លោកអូចាន់ឬទ្ធិចុះជួបពលរដ្ឋនៅខេត្តបាត់ដំបង
គណបក្ស សង្គ្រោះជាតិ ដែលជាគណបក្សកើតឡើងដោយប្រជាពលរដ្ឋខ្មែរអ្នកស្នេហាជាតិ
នាពេលនេះ បាននិងកំពុងតែមានការគាំទ្រពីសំណាក់ប្រជាពលរដ្ឋមានចំនួនកាន់តែច្រើនឡើងៗ
បើទោះបីជាតំបន់មួយចំនួន នាពេលកន្លងមកធ្លាប់គ្រប់គ្រងដោយគណបក្សប្រជាជនទាំងស្រុកក៏
ដោយ តែសម្រាប់អាណត្តិនេះ ពលរដ្ឋពួកគាត់បានដឹង និងជ្រាបច្បាស់អស់ហើយ ពីគំនិតនិង
ទុច្ចរិតមិនល្អរបស់គណបក្សប្រជាជន ដែលបោកប្រាស់ពួកគាត់នាពេលកន្លងមក ដើម្បីតែអំណាចរបស់ពួកគេនោះ
។ ដែលសន្ទុះគាំទ្ររបស់ពលរដ្ឋមកលើគណបក្ស សង្គ្រោះជាតិ កាន់តែ ខ្លាំងបែបនេះ
បានធ្វើឲ្យគណបក្សប្រជាជនកាន់អំណាចសព្វថ្ងៃ ខ្លាចពីការចាញ់ឆ្នោតរបស់ខ្លួនជាខ្លាំង
ដោយពួកគេបានដើរទិញទឹកចិត្តពលរដ្ឋ គំរាមកំហែងពលរដ្ឋ មិនឲ្យចូលរួមជាមួយ គណបក្ស
សង្គ្រោះជាតិ ក៏ដូចជាការបង្ករការរំខានដល់ការលើកស្លាក និងការធ្វើកម្មវិធីសំណេះ
សំណាលរបស់ថា្នក់ដឹកនាំគណបក្ស សង្គ្រោះជាតិ ជាដើម ។
សម្រាប់អ្នកតាមដានស្ថានការណ៏នយោបាយនៅក្នុងប្រទេសកម្ពុជាបានលើកឡើងថា បើទោះបី
ជាគណបក្ស សង្គ្រោះជាតិ ទទួលរងនូវការតាមរំខាន និងការបង្ករបញ្ហាលំបាកយាយីឥតឈប់ឈរ
ទិញដូរ សំឡុត គំរាមកំហែងប្រជាពលរដ្ឋ ក៏ដូចជាសកម្មជនរបស់គណបក្ស សង្គ្រោះជាតិ ពីសំណាក់គណបក្សប្រជាជនយ៉ាងណាក៏ដោយ
ក៏សន្ទុះគាំទ្ររបស់ពលរដ្ឋគាំទ្រមកលើគណបក្ស សង្គ្រោះជាតិ គឺមិនចុះថយនោះទេ
ដែលទាំងនេះបង្ហាញឲ្យឃើញថា គណបក្ស សង្គ្រោះជាតិ និងទទួលបានជោគជ័យសម្រាប់ការបោះឆ្នោតជាតិអាណត្តិទី៥
នៅថ្ងៃទី២៨ ខែកក្កដា ឆ្នាំ២០១៣ រួមផ្សំជាមួយនិងគណបក្ស សង្គ្រោះជាតិ
ដែលបានដាក់ចេញនូវគោលនយោបាយរបស់គណបក្សដែលល្អៗ សុតតែផ្តល់ផលប្រយោជន៏ដល់ជាតិ
និងប្រជាពលរដ្ឋផងដែរនោះ ។
ជាមួយគ្នានេះ បើទោះបីជាការគាំទ្ររបស់ពលរដ្ឋមកលើគណបក្ស សង្គ្រោះជាតិ
មានចំនួនកាន់ តែច្រើ់នឡើងជារៀងរាល់ថ្ងៃបែបណាក៏ដោយ ក៏ថ្នាក់ដឹកនាំគណបក្ស
សង្គ្រោះជាតិ នៅតែបន្តតំ ណើរចុះជួបពលរដ្ឋនៅតាមមូលដ្ឋាននានាដដែល ដើម្បីធ្វើការផ្សព្វផ្សាយនូវសារនយោបាយ
របស់គណបក្ស សង្គ្រោះជាតិ ឲ្យពួកគាត់បានជ្រាបបន្ថែមទៀត ។
ជាក់ស្តែងនៅថ្ងៃទី២២ ខែមេសា ឆ្នាំ២០១៣ លោក អេង ឆៃអ៊ាង
ដែលជាអនុប្រធានគណៈកម្មាធិ ការប្រតិបត្តិគណបក្ស សង្គ្រោះជាតិ
បានចុះជួបពលរដ្ឋនៅតំបន់ក្តៅ ការរំលោភបូរណៈភាពទឹក ដីពីសំណាក់យួន ដែលកម្មវិធីជូបសំណេះសំណាលជាមួយពលរដ្ឋ
ក៏ដូចជាការផ្សព្វផ្សាយសារ នយោបាយគណបក្ស សង្គ្រោះជាតិ ដល់ប្រជាពលរដ្ឋរបស់លោក អេង
ឆៃអ៊ាង ពេលព្រឹកបានប្រារព្វធ្វើនៅភូមិកោះក្បានខាងជើង ឃុំសំរោង ស្រុកចន្ទ្រា
នៅនិងផ្ទះរបស់អ្នកស្រី មាស ស្រី ដែលជាពលរដ្ឋធ្លាប់រងគ្រោះដោយសារការរំលោភដីស្រែរបស់គាត់ពីសំណាក់យួន
ក្នុងការបោះតំរុងបង្គោលព្រំដែនឈ្លានពាន ។ ជាមួយគ្នានោះពេលរសៀលលោក អេង ឆៃអ៊ាង
ដែលអមតំណើរដោយលោក រៀល ខេមរិន្ទ្រ ប្រធានក្រុមការងារគណបក្ស សង្គ្រោះជាតិ
ខេត្តស្វាយរៀង លោក លឹម គឹមយ៉ាង អនុប្រធានក្រុមការងារខេត្ត ក៏ដូចជាក្រុមការងារខេត្ត
និងស្រុក មួយចំនួនផ្សេងទៀត បានចុះជួបពលរដ្ឋនៅភូមិបឹងកែក ឃុំឃ្មា ស្រុករំដួល ។
ចំណែកលោក អូ ចាន់ឬទ្ធិ អគ្គនាយករងទំនាក់ទំនងសាធារណៈ អមតំណើរដោយក្រុមការងារ
ខេត្ត និងស្រុក នៅថ្ងៃទី២២ ខែមេសា ឆ្នាំ២០១៣ បានចុះជួបពលរដ្ឋពេលព្រឹកនៅភូមិហោសួង
ឃុំព្រែកលួង ស្រុកឯកភ្នំ ។ ពេលរសៀលលោក អូ ចាន់ឬទ្ធិ និងក្រុមការងារបានបន្តរចុះជួបពល
រដ្ឋនៅភូមិអូរខ្ជាយ ឃុំអូរដំបង១ ស្រុកសង្កែ ។ ព្រមជាមួយគ្នានោះកាលពីថ្ងៃទី២១
ខែមេសា ឆ្នាំ ២០១៣ ក្រុមការងារគណបក្ស សង្គ្រោះជាតិ ខេត្តបាត់ដំបង
ក៏បានចុះទៅជួបអ្នកស្មគ្រ័ចិត្តការពារសន្លឹកឆ្នោតនៅភូមិតាសាញ ឃុំតាសាញ ស្រុកសំឡូត
ដែលជាសមរភូមិក្តៅរបស់ខ្មែរក្រហម និងក្រាញ់ននៀលជាមួយគណបក្សប្រជាជនតែមួយគត់នាពេលកន្លងមក
តែពេលនេះពួកគាត់ បានងាកមកគាំទ្រគណបក្ស សង្គ្រោះជាតិ វិញម្តង
និងបេជ្ញាយ៉ាងអង់អាចថា សម្រាប់ការបោះ ឆ្នោតនៅថ្ងៃទី២៨ ខែកក្កដា ឆ្នាំ២០១៣
ពួកគាត់និងបោះឆ្នោតជូនគណបក្ស សង្គ្រោះជាតិ គ្រប់ៗគ្នា ដើម្បីឲ្យគណបក្ស
សង្គ្រោះជាតិ ដែលជាគណបក្សអ្នកប្រជាធិបតេយ្យ បានឡើងដឹកនាំប្រទេសជាតិវិញម្តង ។
ដោយឡែកនៅថ្ងៃទី២២ ខែមេសា ឆ្នាំ២០១៣ នៅឯខេត្តសៀមរាបឯណោះ លោកស្រី កែ សុវណ្ណ រតន៏
សមាជិកគណៈកម្មាធិការអចិន្ត្រៃគណបក្ស សង្គ្រោះជាតិ
បានចុះទៅលើកស្លាកថ្មីរបស់គណបក្ស សង្គ្រោះជាតិ នៅក្នុងក្រុងសៀមរាបចំនួន៤ស្លាក ដែលស្ថិតនៅសង្កាត់សំបួរ
សង្កាត់ ស្រង៉ែ សង្កាត់អំពិល និងសង្កាត់ សាលាកំរើក ។ ព្រមជាមួយគ្នានោះនៅថ្ងៃទី២៤
ខែមេសា ឆ្នាំ២០១៣ លោក សុខ គឹមសេង ក្រុមការងារគណបក្ស សង្គ្រោះជាតិ ខេត្តសៀមរាប ក៏បានចុះបណ្តុះបណ្តាលដល់ក្រុមអ្នកបញ្ជូនសារចំនួន៥០នាក់នៅទូទាំងស្រុងបន្ទាយស្រីផងដែរ
ដែលក្នុងនោះក្រុមអ្នកបញ្ជូនសារដែលមកចូលរួមការបណ្តុះបណ្តាលរួមមាន
ស្រុកប្រឹក្សាស្រុកជាប់ឆ្នោត ក្រុមប្រឹក្សាឃុំជាប់ឆ្នោត ប្រតិបត្តិស្រុក
ហើយនិងឃុំរបស់គណបក្ស សង្គ្រោះជាតិ ។ ដោយឡែកនៅពេលរសៀល លោក សុខ គឹមសេង រួមជាមួយនិង
ក្រុមអ្នកបញ្ជួនសារទាំង៥០នាក់ ចុះអនុវត្តផ្ទាល់ដោយក្នុងការចែកខិតប័ណ្ណគណបក្ស
សង្គ្រោះជាតិ ដែលមានគោលនយោបាយអទិភាពចំនួន៧ចំណុចរបស់គណបក្ស សង្គ្រោះជាតិ ដល់ពលរដ្ឋចំនួន៥ភូមិ
ស្ថិតនៅក្នុងឃុំខ្នាសណ្តាយ ស្រុកបន្ទាយស្រី ខេត្តសៀមរាបផ្ទាល់តែម្តង ៕
No comments:
Post a Comment
yes