ត្រីចំលែកមានធ្មេញដូចមនុស្ស

បុរសជាអ្នកនេសាទជនជាតិអាមេរិកម្នាក់​ឈ្មោះ Angler Frank Yarborough អាយុ៤០ឆ្នាំ មានការ​ភ្ញាក់ផ្អើលយ៉ាងខ្លាំងក្រោយ​ពីប្រទះ​ឃើញសត្វត្រីដ៏ចំលែកមួយក្បាលមានធ្មេញដូចមនុស្ស។ ត្រីចំលែកនោះគាត់ចាប់បាននៅពេលយប់នៅឯបឹង Wylie នៅភាគខាងត្បូង​រដ្ឋ Carolina សហរដ្ឋអាមេរិក ហើយត្រីនេះមានប្រវែង៥០ស.ម និងមានទំងន់ប្រហែល២.៣គ.ក។

ក្រោយពីធ្វើការពិនិត្យយ៉ាងល្អិត​ល្អន់​រួច​មក លោក Robert Stroud ជាជីវវិទូនៅនាយកដ្ឋានធនធានធម្មជាតិរបស់រដ្ឋ Carolina បានអោយដឹងថា ត្រីនេះគឺវា​ស្រដៀង​គ្នា​ទៅ​នឹង​ប្រភេទត្រីនៅតំបន់ Pacu ដែលត្រីនេះមានឈ្មោះថា Colossama Macroponum មកពីតំបន់ Amazon Basin ភាគ​ខាង​ត្បូង​សហរដ្ឋ​អាមេរិក។