គណបក្សប្រឆាំងគ្រោងដាក់របាយការណ៏ពីបញ្ហាព្រំដែន
កម្ពុជា វៀតណាម ទៅព្រះមហាក្សត្រ ទៅរដ្ឋសភា
និងទៅរាជរដ្ឋាភិបាល
លោក សុន ឆ័យ ប្រធានក្រុមអ្នកតំណាងរាស្ត្រគណបក្ស សម រង្ស៊ី នៅរសៀលថ្ងៃទី២២ ខែធ្នូ ឆ្នាំ២០១០បានប្រាប់ឱ្យដឹងថា បន្ទាប់ពីបានចុះទៅពិនិត្យមើលបង្គោលព្រំដែនខ្មែរ និង ប្រទេសវៀតណាម កាលពីសប្តាហ៍កន្លងមកនេះនៅស្រុកមេមត់ ខេត្តកំពង់ចាម ពួកគេបានរកឃើញការបាត់ភូមិរបស់ខ្មែចំនួន១៤ នៅក្នុងចំណោម៣ឃុំ ។លោកសុន ឆ័យ អះអាងថា ក្រុមអ្នកតំណាងរាស្ត្រគណបក្ស សម រង្ស៊ីដែលបានចុះទៅមើលព្រំដែននោះបានធ្វើលិខិតចប់រួចរាល់ហើយ ដែលគ្រោងនឹងដាក់ទៅស្ថាប័នកំពូលរបស់ជាតិនៅចុងសប្តាហ៍នេះ។ លោក សុន ឆ័យ បន្តថានៅក្នុងអត្ថន័យលិខិតដែលនឹងដាក់ទូលថ្វាយព្រះករុណាព្រះមហាក្សត្រផងដែរនោះ ក្រុមអ្នកតំណាងរាស្ត្របានស្នើសុំដល់រាជរដ្ឋាភិបាល ធ្វើការឆ្លើយបំភ្លឺដល់អ្នកតំណាងរាស្ត្រ ជុំវិញដំណើរការបោះបង្គោលព្រំដែនគោក ជាមួយនិងប្រទេសវៀតណាមដែលធ្វើឲ្យ
បាត់បង់ដីស្រែរបស់ពលរដ្ឋខ្មែរ។ លោកបន្តថា អ្នកតំណាងរាស្ត្រគណបក្ស សម រង្ស៊ី បាននប្រើ
ឧបករណ៍បច្ចេកទេសវាស់ត្រឹមត្រូវហើយមិនចេះតែថានោះទេ។
ចំនែកឯលោកទេសរដ្ឋមន្ត្រី វ៉ា គឹមហុង ប្រធានគណៈកម្មកាទទួលបន្ទុកកិច្ចការព្រំដែនរបស់រាជ
រដ្ឋាភិបាលកម្ពុជា ធ្លាប់បានមានប្រសាសន៍អះអាងថា ការបោះបង្គោលព្រំដែនគោក ជាមួយប្រទេស
វៀតណាម គឺធ្វើតាមបច្ចេកទេសតាមកិច្ចព្រមព្រៀងព្រំដែន និងគោរពតាមផែនទីដែលតម្កល់នៅ
អង្គការសហប្រជាជាតិ ហើយការបោះបង្គោលព្រំដែនពុំមានបាត់ទឹកដីខ្មែរនោះឡើយ។
No comments:
Post a Comment
yes