ប្រទេសកម្ពុជាក្រោមរដ្ឋាភិបាលមិនគ្រប់ទឹករបស់គណបក្ស
ប្រជាជន កាន់តែមានភាពអសន្តិសុខខ្លាំងឡើងៗហើយ
ស្ថានទូតអាមេរិកប្រចាំទីក្រុងភ្នំពេញប្រកាសឲ្យពលរដ្ឋរបស់ខ្លួននៅទីក្រុងភ្នំពេញបង្កើនការប្រុងប្រយ័ត្នចំពោះសុវត្ថិភាពផ្ទាល់ខ្លួន។ សេចក្តីប្រកាសនេះត្រូវបានបង្ហោះតាមរយៈគេហទំព័រស្ថានទូតអាមេរិកប្រចាំទីក្រុងភ្នំពេញ។
ស្ថានទូតអាមេរិកប្រកាសថា ពលរដ្ឋអាមេរិកគ្រប់គ្នាត្រូវប្រុងប្រយ័ត្នចំពោះសន្តិសុខ និងសុវត្ថិភាពផ្ទាល់ខ្លួនជាពិសេសពេលដែលពួកគេធ្វើដំណើរពេលយប់ពីព្រោះសកម្មភាពឧក្រិដ្ឋនានាបានកើនឡើងនៅពេលយប់។ ស្ថានទូតអាមេរិកបានប្រាប់ជនជាតិរបស់ខ្លួនថា ឲ្យចៀសវាងដើរម្នាក់ឯង ឬជិះរ៉ឺម៉កទេសចរពេលយប់ និងចៀសវាងកាន់របស់របរសំខាន់នៅជាប់នឹងខ្លួន។ ក្នុងករណីដែលមានចោរប្លន់ ត្រូវប្រគល់របស់នោះឲ្យទៅក្រុមចោរដោយមិនចាំបាច់តតាំងឡើយ។
សេចក្តីប្រកាសព្រមានអំពីសន្តិសុខនេះបានធ្វើឡើងបន្ទាប់ពីមានជនជាតិអាមេរិកម្នាក់ និងជនជាតិជប៉ុនម្នាក់ត្រូវបានក្រុមចោរប្រដាប់អាវុធប្លន់និងបានញ់ឲ្យរបួសនៅម្តុំបឹងកក់ និងជិតផ្សាររាត្រីកាលពីពេលថ្មីៗនេះ៕
No comments:
Post a Comment
yes