ចលនាប្រជាធិបតេយ្យសង្គ្រោះជាតិស្រុកពួកខេត្តសៀមរាបប្រជុំបូកសរុបការងារប្រចាំខែនិង ដាក់ផែនការណ៏សម្រាប់ខែថ្មី

ជាថ្មីម្តងទៀតក្រុមការងារចលនាប្រជាធិបតេយ្យសង្គ្រោះជាតិ ស្រុកពួក ខេត្តសៀមរាប កាល​ពីថ្ងៃទី២៨ ខែកុម្ភៈ ឆ្នាំ២០១៣ បានជួបប្រជុំគ្នាដើម្បីបូកសរុបលទ្ធផលការងារប្រចាំខែ និងបាន សម្រេចដាក់ផែនការណ៏ថ្មី ក្នុងការចុះជួបជាមួយប្រជាពលរដ្ឋដើម្បីផ្សព្វផ្សាយគោលនយោ​បាយ និងស្លាកសញ្ញាគណបក្ស សង្គ្រោះជាតិ ឲ្យពលរដ្ឋបានដឹង និងស្គាល់ ដែលកម្មវិធីបាន​ប្រារព្វធ្វើឡើងនៅទីស្នាក់ការកណ្តាលគណបក្ស សង្គ្រោះជាតិស្រុក ។

សូមជំរាបជូនថា ជាលទ្ធផលក្រុមការងារចលនាប្រជាធិបតេយ្យសង្គ្រោះជាតិស្រុកពួក បាន សម្រេចសម្លេងតែមួយក្នុងការបន្តលើស្លាក និងជួសជុលស្លាកថ្មីរបស់គណបក្ស​នៅតាមផ្លូវ​ជាតិ តាមឃុំ និងតាមភូមិឲ្យហើយមុនការបោះឆ្នោតចូលមកដល់ ។ 

ព្រមជាមួយគ្នានោះអង្គ ​ប្រជុំ ក៏បានសម្រេចក្នុងការរៀបចំកម្មវិធីជួបជាមួយ ប្រជាពលរដ្ឋសម្រាប់ថ្នាក់ដឹកនាំចលនា ប្រជាធិបតេយ្យសង្គ្រោះជាតិថ្នាក់ជាតិផងដែរ ក៏ដូចជាកម្មវិធីជួបពល​រដ្ឋរបស់ក្រុមការងារចល នាប្រជាធិបតេយ្យសង្គ្រោះជាតិស្រុកពួក ឃុំ ហើយនិងភូមិ ។

ជាមួយគ្នានេះ បើយោងតាមការសិក្សាបានបង្ហាញឲ្យឃើញថា ចលនាប្រជាធិបតេយ្យ​សង្គ្រោះ​ជាតិ ក្នុងមួយរយៈពេលចុងក្រោយនេះទទួលបាន ការគាំទ្រពីសំណាក់ប្រជា​ពល​រដ្ឋ​យ៉ាងខ្លាំងនៅទូទាំង២៤ខេត្ត និងរាជធានី ដែលការគាំទ្រ​របស់ពលរដ្ឋមកលើគណបក្ស សង្គ្រោះ​ជាតិបែបនេះ បញ្ជាក់ឲ្យឃើញកាន់តែច្បាស់លើអ្វី​ដែលថ្នាក់ដឹកនាំគណបក្ស សង្គ្រោះ​ជាតិ រំពឹងទុកទៅទៀត គឺមានន័យថាសម្រាប់ការបោះឆ្នោតនៅក្នុងអាណត្តិទី៥នេះ គណបក្ស សង្គ្រោះជាតិ និងទទួលបានជ័យជំនះលើការបោះឆ្នោតយ៉ាងពិតប្រាកដ ៕