ពលរដ្ឋខ្មែររស់នៅរដ្ឋម៉ាស្សាជូសេត្តសហរដ្ឋអាមេរិកធ្វើបុណ្យផ្កាសាមគ្គីប្រមូលថវិការជួយដល់គណបក្សសង្គ្រោះជាតិ

មិនថាប្រជាពលរដ្ឋខ្មែររស់នៅក្នុងស្រុក និងក្រៅស្រុកនោះទេ ពួកគាត់មានការផុសផុលយ៉ាង ខ្លាំង ចង់ឲ្យមានការផ្លាស់ប្តូរនៅកម្ពុជា ដើម្បីឲ្យមេដឹកនាំថ្មីដែលស្អាតស្អំ ដឹកនាំនាវាកម្ពុជា​ឆ្ពស់ទៅ​រក​ការរីក​ចំរើន និងការគោរពសិទ្ធិពលរដ្ឋជាដើម ។

ជាមួយគ្នានោះផងដែរ នៅបន្ទាប់ពីគណបក្សសង្គ្រោះជាតិ បានបង្កើតឡើងគឺបានធ្វើ ឲ្យទឹកចិត្តពលរដ្ឋមានការផុសផុល និងពុះកញ្ជូលយ៉ាងខ្លាំង ដែលមិនធ្លាប់មានទេតាំងតែពីរ មុន​មក ។ ជាមួយគ្នានោះ ពួកគាត់មិនត្រឹមតែចូលរួមគាំទ្រគណបក្សសង្គ្រោះជាតិ ទាំងកម្លាំង​កាយ និងកម្លាំងចិត្តប៉ុណ្ណោះទេ គឺបានចូលរួមទាំងថវិការថែមទៀត ដើម្បីឲ្យគណបក្សសង្គ្រោះ ជាតិ មានដំណើរការទៅមុខដោយរលូនក្នុងការឆ្ពស់ទៅដឹកនាំរដ្ឋាភិបាល ។

ក្នុងនោះផងដែរនៅថ្ងៃទី២០ កញ្ញាខាងមុខនេះ ប្រជាពលរដ្ឋខ្មែររស់នៅក្រុងឡូវែល៏ រដ្ឋម៉ា ស្សាជូសេត្ត សហរដ្ឋអាមេរិក បានមូលមតិគ្នាធ្វើពិធីបុណ្យផ្កាសាមគ្គី ដើម្បីប្រមូលថវិការជួយ ដល់គណបក្សសង្គ្រោះជាតិ ដែលនេះជាសកម្មភាពថ្មីមួយទៀតហើយ បន្ទាប់ពីពលរដ្ឋខ្មែរ​រស់​នៅប្រទេសនានាឯនាយសមុទ្រ បានធ្វើបុណ្យផ្កាសាមគ្គី​ ដើម្បីប្រមូលថវិការជួយដល់ គណ​បក្សសង្គ្រោះជាតិនោះ ។

ជាមួយគ្នានេះផងដែរ កាលពីថ្ងៃទី០៩ កញ្ញា អគ្គនាយកហិរញ្ញវត្ថុគណបក្សសង្គ្រោះជាតិ លោក គី វណ្ណដារ៉ា បានចេញសេចក្តីជូនដំណឹង ស្តីពីការទទួលជំនួយឧបត្ថមពីបងប្អូនប្រ​ជា​ពលរដ្ឋចាប់​ពីថ្ងៃទី១ កញ្ញា ដល់ថ្ងៃទី០៧ កញ្ញា នៅទីស្នាក់ការគណបក្ស និងនៅទីលាន​ប្រ​ជា​ធិបតេយ្យ ទទួលបានថវិការ សរុបចំនួន៦៨,២៦៧,៨០០រៀល ប្រាក់ដុល្លាសរុប​២៧,៥២១.៥សេន និងប្រាក់បាត២,២០០ បាត ទឹកសុទ្ធចំនួន៥,០០យួរ ។

គួរជំរាបជូនផងដែរថា មហាបាតុកម្មអហិង្សារបស់គណបក្សសង្គ្រោះជាតិ និងប្រារព្វធ្វើជា លើកទី២ មានទ្រង់ទ្រាយធំជាងមុនគឺចាប់ថ្ងៃទី១៥រហូតដល់ថ្ងៃទី១៧កញ្ញា ដូច្នេះសូម​បងប្អូន​ប្រជាពលរដ្ឋអ្នកស្នេហាជាតិ ស្រលាញ់ប្រជាធិបតេយ្យ និងយុត្តិធម៌ទាំងអស់ សូមចូលរួម​មហាបាតុកម្មអហិង្សាជាមួយនិងគណបក្សសង្គ្រោះជាតិ ឲ្យបានច្រើនជាអតិបរមា ៕