ប្រទេសផ្ដាច់ការ មួយចំនួនដែលនៅជិតខាងយើង លោកថា យួន និងចិន ប្រទេស ទាំងពីរនេះគេផ្ដាច់ការកុម្មុយិីស្ដ មែនតែគេមានការផ្លាស់ប្ដូរអ្នកដឹកនាំប្រទេសរបស់គេដើម្បីរកការរីកចំរើនខុសតែខ្មែរយើងទេមេដឹក នាំក៏មិនខ្ចីដូរហើយបក្សក៏មិនខ្ចីដូរ ដែរនេះមិនមែនកុម្មុយនិស្ដធម្មតា ទេគឺតាកុម្មុយនីសតែម្ដង ។ លោក កឹម សុខា មានប្រសាសន៍ ទៀតថាពួកផ្ដាច់ការគេបានបំផ្លិចបំផ្លាញប្រទេសជាតិជាយូរមក ហើយហើយឥឡូវយើងមិនអាច ចាកផុតពីកុម្មុយនិស្ដនេះហើយគឺ ជាគ្រោះថ្នាក់យ៉ាងធំសម្រាប់ ប្រទេសកម្ពុជានិងពលរដ្ឋខ្មែរ ។ ហេតុដូចនេះហើយយើងអ្នកប្រជា ធិបតេយ្យជាអ្នកស្នេហាជាតិ មើលឃើញនូវបញ្ហាញគ្រោះថ្នាក់ទាំងអស់នេះបានជាយើងរួមគ្នា ជាកម្លាំងតែមួយដើម្បីតទល់ ជាមួយគណបក្សប្រជាជនកាន់ អំណាចសព្វថ្ងៃនៅឆ្នាំ២០១៣ ខាងមុខដែលយើងជាអ្នកប្រជាធិប តេយ្យយើងមានគណបក្សសង្គ្រោះ ជាតិជាតំណាង ៕
No comments:
Post a Comment
yes