សហគមន៍ព្រៃឡង់ទាមទារឲ្យរដ្ឋាភិបាលលុបចោល
អាជ្ញាប័ណ្ណធ្វើអាជីវកម្មលើព្រៃឡង់
អ្នកសហគមន៍ព្រៃឡង់ធ្វើការតវ៉ានៅទីលានប្រជាធិបេតយ្យ(រូប៖កោះសន្តិភាព)
តំណាងសហគមន៍ព្រៃឡង់ដែលមានគ្នាប្រមាណជាង១រយនាក់ ភាគច្រើនជាជនជាតិភាគតិចគួយ នៅព្រឹកមិញនេះបានធ្វើការទាមទារឲ្យរដ្ឋា ភិបាលលុបចោលជាបន្ទាន់ រាល់អាជ្ញាប័ណ្ណដែលផ្ដល់សិទ្ធិឲ្យក្រុមហ៊ុនឯកជនធ្វើអាជីវកម្មលើ ព្រៃឡង់ដែលជាតំបន់ព្រៃចុងក្រោយរបស់កម្ពុជា និងឥណ្ឌូចិនលាតសន្ធឹងលើផ្ទៃដី៣ពាន់៦រយគីឡូម៉ែត្រក្រឡា។
ឈរនៅលើទីលានប្រជាធិបតេយ្យជាមួយការសម្ដែងរបាំបែបប្រពៃណីនោះ ក្រុមជនជាតិដើមខ្មែរទាំងនេះបានស្រែកថា «ព្រៃឡង់ជាព្រៃរបស់យើង! ព្រៃឡង់ជាជីវិតរបស់ពួកយើង!..» និងបានទាមទារឲ្យមានការដាក់បញ្ចូលព្រៃឡង់ជាសម្បតិបេតិកភណ្ឌរបស់ កម្ពុជា។
ជាមួយគ្នាក្រុមតំណាងពីសហគមន៍ព្រៃឡង់ដែលមកពីខេត្ដចំនួន៤មាន ខេត្ដកំពង់ធំ, ស្ទឹងត្រែង, មណ្ឌលគិរី និងព្រះវិហារដែលជាប់ពាក់ព័ន្ធព្រៃឡង់ក៏បានធ្វើការទាមទារនៅក្នុង សេចក្ដីថ្លែងការណ៍របស់ខ្លួនផងដែរ ដែលក្នុងនោះរួមមាន ៖
១.បញ្ឈប់ការផ្ដល់សម្បទាននានាក្នុងតំបន់ព្រៃឡង់
២.លុបអាជ្ញារប័ណ្ណគ្រប់វិស័យដែលបានផ្ដល់ឲ្យក្រុមហ៊ុនក្នុងតំបន់ព្រៃឡង់
៣.លុបបំបាត់សកម្មភាពបំផ្លាញព្រៃឈើអនាធិបតេយ្យក្នុងតំបន់ព្រៃឡង់
៤.ទុកដីដែលបានឈូសឆាយឲ្យដុះឡើងវិញជាលក្ខណៈធម្មជាតិ
៥.សុំគាំទ្រនិងទទួលស្គាល់បណ្ដាញសហគមន៍ព្រៃឡង់
៦.សុំឲ្យមានកិច្ចសហការពីមន្រ្ដីពាក់ព័ន្ធគ្រប់លំដាប់ថ្នាក់ ជាមួយបណ្ដាញព្រៃឡង់ក្នុងកិច្ចការពារនិងថែរក្សាព្រៃឡង់ទាំងមូល ឲ្យស្ថិតស្ថេរគង់វង្ស។
១.បញ្ឈប់ការផ្ដល់សម្បទាននានាក្នុងតំបន់ព្រៃឡង់
២.លុបអាជ្ញារប័ណ្ណគ្រប់វិស័យដែលបានផ្ដល់ឲ្យក្រុមហ៊ុនក្នុងតំបន់ព្រៃឡង់
៣.លុបបំបាត់សកម្មភាពបំផ្លាញព្រៃឈើអនាធិបតេយ្យក្នុងតំបន់ព្រៃឡង់
៤.ទុកដីដែលបានឈូសឆាយឲ្យដុះឡើងវិញជាលក្ខណៈធម្មជាតិ
៥.សុំគាំទ្រនិងទទួលស្គាល់បណ្ដាញសហគមន៍ព្រៃឡង់
៦.សុំឲ្យមានកិច្ចសហការពីមន្រ្ដីពាក់ព័ន្ធគ្រប់លំដាប់ថ្នាក់ ជាមួយបណ្ដាញព្រៃឡង់ក្នុងកិច្ចការពារនិងថែរក្សាព្រៃឡង់ទាំងមូល ឲ្យស្ថិតស្ថេរគង់វង្ស។
មានសេចក្ដីរាយការណ៍ថា រហូតមកដល់ឆ្នាំ២០១០រដ្ឋាភិបាលកម្ពុជាបានផ្ដល់អាជ្ញាប័ណ្ណសម្បទាន ចំនួន២៧នៅក្នុងតំបន់ព្រៃឡង់នេះ ដែលភាគច្រើនជាក្រុមហ៊ុនមកពីប្រទេសយួន។ បច្ចុប្បន្នក្រុមហ៊ុនទាំងនោះបានធ្វើការកាប់បំផ្លាញព្រៃឈើ និងឈូសឆាយដីដែលធ្វើឲ្យប៉ះពាល់យ៉ាងធ្ងន់ធ្ងរដល់ទីជម្រករបស់ សត្វកម្រជិតផុតពូជចំនួន២៧ប្រភេទ ដើមឈើប្រណីតនិងប្រភេទរុក្ខជាតិជិតផុតពូជជាង២០ប្រភេទផងដែរ។ ហើយជាពិសេសនោះគឺជីវភាពរបស់ប្រជាពលរដ្ឋចំនួន៤ខេត្ដជាប់ព្រៃឡង់ ហើយដែលពួកគាត់អាស្រ័យផលពីព្រៃឡង់។
នៅព្រឹកមិញនេះ ក៏មានការចូលរួមពីតំណាងរាស្រ្ដគណបក្សសមរង្ស៊ីប្រចាំមណ្ឌល កំពង់ធំផងដែរ នោះគឺលោក ម៉ែន សុថាវរិន្រ្ទ។ លោក ម៉ែន សុថាវរិន្រ្ទបានសន្យាចំពោះមុខសហគមន៍ប្រជាពលរដ្ឋថា នឹងខិតខំជួយប្រជាពលរដ្ឋពីសហគមន៍ព្រៃឡង់ឲ្យពេញទំហឹង។ ដោយបានលើករម្លឹកពីសម្ដីរបស់ ហ៊ុន សែន នាពេលកន្លងទៅដែលបានអះអាងជាមួយប្រជាពលរដ្ឋថា គាត់សុខចិត្ដកាត់.ក និងចុះចេញពីតំណែងក្នុងការការពារព្រៃឡង់មិនឲ្យមានការរំលោភ។ ប៉ុន្ដែពេលនេះបែរជាមានការកាប់បំផ្លាញដោយក្រុមហ៊ុនដែលមាន អាជ្ញាប័ណ្ណពីរដ្ឋាភិបាល៕
ពីគេហទំព័រ៖ សារព័ត៌មានសេរី
No comments:
Post a Comment
yes