លោក ហ៊ុន សែន បញ្ជា ឲ្យស្វែងរកឯកសារ ទាក់ទងនឹងពាក្យចរចាមអារ៉ាមដែលត្រូវបាន
លើកឡើងដោយបុគ្គលម្នាក់នៅឯបរទេស
ហើយអាចនិងត្រូវចាប់ខ្លួនបើចូលមកកម្ពុជា
នាយករដ្ឋមន្ត្រីកម្ពុជាលោក ហ៊ុន សែន នៅថ្ងៃទី២០ មករានៅក្នុងពិធីសម្ភោធដាក់អោយប្រើប្រាស់អាគារមន្ទីរពេទ្យ នៅខេត្តកំពង់ចាម បានសង្កត់ធ្ងន់ថា ប្រើកម្លាំងបង្រ្កាបប្រសិនបើករណីមានចលាចលដូចនៅប្រទេសទុយនេស៊ី
ដែលនាពេលប៉ុន្មានថ្ងៃចុងក្រោយនេះ បានធ្លាក់ចូលក្នុងវិបត្តិនយោ
បាយយ៉ាងធ្ងន់ធ្ងរ។
នាយករដ្ឋមន្ត្រីលោក ហ៊ុន សែន បានបញ្ចេញសម្លេងខ្លាំងៗយ៉ាងដូច្នេះ ថា “ ខ្ញុំសូមផ្តាំទៅអ្នកឯង បើចង់ឲ្យមានកុប្បកម្មបែបប្រទេសទុយនេស៊ី ខ្ញុំនឹងបិទទ្វារវាយឆ្កែនៅពេលនេះ”។
លោក ហ៊ុន សែន បាននិងកំពុងតែបញ្ជាទៅមន្ត្រីរបស់លោក ឲ្យស្វែងរកឯកសារទាក់ទងនឹងពាក្យចរចាមអារ៉ាមនេះ ដែលត្រូវបានលើកឡើងដោយបុគ្គលម្នាក់នៅឯបរទេស។
លោក ហ៊ុន សែន មិនបានបញ្ជាក់អត្តសញ្ញាណរបស់បុគ្គលដែលថ្លែងសំដៅនោះឡើយដោយលោកគ្រាន់តែបញ្ជាក់ថា បុគ្គលម្នាក់នោះមានក្បាល
ទំពែក និងកំពុងស្នាក់នៅឯបរទេស។
លោក ហ៊ុន សែន បញ្ជាក់ថា បុគ្គលម្នាក់នោះអាចនឹងត្រូវបានចាប់ខ្លួន ប្រសិនបើបុគ្គលម្នាក់នោះចូលប្រទេសកម្ពុជា។ លោកបញ្ជាក់យ៉ាងដូច្នេះថា ”ម្សៀហ្នឹង បើចូលស្រុកអាចត្រូវបានចាប់ អាហ្នឹងក្បាលទំពែក”។
សូមជម្រាបថា កាលើកឡើងរបស់លោកនាយករដ្ឋមន្ត្រីនៃប្រទេសកម្ពុជាបានកើតឡើងក្រោយ ពីមានលេចនូវពាក្យសម្តីព្រមានមកនាយករដ្ឋមន្ត្រី ឲ្យមើលគំរូករណីនៃការក្រោកឡើងរបស់ប្រជាជនទុយនេស៊ី ប្រឆាំងនឹងរដ្ឋាភិបាល ដែលបង្កទៅជាចលាចលនយោបាយ និងការប៉ះទង្គិចដ៏ហិង្សាគ្នា។
No comments:
Post a Comment
yes