ដោយមិនដឹងពីមូលហេតុ
ក្រុមសមត្ថកិច្ចជំនាញបាននាំគ្នាពិនិត្យសពស្ត្រីអ្នកកាសែតអាមេរិកាំងម្នាក់ដែលបានដេកស្លាប់ក្នងបន្ទប់ជួលមួយក្នងរាជធានីភ្នំពេញ។ កញ្ញា Thompson Jessica Claire អាយុ៣២ឆ្នាំ បំរើការអោយកាសែត The Cambodia Daily ត្រូវគេ ប្រទះឃើញដេកស្លាប់ កាលពីវេលាថ្ងៃត្រង់ ថ្ងៃ សៅរ៍ទី២២មករានេះ ក្នងបន្ទប់ ជួលផ្ទះសំណាក់មួយក្នងរាជធានីភ្នំពេញ។ ប៉ូលិសបាននិយាយថា នៅក្បែរ សាកសពអ្នកកាសែត Thompson Jessica Claire ក៏មានបុរសជនបរទេស៣ នាក់ទៀត បានដេកសន្លប់រងរបួសឈាមហូរ
តាមច្រមុះ ហើយត្រូវបានគេដឹក យកមកព្យាបាលនៅមន្ទីរពេទ្យកាល់ម៉ែត្រ ។ ស្នងការរងរាជធានីភ្នំពេញ លោក វរសេនីយ៍ឯក ប៉ុលភីថេយ្យ បានមានប្រសាសន៍ថា សមត្ថកិច្ចកំពុងស៊ើបរកមើល មូលហេតុដែលជាប់ពាក់ព័ន្ធ។ សាក្សីបាននិយាយថា បន្ទប់ដែលស្ត្រីអ្នកកាសែត ជាតិអាមេរិកដេកស្លាប់ និងបុរស៣នាក់ទៀតបានដេកសន្លប់នោះ គឺស្ថិតក្នុង វីឡាផ្ទះជួលមួយ លេខ១២អឺ០ ផ្លូវ៤១ ភូមិ១០ សង្កាត់ទន្លេបាសាក់ ខ័ណ្ឌចំការ មន រាជធានីភ្នំពេញ។ ប្រភពបាននិយាយថា បន្ទប់ដែលស្ត្រីបានដេកស្លាប់នោះ គឺបន្ទប់លេខ៩ ដែលមិនមែនជា បន្ទប់របស់នាងឡើយ។ បន្ទប់ស្ត្រីកាសែតនោះ គឺជាបន្ទប់លេខ៥។ សេចក្តីរាយការណ៍ពីសាក្សីខ្លះដែលបានឃើញសកម្មភាព មុនពេលស្លាប់ បានបញ្ជាក់ថា នាងThompson Jessica Claire កាលពីយប់មិញ បានដើរលេងជាមួយមិត្តភក្តិប្រុសទាំង៣នាក់ រហូតដល់យប់ជ្រៅបានវិល ត្រឡប់មកវិញ។ សាក្សីបាននិយាយថា ពេលចូលមកដល់ ពួកគេក៏បានបិទទ្វារ បន្ទប់នៅជាមួយគ្នារហូត។ វេលាម៉ោងប្រមាណ១២ ៤០នាទីថ្ងៃត្រង់ អ្នកសំអាត អនាម័យ បានគោះទ្វារហើយចាក់សោរចូល បានប្រទះឃើញហេតុការណ៍ដេក ស្លាប់នេះបានកើតឡើង។ សេចក្តីរាយការណ៍ពីកន្លែងកើតហេតុ បានអោយ ដឹងថា មិនមានស្លាកស្នាមឬសញ្ញា សម្គាល់ណាមួយដែលគេបានសង្ស័យអំពី រឿងឃាតកម្មនោះទេ។ ក្រុមគ្រូពេទ្យកំពុងតែធ្វើកោសល្យវិច័យដើម្បីចង់ដឹង អំពីមូលហេតុដែលនាំអោយស្ត្រីអ្នកកាសែតជាតិអាមេរិកដេកស្លាប់នោះហើយ។
English translation, please?
ReplyDelete