សមណនិស្សិតខ្មែរ ៣ អង្គត្រូវអាជ្ញាធរខ្មែរចាប់ព្រះកាយ
នៅខេត្តកំពង់ធំ
ព្រះសង្ឃខ្មែរស្នាក់នៅប្រទេសថៃ ៣ ព្រះអង្គត្រូវបានអាជ្ញាធរខ្មែរខេត្តកំពង់ធំចាប់ឃុំព្រះ កាយ បន្ទាប់ពីព្រះអង្គនិមន្តទៅលេងស្រុកកំណើតក្នុងរដូវចូលឆ្នាំថ្មី នៅខេត្តកំពង់ធំ និងខេត្តមួយចំនួនដទៃទៀត នៅក្នុងប្រទេសកម្ពុជាកាលពីថ្ងៃ ទី ៣០ ខែខែមីនា កន្លង ទៅនេះ ។
ព្រះតេជព្រះគុណ ឡឹម ពិចិត្រ ។ រូបថតៈ KI Media យោងតាមប្រភពព័ត៌មានគេហទំព័រ KI Media បានចុះផ្សាយកាលពីថ្ងៃទី ០៥ ខែមេសា កន្លងទៅនេះថា ព្រះសង្ឃខ្មែរ ៣ ព្រះអង្គដែលត្រូវបានអាជ្ញាធរចាប់ឃុំនោះមានព្រះនាម គឺ ព្រះតេជព្រះគុណ ឡឹម ពិចិត្រ ជាព្រះសង្ឃខ្មែរក្រោម ព្រះតេជព្រះគុណ មុនី និង ព្រះតេជព្រះគុណ ទី ដែលសព្វថ្ងៃកំពុងសិក្សានៅ មហាវិទ្យាល័យមហាចុឡាលង ករណ៍រាជវិទ្យាល័យ ប្រទេសថៃ ។
ប្រភពព័ត៌មានដដែលបានឲ្យដឹងទៀតថា ព្រះសង្ឃ ៣ ព្រះអង្គនេះ ត្រូវបានជាប់ចោទ ពីបទធ្វើចារកម្មបំរើនយោបាយឲ្យពួកប្រឆាំងដែលមានបំណងផ្តួលរំលំរដ្ឋាភិបាលខ្មែរ ។ តែបើតាមការអះអាងរបស់អ្នកបញ្ចេញមតិ តាមរយៈគេហទំព័រ KI Media ម្នាក់បានឲ្យ ដឹងថា ជនជាប់ចោទមិនបានប្រព្រឹត្តអំពើដូចការចោទប្រកាន់របស់មន្រី្តនគរបាលខ្មែរ ឡើយ ។ មតិនោះបាននិយាថា មូលហេតុដែលអាជ្ញាធរខ្មែរចាប់ខ្លូនព្រះសង្ឃទាំង ៣ ព្រះអង្គខាងលើនោះគឺ ព្រោះព្រះអង្គបាននិមន្តទៅចូលរួមប្រជុំក្នុងវេទិកាសាធារណៈ មួយដែលបានរៀបចំឡើងដោយ លោក សួន សេរីរដ្ឋា ប្រធាន គណកម្មការប្រព្រឹត្តិកម្ម ខ្មែរ ដើម្បីយុត្តិធម៌ និង សមធម៌ ( Cambodia Action Committee for Justice –Equity ) ឬ ចលនាអំណាចពលរដ្ឋខ្មែរ ( Khmer people Power Movement ) បានប្រព្រឹត្តិទៅ កាលពីថ្ងៃ ១៣ ខែវិច្ឆិកា ឆ្នាំ ២០១០ នៅក្នុងវត្តស៊ីសុតារាម សាខាមហាវិទ្យាល័យមហា ចុឡាលងករណ៍ នាទីក្រុងបាងកក ប្រទេសថៃ គឺជាអ្វីដែលគេហៅថា ជាសកម្មភាពបះ បោរ មានបំណងប្រឆាំងនឹងរដ្ឋាភិបាលកម្ពុជាដែលដឹកនាំដោយ លោក ហ៊ុន សែន ។ មួយទៀតការចូលរួមប្រជុំនេះ ត្រូវបានពួកគេថតសំឡេង និង វីដេអូ ដែលមានការ សង្ស័យថា ការប្រជុំនោះប្រហែលជាមានភ្នាក់ងារសម្ងាត់របស់រដ្ឋាភិបាល ដូច្នេះបាន ជាអាជ្ញាធរខ្មែរមានឯកសារទាំងនេះ បណ្តាលឲ្យអាជ្ញាធរខ្មែរងាយស្រួលក្នុងការតាម ប្រមាញ់ជនសង្ស័យ ។ តែទោះជាយ៉ាងនេះក្តី រហូតមកដល់ពេលនេះនៅមិនទាន់ មានប្រភពព័ត៌មាន ឬ សាក្សីណាម្នាក់បញ្ជាក់ឲ្យបានច្បាស់នៅឡើយទេ ៕
ពីគេហទំព័រ ព្រៃនគរ
No comments:
Post a Comment
yes