ដើមចមនៃសំណុំរឿងនេះ គឺកើតឡើងដោយយោងតាមពាក្យបណ្តឹងរបស់ឈ្មោះ លន់ ភុន ភេទប្រុស ប្តឹងលោក ឃ្លាំង ហួត និងភរិយាឈ្មោះ អ៊ួង សុផល្លា ពីបទឆបោកប្រាក់ចំនួន ៣០ម៉ឺនដុល្លារ កាលពីឆ្នាំ២០០៦។ ឈ្មោះ លន់ ភុន បានរៀបរាប់ថា គាត់បានទិញដីពីអ្នកស្រី អ៊ួង សុផល្លា ដែលមានទីតាំងស្ថិតនៅក្រោយវត្តសំរោងអណ្តែងក្នុងតម្លៃ ៣០ម៉ឺនដុល្លារ ដោយអះអាងថា ដីនេះ ជាដីឯកជនមិនមែនជាដីសាធារណៈទេ។ រាល់លិខិតស្នាមនានា ត្រូវបានលោក ឃ្លាំង ហួត ជាអ្នកចុះហត្ថលេខាទទួលស្គាល់។ ប៉ុន្តែនៅទីបំផុត ដីនេះត្រូវបានរដ្ឋរឹបអូសធ្វើជាទ្រព្យសម្បត្តិសាធារណៈ ហើយគាត់ត្រូវបានខាត់បង់ប្រាក់ចំនួន ៣០ម៉ឺនដុល្លារ ទើបដាក់ពាក្យបណ្តឹងប្តឹង លោក ឃ្លាំង ហួត និងភរិយាតែម្តង។
ពាក់ព័ន្ធការចោទប្រកាន់នេះ លោក ឃ្លាំង ហួត បានបញ្ជាក់តាមទូរស័ព្ទកាលពីថ្ងៃទី៧ ខែឧសភា ឆ្នាំ២០១៤ យ៉ាងខ្លីថា លោកពុំទាន់បានដឹងអំពីការប្តឹងនេះនៅឡើយទេ ហើយលោក ក៏មិនបានធ្វើការអត្ថាធិប្បាយណាមួយដែរ ដោយប្រាប់ទៅឲ្យទាក់ទងមេធាវីរបស់លោកវិញ។
No comments:
Post a Comment
yes