ម៉ឹក ដារា និងគូកនប្រឈមនិងការ
ជាប់ពន្ធនាគារ អស់មួយជីវិត
លោកមឹក ដារ៉ា អគ្គលេខាធិការអាជ្ញាធរជាតិប្រឆាំងគ្រឿងញៀន និងលោកជា ឡេង ប្រធានការិយាល័យនៃមន្ទីរប្រឆាំងគ្រឿងញៀនក្រសួងមហាផ្ទៃ រួមជាមួយនិងលោកឈៀង សុន អតីតស្នងការរងខេត្តបន្ទាយមានជ័យត្រូវបានចោទ ប្រកាន់ចំនួនពីរ បទល្មើសគឺបទពុករលួយនិងជួញដូរគ្រឿងញៀន។ បទល្មើសនេះអាចប្រឈមនឹងការជាប់គុកអស់មួយជីវិតនេះបើតាមការឱ្យដឹងរបស់លោកឱម យ៉ិនទៀង ប្រធានអង្គភាពប្រឆាំងអំពើ ពុករលួយនៅក្នុងសន្និសីទកាសែតនៅរសៀលថ្ងៃទី២១មករានេះ។ចំណែកឯលោកហ៊ុន ហ៊ាន អតីតស្នងការខេត្តបន្ទាយមានជ័យដែលត្រូវបានគេចាប់ខ្លួនក្នុង សំណុំរឿងនេះ ផងដែរកាលពីថ្ងៃទី១០មករាត្រូវបានគេចោទតែមួយករណីប៉ុណ្ណោះគឺបទពុករលួយ ។លោកឱម យ៉ិនទៀងបានឱ្យដឹងថា សំណុំរឿងដ៏ធំមួយនេះត្រូវបានគេតាមដានតាំងពីឆ្នាំ២០០៧មកម្ល៉េះហើយទើបតែបំបែកនៅពេលនេះ។ លោកមឹក ដារ៉ា គឺជាមេក្លោងដែលបង្កើតបណ្តាញជួញដូរគ្រឿងញៀនយ៉ាងធំដោយប្រើ ប្រាស់មន្ទីរប្រឆាំងគ្រឿងញៀនរបស់ក្រសួងមហាផ្ទៃជាទីកន្លែងចាត់តាំង ហើយគេបានរកឃើញថា លោកមឹក ដារ៉ានិងគូកនបានប្រឌិតភស្តុតាង និងបន្លំឯកសារជាច្រើនដើម្បីដោះលែងជនល្មើសទាក់ទងនឹងគ្រឿងញៀនជា ថ្នូរនិងប្រាក់សំណូក។ បន្ទាប់មក លោកមឹក ដារ៉ាបានយកគ្រឿងញៀនដែលចាប់បានទៅឱ្យកូនចៅរបស់ខ្លួនលក់បន្តទៀត។ លោកឱម យ៉ិនទៀង ប្រធានអង្គភាពប្រឆាំងអំពើពុករលួយបានអះអាងថា តុលាការបានអនុញ្ញាតឱ្យអង្គភាពប្រឆាំងអំពើពុករលួយស៊ើបអង្កេតបន្ត សំណុំរឿងនេះ តែលោកអះអាងថា គ្មានអ្នកធំជាងមឹក ដារ៉ាជាប់ពាក់ពន្ធ័ក្នុងសំណុំរឿងនេះទេ។ លោកឱម យ៉ិនទៀងបានឱ្យដឹងទៀតថា ចាប់តាំងពីឆ្នាំ២០០៧មក មានសំណុំរឿងពី១៥ទៅ១៧ករណីដែល ជាប់ពាក់ពន្ធ័នឹងរឿងក្តីមួយនេះ៕
No comments:
Post a Comment
yes