សូមស្វាគមន៏ការចូលមកកាន់គេហទំព័ររបស់យើងខ្ញុំ​!!!​Welcome to ckn-media.blogspot.com Website !!!​គេហទំព័រ ckn-media.blogspot.com ផ្តល់ព័ត៌មានពិតឥតលំអៀង រហ័សទាន់ចិត្ត ដែលលោកអ្នកជឿទុកចិត្ត / លោកអ្នកអាចទាក់ទងមកកាន់គេហទំព័ររបស់យើងខ្ញុំបានតាមរយៈ Email: cknkhmer@gmail.com សូមអរគុណ !!!

Saturday, February 4, 2012

វីដេអូសិចរបស់ តារាសម្តែង មាស សម្ផស្ស ត្រូវបានបែកធ្លាយ ?


ភ្នំពេញ៖ ភាពភ្ញាក់ផ្អើល បានកើតឡើង ទាំងបណ្តាញ ព័ត៌មាន ក្នុងស្រុកនានា និងជាពិសេស​មជ្ឈដ្ឋាន​មហាជនទូទៅ បាននឹងកំពុងតែជ្រួលច្របល់ និងសួរដេញដោលគ្នាទៅវិញទៅមក ទាក់ទិន​ទៅនិងព័ត៌មានវីដេអូសិច VideoClip Sex របស់តារាសម្តែង មាស សម្ផស្ស នៅពេលដែល​បណ្តាព័ត៌​មានក្នុងស្រុក បានចុះផ្សាយពីរឿងរ៉ាវខាងលើនេះ។ ជុំវិញព័ត៌មាននេះត្រូវ បានគេបង្ហើបឲ្យដឹងថា មាន​ជនខិលខូចមួយចំនួន បាននិងកំពុងតែបង្កនូវភាពចលាចល ដោយបានកាត់ត រូបភាពវីដេ​អូ​សិច ភ្ជាប់ជាមួយ និងរូបភាពតារាចម្រៀង មាស សម្ផស្ស ។
ជុំវិញព័ត៌មាននេះបាននិងកំពុងតែក្លាយជាទីចាប់អារម្មណ៍​របស់មហាជនទូទៅ ហើយគិតថា វាជាព័ត៌មានប៉ះ​ពាល់​ដល់​កិត្តិយសយ៉ាងធ្ងន់ធ្ងរ របស់តារាសម្តែង មាស សម្ផស្ស ។ ថ្មីៗនេះបន្ទាប់ពីរឿងរ៉ាវ រូបភាពសិចស៊ី របស់តារា​ចម្រៀង​ ឆៃ លីដាឡែន បានធ្វើឲ្យរង្គើមជ្ឈដ្ឋានសិល្បៈ ក្នុង​ការរិះគន់ហើយនោះ ស្រាប់តែថ្មីៗនេះ បែរជាលេច​ធ្លាយ​ព័ត៌​មានអាស្រូវ ប៉ះលើស្រីស្រស់ មាស សម្ផស្ស ជាថ្មី​ម្តង​ទៀត ។
ទាក់ទិនទៅនិងព័ត៌មាន ដែលកំពុងតែលេច​ឮពីមាត់​មួយ​ទៅមាត់មួយនេះ អ្នកយកព័ត៌មានយើង​បានទាក់​ទងទៅ​តារា មាស សម្ផស្ស ប៉ុន្តែពុំបានសម្រេចទេ ដោយនាង​កំពុង​រវល់ថតរឿង នៅឯខេត្តរតនគីរី ។ ទោះបីជាយ៉ាងណានាងបានបញ្ជាក់ប្រាប់បណ្តាញ​ព័ត៌​មាន​ក្នុងស្រុកមួយថា នាងហ៊ានស្បថ រូបនាងមិនធ្វើ ទង្វើ​ដ៏​ថោក​ទាបនេះឡើយ នាងគិតថា នេះគឺជាល្បិច​កលជន​ខិលខួច ដែលមានចេតនាបង្កាច់បង្ខូចកេរ្តិ៍ឈ្មោះ និង​កិត្តិយស​លើរូបនាង ។
មាស សម្ផស្ស បានបន្ថែមដោយធ្ងន់ៗទៀតថា នាងមិនធ្វើអ្វីឆ្កូតៗបែបនេះឡើយ ហើយក៏គ្មាន​រូប​ភាព​អាសអាភាសណាមួយ កើតឡើងចំពោះនាងដែរ។ មាស សម្ផស្ស កំពុងតែរិះរកមធ្យោបាយ និង​រកឲ្យឃើញជនខិលខូចទាំងនោះ ដើម្បីចាត់ការទៅតាមច្បាប់ ពោលគឺនាង នឹងប្តឹងអ្នក​ដែល​កាត់ត​ចុះ​ផ្សាយវីដេអូឃ្លីប បង្ខូចកេរ្តិ៍ឈ្មោះរបស់នាង ។
គួរបញ្ជាក់ថាវីដេអូឃ្លីបដែលត្រូវបានគេបង្ហោះនោះមានរយៈពេល៣នាទី និង៣៦វិនាទី ទំហំ១៣MB និងត្រូវចុះផ្សាយក្នុងគេហទំព័រក្នុងស្រុកមួយ ដោយដាក់ចំណងជើងសំណួរថា “ វីដេអូឃ្លីបសិច របស់តារាចម្រៀង មាស សម្ផស្ស ? ” ។ បើពិនិត្យមើលវីដេអូសិចជាង៣នាទីនេះ ពីដំបូងគេសង្កេត ឃើញរូបតារា ចម្រៀង មាស សម្ផស្ស ពិតមែន ប៉ុន្តែប្រហែលបន្តិចត្រូវបានគេកាត់បញ្ចូលតួអង្គផ្សេង ដែលមានរូបរាងស្រដៀង និង មាស សម្ផស្ស បេះបិទហើយត្រូវ បានគេបង្ហោះក្នុង គេហទំព័រក្នុង ស្រុក មួយ បង្កឲ្យភាពភ្ញាក់ផ្អើលកាលពីពេលថ្មីៗនេះ ។ ប៉ុន្តែទោះបីជាយ៉ាងណា មាស សម្ផស្ស នៅ តែអះអាង និងច្រានចោលព័ត៌មាន ទាក់ទងទៅនិងវីដេអូឃ្លីបនេះទាំងស្រុង ថាមិនមែន ជារូបនាង នោះទេ ៕


DAP-NEWS