គណៈកម្មការការបោះឆ្នោតរបស់ថៃ
ពេញចិត្តនិង «ការបោះឆ្នោតជាមុន»
បន្ទាប់ពីការបោះឆ្នោត បានបញ្ចប់នៅវេលាម៉ោង៣រសៀល សន្លឹកឆ្នោតសម្រាប់ការបោះឆ្នោតនៅក្រៅមណ្ឌលត្រូវបានប្រគល់ឲ្យ ខេត្ត តាមប្រៃសណីយថៃ ខណៈប្រធាន EC ដែលឃ្លាំមើលការដឹកជញ្ជូនបានសម្តែងការពេញចិត្តរបស់លោក ដោយនិយាយថា ដំណើរការទាំងមូលមានតម្លាភាពនិងបានធ្វើឡើងនៅក្រោមការឃ្លាំ មើលពីក្រុមមន្រ្តីប៉ូលិស និងក្រុមសមាជិកបុគ្គលិកទីភ្នាក់ងាររៀបចំការបោះឆ្នោតនៅឯ ស្ថានីយនីមួយៗ។
លោក បានបញ្ជាក់ថា ក្រុមអ្នកតំណាងមកពីគណបក្សនយោបាយ និងប្រព័ន្ធឃោសនាបានសង្កេតមើលប្រតិបត្តិការទាំងមូល។
លោកបានបញ្ជាក់ថា ករណីហែកសន្លឹកឆ្នោតពីរ ដែលរំលោភច្បាប់បោះឆ្នោតត្រូវគេរាយការណ៍ ហើយលោក ទទួលបានរបាយការណ៍ពេញលេញកាលពីថ្ងៃចន្ទ។ យ៉ាងហោចណាស់មានមួយករណីក្នុងចំណោមករណីជាច្រើន វាទំនងជាមានការយល់ច្រឡំធម្មតាដែលមានការពាក់ព័ន្ធនឹងសន្លឹក ឆ្នោតដែលមានគេគូសសញ្ញារួចហើយ។
ក្នុងរដ្ឋធានី អគ្គលេខាអចិន្រៃ្តយ៍របស់រដ្ឋបាលក្រុងបាងកក លោក ឆារឺនរ៉ាត់ជូទីកន បាននិយាយថា ឧបសគ្គតូចតាច បានកើតឡើងនៅស្រុក រាជាទេវីនៅពេលដែលឈ្មោះមនុស្សប្រមាណ១០០នាក់ មិនត្រូវបានគេរកឃើញថាបានចុះឈ្មោះនៅក្នុងប្រព័ន្ធបោះឆ្នោត ជាមុននេះ។ អ្នកបោះឆ្នោតទាំងនោះក្រោយមក ត្រូវបានអនុញ្ញាតឲ្យបោះឆ្នោត បន្ទាប់ពីឯកសាររបស់ពួកគេ ត្រូវបានគេផ្ទៀងផ្ទាត់។
ការស្ទះចរាចរណ៍ ត្រូវបានរាយការណ៍ថាកើតមាននៅខាងក្រៅស្ថានីយខ្លះៗក្នុងក្រុង បាងកក និងខេត្តជាច្រើនដែលនៅក្បែរ ថ្វីបើសាលាក្រុង បាននិយាយថា អ្នកបោះឆ្នោតមិនដល់៦០ភាគរយមកពីបណ្តាខេត្ត ដែលបានចុះឈ្មោះបោះឆ្នោតជាមុននៅក្រុងបាងកកបានបោះឆ្នោត។ ប៉ូលិសប្រមាណ២០នាក់ ត្រូវបានគេបញ្ជូនទៅសម្រួលដល់ការស្ទះចរាចរណ៍នេះដែលមានប្រវែង លាតសន្ធឹងជាច្រើនគីឡូម៉ែត្រ។
មនុស្សប្រមាណ៤ម៉ឺននាក់ បានចេញមកបោះឆ្នោតនៅបណ្ឌិតសភានាវាជើងទឹកនៅស្រុកមឿងក្នុងខេត្តសមុទ្រសាគរ។
ចរាចរណ៍ ក៏ស្ទះនៅខាងក្រៅមណ្ឌលបោះឆ្នោតមួយកន្លែងនៅស្រុក បាង កាពី ជាទីដែលមនុស្សជាង១០ម៉ឺននាក់ បានចុះឈ្មោះបោះឆ្នោតជាមុន។
នៅស្រុកឌីនដែង បេក្ខជនសមាជិកសភា និងបក្ខពួក៣០នាក់ ចង់ពិនិត្យមើលការបោះឆ្នោតនៅទីនោះ ប៉ុន្តែត្រូវបានក្រុមមន្រ្តីប៉ូលិសហាមប្រាម បណ្តាលឲ្យមានការដាក់ពាក្យបណ្តឹងទៅប៉ូលិសដោយបេក្ខជនរូបនោះ។ នៅបាងណា ការស៊ើបអង្កេតកំពុងតែដំណើរការនៅពេលដែលអ្នកបោះឆ្នោតម្នាក់ បានហែកសន្លឹកឆ្នោតរបស់ខ្លួន និងចង់បានសន្លឹកឆ្នោតថ្មីដោយសារតែការយល់ខុសនៅក្នុងនីតិវិធី នៃការបោះឆ្នោត។
លោកឆារឺនរ៉ាត់ បានបញ្ជាក់ថា បញ្ហាទាំងនេះ នឹងត្រូវរៀនសូត្រសម្រាប់ការកែលម្អនៅក្នុងការបោះឆ្នោតទូទៅនៅ ថ្ងៃទី៣ កក្កដា។
នៅកន្លែងផ្សេងៗទៀត អគ្គលេខាធិការEC លោក សុធិពល ថាវីឆៃកន បានថ្លែងថា បរិយាកាសបោះឆ្នោតជាមុននៅខេត្ត ប៉ាធុមថានី មានលក្ខណៈរស់រវើក រីឯក្នុងខេត្តសមុទ្រប្រាកន អ្នកបោះឆ្នោត១០នាក់ បានជួបបញ្ហាឈ្មោះ៕ NR
ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes